Ana səhifə İş elanları CV Bankı Sual-Cavab Forum Bu gün: 18.10.17
      Mühasibat uçotu Vergilər Kadr işi İdarəetmə uçotu Hüquq IFRS Audit Accountsoft Maliyyə menecmenti Financial English
      Xəbərlər Məqalələr Qanunvericilik Kitabxana Sertifikasiyalar Referatlar Tədris İstirahət Linklər Trenajor
      Qeydiyyat  |  Daxil ol

İşsizlərə sığorta ödənişi veriləcək.

2016-06-16 | Kadr işi | Baxılıb: 963 dəfə

Əmək və Əhalinin Sosial Müdafiəsi Nazirliyi "İşsizlik sığortası haqqında" qanun layihəsini hazırlayaraq baxılması üçün hökumətə təqdim edib. Nazir müavini İdris İsayev fins.az-a bildirib ki, artıq bu layihə bütün əlaqədar övlət qurumları ilə razılaşdırılıb. Qanunun parlamentin payız sessiyasında qəbul ediləcəyi və 2017-ci ilin əvvəlindən işə düşəcəyi gözlənilir.

Yeni qanun layihəsinə görə, işsizlikdən sığorta haqqı ümumilikdə işçinin əmək haqqının 1%-i qədər olacaq. Bunun 0,5%-ni işçi özü, 0,5%-ni isə işə götürən ödəyəcək. "Bu dünyada ən aşağı göstəricilərdən biridir. Digər ölkələrdə bu göstərici daha yüksəkdir və bəzən hətta əmək haqqının 3-5%-nə çatır"-deyə nazir müavini bildirib.

Amma qanuna görə, işsizlik sığortası hazırda fəaliyyət göstərən yardım sisteminə oxşamayacaq, yəni yardım olmayacaq. Qanuna görə, işsiz vətəndaşa sığorta ödənişi veriləcək (indii bu işsizliyə görə müavinət adlanır). Amma bu məbləğ diferensiallaşdırılıb, yəni işçinin stajından və işsiz qaldığı dövrdən asılı olaraq dəyişəcək.

Yəni işçinin stajı böyük olduqca sığopta ödənişi də böyük olacaq, işsiz qaldığı müddət artdıqca isə ödəniş də azalacaq. Belə ki, qanuna görə,

İşsizlikdən sığorta ilk növbədə o insanlara şamil ediləcək ki, onlar işdən ixtisar ediliblər, və ya müəssisələri bağlınıb və işsiz statusu alıblar. Onlara ödənişlər stajdan asılı olacaq. İşçinin əmək stajı 10 ildən artıqdırsa, o işsiz qalanda onun aylıq ödənişi son 12 ay ərzində orta aylıq maaşının 65%-i qədər olacaq. Əgər işçinin əmək stajı 5-10 il arasındadırsa, sığopta ödənişi bir qədər də az olacaq, stajı 3-5 il olanlar üçün ödəniş daha az, 3 ildən az olanlar üçün isə minimum məbləğdə ödəniş veriləcək.

Hər dəfə müraciət üçün sığopta ödənişi müddəti maksimum 6 ay nəzərdə tutulub. Vətəndaş işsizlikdən sığorptaya görə ilk dəfə müraciət edirsə onu 6 ay müddətinə ödəniş təüyin edilir. 6 ayın özündə də ödənişlər eyni məbləğlə olmayacaq. İlk iki ayda işsiz şəxs ona təyin olunan aylıq ödənişi 100% alacaq, sonrakı 2 ayda bu ödəniş 80%-ə, sonrakı iki ayda isə 70%-ni alacaq.

İşsiz şəxs bu müddət ərzində iş tapa bilməsə və yenidən sığopta ödənişi üçün müraciət etsə, ona 3 ay müddətinə sığorta ödənişi veriləcək. Ödənişlərin məbləği getdikcə azalacaq və minimum həddə düşəcək. Minimum hədd isə minimum əmək haqqı həddində olacaq.

