Maliyyə hesabatlılığına görə məsuliyyəti idarə heyəti daşımalıdır.

2016-12-05 | Mühasibat uçotu | 2921

Dünya Bankının ekspert qrupu Azərbaycanda maliyyə hesabatlılığına görə məsuliyyəti adi menecerlərin deyil, idarə heyətinin daşımasını təklif edir. Bu barədə çağırışlar "Mühasiblər Forumu-2016"da səsləndi. Fins.az tədbirin təşkilatçısı olan ARPA-nın Direktorlar Şurasının sədri Rüfət Mahmudun bu və tədbirdə səslənən digər təkliflərlə bağlı mövqeyini təqdim edir.

- Forumun nəticələrini necə qiymətləndirisiniz? Azərbaycanda mühasibatlılıq, hesabatlılıq sahəsində hansı problemlər var?

- Forum çox önəmli məsələlərə toxundu. Beynəlxalq təcrübə göstərir ki, yerli qanunvericilik aktları beynəlxalq standartlara cavab verməlidir. Beynəlxalq mühasib təşkilatlarının tələblərinə uyğun sertifikasiya sistemi qurulmalıdır. Amma hər bir məsələ mütəxəssislərdən başlayır. Yəni, şəffaf hesabatlılığın təmin olunması üçün peşəkar mütəxəssislərin sayı artmalıdır. Əks halda, hətta ideal qanunun yaradılmasının belə heç bir faydası olmayacaq. Təsəvvür edin ki, 4 milyon əhalisi olan Yeni Zelandiyada 33 min mühasib "Peşəkar mühasib təşkilatı"nın üzvüdür. Düşünürsünüzmü, bu nə deməkdir. Peşəkar mühasibin olması ilk növbədə hesabatların düzgün hazırlanması, korrupsiya hallarının qarşısının alınması, həmçinin biznesin inkişafından tutmuş bir çox sahəyə müsbət təsir göstərəcək. Bizim təşkilatın əsas məqsədi də mühasiblik peşəsinin statusunu qaldırmaq və biznes təfəkkrünü inkişaf etdirmək üçün mühasiblərin karyera inkişafını təmin etməkdir.

- Rüfət müəllim, Dünya Bankının nümayəndələri belə bir təklif irəli sürürlər ki, Azərbaycanda kiçik və orta sahibkarlıq subyektləri maliyyə hesabatlığından azad olunsun. Buna münasibətiniz necədir?

- Əslində, Azərbaycan qanunvericiliyinə görə, kiçik və orta sahibkarlardan maliyyə hesabatlarının verilməsi tələb olunmur. Yəni, mühasibat uçotu aparılmalıdır, ancaq qanunda maliyyə hesabatı ilə bağlı xüsusi tələb yoxdur. Hər bir halda, bu, bir beynəlxalq təcrübədir və kiçik-orta sahibkarlığın inkişafına müsbət təsir göstərir.

- Xarici ekspertlərin daha bir təklifi hesabatlılığa məsul şəxslərlə bağlı idi. Yəni, hesabata görə sıravi menecerlər yox, idarə heyəti məsuliyyət daşımalıdır. Sizcə, bu normal yanaşma deyilmi?

- Gəlin bundan başlayaq ki, bu nə verir? İlk növbədə idarə heyətinin məsuliyyətini artırır ki, hesabatlılığın daha şəffaf və beynəlxalq standartlarla aparılmasını təmin etsin. Eyni zamanda, hesabatlılıq idarə heyətinin peşəkarlıq qabiliyyətini, işlərin icrası səviyyəsini üzə çıxaracaq. Üstəlik, əgər idarə heyəti öz maliyyə hesabatını düzgün və şəffaf qursa, investisiya maraqları artacaq. Nəticədə şirkətə etimadın yaranmasına və yeni partnyorların cəlb olunmasına səbəb olacaq. Xüsusən də xarici investisiya qoyuluşlarında hesabatlılıq ən mühüm faktordur.

- "Banklar haqqında" yeni qanun hazırlanır. ARPA-nın bu məsələdə hər hansı iştirakı varmı?

