Kənd təsərrüfatı məhsullarının pərakəndə satışı üzrə ƏDV-nin hesablanması

2019-08-09 | Vergilər | 4039

Vergi Məcəlləsinin 153-cü maddəsinə əsasən, Azərbaycan Respublikası ərazisində istehsal olunan kənd təsərrüfatı məhsullarının pərakəndə satışı zamanı əlavə dəyər vergisi (ƏDV) ticarət əlavəsindən hesablanan verginin məbləğidir. Bu müddəanı iqtisadçı ekspert Anar Bayramov konkret misal əsasında şərh edib.

Tutaq ki, "Əla" supermarketi 200 manata aldığı kənd təsərrüfatı məhsulunun üzərinə 50 manat əlavə edərək onu 250 manata satıb. ƏDV ödəyicisi 250 manatdan 18 faiz hesablamalı olduğu halda, kənd təsərrüfatı məhsullarının pərakəndə satışı zamanı ƏDV ticarət əlavəsinə tətbiq olunduğu üçün vergi 50 manata (250 manat - 200 manat) tətbiq ediləcək. Bu maddə ilə bağlı 3 məsələyə diqqət yetirmək lazımdır:

1) Kənd təsərrüfatı məhsulu mütləq ölkəmizdə istehsal olunmalıdır

Misalımıza uyğun olaraq, "Əla" supermarketi Türkiyədən alınan narınginin satışını həyata keçirirsə, bu zaman həmin məhsul üzrə uçot ayrıca aparılmalı və ƏDV ticarət əlavəsinə deyil, satış qiymətinə tətbiq olunmalıdır.

2) Kənd təsərrüfatı məhsullarının satışı pərakəndə satış formasında həyata keçirilməlidir

Hər hansı vergi ödəyicisi kənd təsərrüfatı məhsullarının topdansatış fəaliyyətini həyata keçirirsə, o zaman maddənin bu tələbi həmin sahibkarlıq subyektlərinə tətbiq olunmayacaq.

3) Vergi ödəyicisi ticarət əlavəsinə ƏDV hesablanmış kənd təsərrüfatı məhsullarının uçotunu ayrıca aparmalıdır

Vergi Məcəlləsinin 174.3-cü maddəsinə əsasən, ticarət əlavəsi hesablanmış kənd təsərrüfatı məhsulları üzrə uçot aparılmadıqda, Məcəllənin digər maddələrində göstərilən müddəalardan asılı olmayaraq, ölkəmizdə istehsal olunmuş kənd təsərrüfatı məhsullarının pərakəndə satışı zamanı da ƏDV ümumi dövriyyədən hesablanır.

Hazırladı:

Fəxriyyə İKRAMQIZI

Mənbə: https://vergiler.az/news/taxes/3555.html

Kənd təsərrüfatı məhsullarının pərakəndə satışı üzrə ƏDV-nin hesablanması

2019-08-09 | Vergilər | 4039

Vergi Məcəlləsinin 153-cü maddəsinə əsasən, Azərbaycan Respublikası ərazisində istehsal olunan kənd təsərrüfatı məhsullarının pərakəndə satışı zamanı əlavə dəyər vergisi (ƏDV) ticarət əlavəsindən hesablanan verginin məbləğidir. Bu müddəanı iqtisadçı ekspert Anar Bayramov konkret misal əsasında şərh edib.

Tutaq ki, "Əla" supermarketi 200 manata aldığı kənd təsərrüfatı məhsulunun üzərinə 50 manat əlavə edərək onu 250 manata satıb. ƏDV ödəyicisi 250 manatdan 18 faiz hesablamalı olduğu halda, kənd təsərrüfatı məhsullarının pərakəndə satışı zamanı ƏDV ticarət əlavəsinə tətbiq olunduğu üçün vergi 50 manata (250 manat - 200 manat) tətbiq ediləcək. Bu maddə ilə bağlı 3 məsələyə diqqət yetirmək lazımdır:

1) Kənd təsərrüfatı məhsulu mütləq ölkəmizdə istehsal olunmalıdır

Misalımıza uyğun olaraq, "Əla" supermarketi Türkiyədən alınan narınginin satışını həyata keçirirsə, bu zaman həmin məhsul üzrə uçot ayrıca aparılmalı və ƏDV ticarət əlavəsinə deyil, satış qiymətinə tətbiq olunmalıdır.

2) Kənd təsərrüfatı məhsullarının satışı pərakəndə satış formasında həyata keçirilməlidir

Hər hansı vergi ödəyicisi kənd təsərrüfatı məhsullarının topdansatış fəaliyyətini həyata keçirirsə, o zaman maddənin bu tələbi həmin sahibkarlıq subyektlərinə tətbiq olunmayacaq.

3) Vergi ödəyicisi ticarət əlavəsinə ƏDV hesablanmış kənd təsərrüfatı məhsullarının uçotunu ayrıca aparmalıdır

Vergi Məcəlləsinin 174.3-cü maddəsinə əsasən, ticarət əlavəsi hesablanmış kənd təsərrüfatı məhsulları üzrə uçot aparılmadıqda, Məcəllənin digər maddələrində göstərilən müddəalardan asılı olmayaraq, ölkəmizdə istehsal olunmuş kənd təsərrüfatı məhsullarının pərakəndə satışı zamanı da ƏDV ümumi dövriyyədən hesablanır.

Hazırladı:

Fəxriyyə İKRAMQIZI

Mənbə: https://vergiler.az/news/taxes/3555.html

LAYİHƏ HAQQINDA

MUHASIB.AZ saytının əsas məqsədi mühasibat uçotu və maliyyə sahələrində çalışan və gələcəkdə çalışmaq istəyən mütəxəssisləri lazımi məlumatlar ilə təmin etməkdir. Sayt həm tədris, həm də informativ-analitik formatda təşkil edilib.

Müəllif haqqında

MÜƏLLİFLƏRƏ:

Saytda istənilən şəxs mühasibat uçotu, IFRS, vergilər, maliyyə, audit və saytın əhatə etdiyi digər sahələr üzrə məqalələr yerləşdirə bilər. Bunun üçün məqaləni admin@muhasib.az ünvanına göndərmək kifayətdir. Ətraflı

ƏLAQƏ

Bakı, AZ 1004 Mikayıl Müşfiq küç. 2H.

(994)702011258

admin@muhasib.az

Məxfilik strateqiyası





www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!