Nazir müavini bildirib ki, nazirlik işsizlərə təkcə sığorta ödənişi vermək fikrində deyil, onlarla fərdi məşğulluq proqramı həyata keçiriləcək: "Yəni işsiz insana sığorta ödənişi kəsilibsə, bu o demək deyil ki, bu hər ay onu davamlı alacaq. Qaydaya görə, o hər ay gəlməlidir məşğulluq orqanına, sübut etməlidir ki, iş axtarır, və o gəldiyi zaman ona aktiv məşğulluq tədbirləri təklif olunacaq. Məsələn peşə hazırlığı, ixtisasını artırmaq və ya dəyişməsi və s.". Əgər işçi doğrudan da iş axtardığını sübut edə bilməsə və bu tədbirlərdə iştirak etməsə, ona sığorta ödənişinin verilməsi növbəti aydan etibarən dayandırılacaq.

Nazir müavini bildirib ki, yeni qanunun tətğiqi toplanacaq vəsaitlərin təqribən yarısı özünəməşğulluq tədbirlərinə sərf ediləcək ki, həmin şəxslərin məşğulluğu təmin edilsin. Bu istiqamətə sərf ediləcək vəsait təqribən 25 milyon olacaq (yəni ümumi yığılan vəsait 50 milyon manata yaxın olacaq).

Mənbə: http://fins.az/sigorta/901453/issizlere-sigorta-odenisi-verilecek-mablaglar.html




Son Kadr işi xəbərləri

2017-10-09 | Azərbaycanda qeyri-rəsmi məşğulluğun qarşısının alınmasına dair Tədbirlər Planı təsdiqlənib
2017-08-24 | Əmək müqaviləsinin rəsmiləşdirilməsi barədə BİLDİRİŞ-MƏLUMAT
2017-05-31 | İşçilərin işdən çıxarılması qaydaları dəyişir
2017-05-13 | Əmək müqavilələrinin müddəti ilə bağlı şərtlər dəyişdirilir
2017-05-13 | Əmək müqaviləsinə xitam verilən işçilərə yeni hüquqlar və ayrılacaq müavinətlər müəyyənləşdirilir
2017-04-06 | Əmək pensiyası almaq üçün yığım məbləği nə qədər olmalıdır?
2017-03-01 | Azərbaycanda pensiya yaşı artırılır
2017-03-01 | Azərbaycanda əmək pensiyalarının baza hissəsi ləğv olunur
2017-01-25 | Səlim Müslümov: Yaxın zamanda muzdlu işçisi olmayan fiziki şəxslər sosial sığorta üzrə hesabat verməyəcək
2017-01-25 | Əmək pensiyası üçün staj məhdudiyyəti olmayacaq


Şərhlər Mesaj

Adınız: 

E-poçt:

Mövzu:
Mətn:



   Baş səhifə
   İqtisadiyyat
   Mühasibat uçotu
   Vergilər
   Kadr işi
   Hüquq
   IFRS
   Audit
   Accountsoft
   Maliyyə menecmenti
   Sertifikasiyalar


   Bilirsinizmi?
Planetimizdə hər dəqiqə 250 insan doğulur və 103 insan ölür. 12 oktyabr 1999-cu ildə yer kürəsinin əhalisi 6 milyarda çatmışdır. Bəşər tarixi boyu 100 milyard insan doğulmuşdur.

Mühasib
Бухгалтер Ресторанной Сети
Baş mühasib
Mühasib
1C Mütəxəssis
Accountant (Maternity Leave Coverage)
Junior Auditor

 :: Sual - Cavab
Əmək haqqından tutulmalar
Lisenziyaların uçotu
Anti-virus proqramlarının uçotu.

Bütün suallar

Yeni kitablar
2010-2016. Saytdakı materiallardar istifadə etdikdə www.muhasib.az saytına keçid qoymaq vacibdır!