- Hələ yoxdur, amma ümüd edirik ki, bizim də ekspert kimi fikrimiz öyrəniləcək.

- Təklif olaraq nəsə hazırlamısınızmı?

- Yox, çünki hələ qanun lahiyəsini görməmişik. Bildiyimizə görə, yeni layihə Maliyyə Nazirliyi tərəfindən hazırlanıb və qiymətləndirmə üçün Dünya Bankına təqdim olunub.

- Azərbaycanın bank sektorunda risklər böyükdür. Bu riskləri qiymətləndirmək üçün ekspertlər stress-testlərin keçirilməsini təklif edir. Sizcə, Azərbaycanda hesabatlılığın mövcud səviyyəsi imkan verirmi ki, bu testlər reallığı əks etdirsin?

- Banklarda stress testlərin keçirilməsi beynəlxalq təcrübədə geni istifadə olunur. Banklarda bu testlərin tətbiqi məqsədilə xüsusi modellər var. Stress-testlərin məqsədi ondan ibarətdir ki, hansısa çətin bir dövrdə bank vəziyyətə necə reaksiya verəcək. Bugünkü vəziyyət onu göstərir ki, doğrudan da banklar üçün çox önəmli məsələdir.

Mənbə: http://fins.az/bank/911407/buna-gore-de-mesuliyyeti-idare-heyeti-dasimalidir-musahiba.html

Maliyyə hesabatlılığına görə məsuliyyəti idarə heyəti daşımalıdır.

2016-12-05 | Mühasibat uçotu | 2921

Dünya Bankının ekspert qrupu Azərbaycanda maliyyə hesabatlılığına görə məsuliyyəti adi menecerlərin deyil, idarə heyətinin daşımasını təklif edir. Bu barədə çağırışlar "Mühasiblər Forumu-2016"da səsləndi. Fins.az tədbirin təşkilatçısı olan ARPA-nın Direktorlar Şurasının sədri Rüfət Mahmudun bu və tədbirdə səslənən digər təkliflərlə bağlı mövqeyini təqdim edir.

- Forumun nəticələrini necə qiymətləndirisiniz? Azərbaycanda mühasibatlılıq, hesabatlılıq sahəsində hansı problemlər var?

- Forum çox önəmli məsələlərə toxundu. Beynəlxalq təcrübə göstərir ki, yerli qanunvericilik aktları beynəlxalq standartlara cavab verməlidir. Beynəlxalq mühasib təşkilatlarının tələblərinə uyğun sertifikasiya sistemi qurulmalıdır. Amma hər bir məsələ mütəxəssislərdən başlayır. Yəni, şəffaf hesabatlılığın təmin olunması üçün peşəkar mütəxəssislərin sayı artmalıdır. Əks halda, hətta ideal qanunun yaradılmasının belə heç bir faydası olmayacaq. Təsəvvür edin ki, 4 milyon əhalisi olan Yeni Zelandiyada 33 min mühasib "Peşəkar mühasib təşkilatı"nın üzvüdür. Düşünürsünüzmü, bu nə deməkdir. Peşəkar mühasibin olması ilk növbədə hesabatların düzgün hazırlanması, korrupsiya hallarının qarşısının alınması, həmçinin biznesin inkişafından tutmuş bir çox sahəyə müsbət təsir göstərəcək. Bizim təşkilatın əsas məqsədi də mühasiblik peşəsinin statusunu qaldırmaq və biznes təfəkkrünü inkişaf etdirmək üçün mühasiblərin karyera inkişafını təmin etməkdir.

- Rüfət müəllim, Dünya Bankının nümayəndələri belə bir təklif irəli sürürlər ki, Azərbaycanda kiçik və orta sahibkarlıq subyektləri maliyyə hesabatlığından azad olunsun. Buna münasibətiniz necədir?

- Əslində, Azərbaycan qanunvericiliyinə görə, kiçik və orta sahibkarlardan maliyyə hesabatlarının verilməsi tələb olunmur. Yəni, mühasibat uçotu aparılmalıdır, ancaq qanunda maliyyə hesabatı ilə bağlı xüsusi tələb yoxdur. Hər bir halda, bu, bir beynəlxalq təcrübədir və kiçik-orta sahibkarlığın inkişafına müsbət təsir göstərir.

