|
MS Excel - Əmək haqqının hesablanması
|
Bu səhifədə çalışacam Sizləri mühasibat uçotunda mürəkkəb hesab edilən əmək haqqının hesablamasını MS Excel imkanlarından istifadə edərək hazırlamağı göstərim. Əmək haqqının hesablanması zamanı müxtəlif situasiyalar yarana bilər. Bizim misalda yalnız əsas standart situasiyalar nəzərdə tutulub. Siz öz müəssisənizdə olan situasiyalar üçün verilən misalda əlavələr edə bilərsiniz.
İlk öncə Excel kitabı yaradırsınız. İlkin məlumatları daxil etmək üçün ayrıca bir səhifə yaradaq və adını "Siyahı" qoyaq. Burada biz işçilərin siyahısını və bəzi lazımi məlumatları saxlayacayıq.
Hər ay üçün hesablama ayrı səhifədə aparılacaq. Hesablama və Ödəmə cədvəlləri ayrı səhifədə olacaqlar və onlar avtomatik doldurulacaq.
Siyahı səhifəsində işçilər barədə məlumatları daxil edək. Orada cədvəl hazırlayırıq. Cədvəlin başlıqları olacaq: İşçinin tabel nömrəsi, İşçinin Soyadı, Adı və Atasının adı və Vəzifə maaşı.
İşçilərin siyahısından bir qədər aralı Bayram və istirahət günlərinin siyahısını daxil edəcəyik. Bunlar istənilən ayda iş günlərinin sayını hesablamaq üçündür. Nəzərə almaq lazımdır ki, buraya bayramların tarixlərini "tarix" formatı ilə daxil etmək laımdır, "text" formatı ilə yox. Bu məlumatı hər il AR Əmək və Əhalinin Sosial Müdafiəsi Nazirliyinin dərc etdiyi "İstehsalat təqvimindən" götürmək olar.
Faylı yükləyin
|
|
