|
Nəğd vəsaitlərin kassadan verilməsi
Nəğd vəsaitlərin kassadan verilməsi aşağıdakı hallarda baş verə bilər:
- Əmək haqqının və ona bərabər olan ödənişlər(mükafat, məzuniyyət haqqı, müavinətlər);
- Təhtəlhesab şəxslərə nəğd pulun verilməsi;
- Bank hesabına pulun keçirilməsi;
- Malgöndərənlərə ödənişlərin edilməsi;
- Təsisçilrə ödənişlərin edilməsi
Nəğd vəsaitlərin kassadan məxarici
Nəğd vəsaitlərin kassadan məxarici Kassa məxaric orderi (Forma N KO-2) ilə sənədləşdirilir.
Əmək haqqının və ona bərabər olan ödənişlər(mükafat, məzuniyyət haqqı, müavinətlər) Hesablama-ödəmə cədvəli (Forma N-1HÖC) və ya Ödəmə cədvəli (Forma N-2ÖC) əsasında verilir.
Nəğd vəsaitlərin kassadan verilməsinə hazırlıq
Xəzinadar nəğd vəsaitləri kassa məxaric orderində (hesablama-ödəmə cədvəlində, ödəmə cədvəliində) qeyd edilən şəxsə verməlidir. Nəğd vəsaitləri kassadan alan şəxs şəxsiyyətini təsdiq edən sənəd və ya vəkalətnamə və şəxsiyyətini təsdiq edən sənəd təqdim etməlidir.
Xəzinədar kassa məxaric orderini və ona əlavə edilən kassa sənədləri alan zaman aşağıdakıları yoxlamalıdır:
- Ödəniş sənədlərində rəhbərin, baş mühasibin və ya onların səlahiyyətli nümayəndələrinin imzalarının mövcudluğunu və özündə olan imza nümunəsi ilə uyğunluğunu;
- Yazı və rəqəm ilə qeyd edilən məbləğlərin uyğunluğunu;
- Nəğd vəsaitləri alan şəxsin orderdə qeyd edilən SAA-nın şəxsiyyətini təsdiq edən sənəd ilə uyğun olub-olmadığını;
- Kassa sənədlərində sadalanan əlavələrin mövcudluğunu.
Bu tələblərin hər hansı birinə riayət olunmadıqda, xəzinədar həmin sənədləri icra etmədən mühasibatlığa qaytarır.
Vəkalətnamə əsasında nəğd vəsaitlərin verilməsi
Xəzinadar kassa məxaric orderində qeyd edilən şəxsin SAA-nın vəkalətnamədə qeyd edilən şəxsin SAA ilə uyğunluğunu və vəkalətnamədə qeyd edilən şəxsin şəxsiyyətini təsdiq edən sənəddə qeyd olunan SAA ilə uyğunluğunu yoxlayır.
Hesablama-ödəmə cədvəlində və ya ödəmə cədvəlində nəğd vəsaitləri götürməyi həvalə edilən şəxsin imzasının qarşısında "vəkalətnamə ilə" yazısı edilir. Vəkalətnamə kassa məxaric orderinə (hesablama-ödəmə cədvəlinə, ödəmə cədvəlinə) tikilir.
Nəğd vəsaitlərin verilməsi zamanı xəzinadarın əməliyyatları
Nəğd vəsaitlərin kassa məxaric orderi əsasında verilməsi zamanı xəzinadar veriləcək nəğd vəsaitləri hazırlayır, və kassa məxaric orderini nəğd vəsaitləri alan şəxsə verir. Nəğd vəsaitləri alan şəxs kassa məxaric orderini imzalayır.
Xəzinadar veriləcək məbləği nəğd vəsaitləri alan şəxsin qarşısında bir-bir sayır, və kassa məxaric orderində qeyd edilən məbləği alan şəxsə verir.
Nəğd vəsaitləri alan şəxs aldığı əskinasları xəzinadarın qarşısında bir-bir sayır. Xəzinadar nəğd vəsaiti alan şəxsin heç bir şikayətlərini, alan şəxs pulları xəzinadarın qarşısında saymadan gəbul etmir.
Nəğd vəsaitlər verildikdən sonra kassa məxaric orderi xəzinadar tərəfindən imzalanır.
Nəğd vəsaitlərin təhtəlhesab şəxsə verilməsi
İnzibati-təsərrüfat məqsədlərinə lazım olan malların (məsələn, dəftərxana ləvazimatlarının) alınması üçün təhtəlhesab şəxsə pul verilə bilər.
Təhtəlhesab şəxs nəğd vəsaitləri almaq üçün müəssisə rəhbərinə Ərizə ilə müraciət edir. Müəssisə rəhbəri ərizəni imzaladıqdan sonra, o mühasibatlığa təqdim olunur. Mühasibatlıq bu ərizənin əsasında kassa məxaric orderini hazırlayır.
Təhtəlhesab şəxslər aldıqları avansların təyinatından asılı olaraq, 5 iş günü müddətində onların xərclənməsi barədə mühasibatlığa avans hesabatı təqdim etməlidirlər və xərclənməyən pul qalığını kassaya qaytarmalıdırlar. Eyni şəxsə yeni avans məbləği yalnız əvvəl verilmiş avans məbləği haqda hesabat təqdim edildikdən və pulun qalığı qaytarıldıqdan sonra verilir.
Ezamiyyə məqsədləri üçün verilən avans məbləğləri üzrə avans hesabatları isə təhtəlhesab şəxs ezamiyyətdən qayıtdıqdan sonra onun tərəfindən 3 iş günü müddətində mühasibatlığa təhvil verilməlidir.
Əmək haqqının və ona bərabər olan ödənişlərin (mükafat, məzuniyyət haqqı, müavinətlər) edilməsi
Əmək haqqının və ona bərabər olan ödənişlər(mükafat, məzuniyyət haqqı, müavinətlər) Hesablama-ödəmə cədvəli (Forma N-1HÖC) və ya Ödəmə cədvəli (Forma N-2ÖC) əsasında verilir.
Əmək haqqları veriləndən sonra Ödəniş cədvəlinin "Ödənilib" xanasında cəmi ödənilən əmək haqqları yazılır, "Deponentləşib" xanasında isə deponetləşdirilən və banka təhvil verilən məbləğin cəmi yazılır. Sonra Ödəniş cədvəlini xəzinadar imzalayır və mühasibatlığa Baş mühasibin imzası üçün təqdim edir.
Edilmiş ödənişə kassa məxaric orderi(KO-2) tərtib edilir. Ödənilməmiş əmək haqqı məbləği yenidən banka qayıdıb orada deponentləşdirilə bilər. Deponentləşdirilmiş məbləğə əlavə olaraq kassa məxaric orderi tərtib edilir.
Malgöndərənlərə ödənişlərin edilməsi
Nəğd pul vəkalətnamə əsasında malgöndərənin səlahiyyətli nümayəndəsinə ödənilir.
|