- Xarici ekspertlərin daha bir təklifi hesabatlılığa məsul şəxslərlə bağlı idi. Yəni, hesabata görə sıravi menecerlər yox, idarə heyəti məsuliyyət daşımalıdır. Sizcə, bu normal yanaşma deyilmi?

- Gəlin bundan başlayaq ki, bu nə verir? İlk növbədə idarə heyətinin məsuliyyətini artırır ki, hesabatlılığın daha şəffaf və beynəlxalq standartlarla aparılmasını təmin etsin. Eyni zamanda, hesabatlılıq idarə heyətinin peşəkarlıq qabiliyyətini, işlərin icrası səviyyəsini üzə çıxaracaq. Üstəlik, əgər idarə heyəti öz maliyyə hesabatını düzgün və şəffaf qursa, investisiya maraqları artacaq. Nəticədə şirkətə etimadın yaranmasına və yeni partnyorların cəlb olunmasına səbəb olacaq. Xüsusən də xarici investisiya qoyuluşlarında hesabatlılıq ən mühüm faktordur.

- "Banklar haqqında" yeni qanun hazırlanır. ARPA-nın bu məsələdə hər hansı iştirakı varmı?

- Hələ yoxdur, amma ümüd edirik ki, bizim də ekspert kimi fikrimiz öyrəniləcək.

- Təklif olaraq nəsə hazırlamısınızmı?

- Yox, çünki hələ qanun lahiyəsini görməmişik. Bildiyimizə görə, yeni layihə Maliyyə Nazirliyi tərəfindən hazırlanıb və qiymətləndirmə üçün Dünya Bankına təqdim olunub.

- Azərbaycanın bank sektorunda risklər böyükdür. Bu riskləri qiymətləndirmək üçün ekspertlər stress-testlərin keçirilməsini təklif edir. Sizcə, Azərbaycanda hesabatlılığın mövcud səviyyəsi imkan verirmi ki, bu testlər reallığı əks etdirsin?

- Banklarda stress testlərin keçirilməsi beynəlxalq təcrübədə geni istifadə olunur. Banklarda bu testlərin tətbiqi məqsədilə xüsusi modellər var. Stress-testlərin məqsədi ondan ibarətdir ki, hansısa çətin bir dövrdə bank vəziyyətə necə reaksiya verəcək. Bugünkü vəziyyət onu göstərir ki, doğrudan da banklar üçün çox önəmli məsələdir.

Mənbə: http://fins.az/bank/911407/buna-gore-de-mesuliyyeti-idare-heyeti-dasimalidir-musahiba.html



Mühasibat uçotu bölümünün son xəbərləri

2024-01-23 | Bakıda II Vergi və Mühasibatlıq Zirvəsi keçiriləcək
2024-01-23 | Azərbaycanda orta sahibkarlar bu ildən elektron mühasibat uçotuna keçməli olacaq
2024-01-23 | Azərbaycanda “Mühasibat uçotu haqqında” və “Dövlət sirri haqqında” qanunlar dəyişib
2022-12-09 | Müəssisələr vergi hesabatları ilə yanaşı, mühasibat uçotunun da hesabatlarını təqdim etməlidirlər
2021-02-04 | Elektron qaimə-fakturanın forması, tətbiqi, uçotu və istifadəsi Qaydaları təsdiqlənib
2021-02-03 | Peşəkar Mühasib Sertifikasiyası imtahanı ilə bağlı sual-cavab MÖVZUSUNDA VEBİNAR
2021-01-29 | Uçot və hesabatlılıq sistemi Beynəlxalq Maliyyə Hesabatı Standartlarına əsasən qurulmalıdır
2021-01-08 | Mühasibat uçotu haqqında qanunda dəyişiklik edildi
2020-07-07 | TTA STANDARTI: VERGİ MƏCƏLLƏSİ İLƏ IFRS-İN QARŞILAŞDIRILMASI MÖVZUSUNDA VEBİNAR
2020-06-23 | Malın və ya xidmətin (işin) adı nəzarət-kassa aparatının çekində qeyd edilməlidir

www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!