Azərbaycanda işçilərin ödədiyi sığorta haqqı 10%-dək artırılacaq.

2012-12-03 | Vergilər | 339

Qarşıdakı illərdə Azərbaycan Dövlət Sosial Müdafiə Fondunun (DSMF) maliyyə dayanıqlığının gücləndirilməsi və pensiya sisteminin fəaliyyətinin təkmilləşdirilməsi məqsədilə ölkədə sığorta stajının bir ilinin qiyməti müəyyənləşdiriləcək.

«APA-Economics»in məlumatına görə, bu barədə DSMF-nin sədri Səlim Müslümov bu gün Bakıda keçirilən «Azərbaycan-2020: Gələcəyə baxış» konfransında çıxışında bildirib.

«Hazırda sistemdə belə göstərici olmadığına görə, çox aşağı tariflərlə sosial sığorta haqqı ödəyən böyük bir əhali qrupu sistemdən uzunmüddətli və böyük məbləğli pensiya almaq imkanına malikdir. Bunu nəzərə alaraq sosial sığorta stajının bir ilinin dəyəri müəyyən ediləcək», - deyə DSMF başçısı vurğulayıb.

S.Müslümov həçinin bildirib ki, hesablamalara görə, bu göstərici pensiyanın baza hissəsinin 12 misli qədər olmalıdır.

Tam pensiya hüququ qazanmaq üçün tələb olunan sosial sığorta stajı 30 il, minimum pensiya üçün tələb olunan sığorta stajı isə 12 il həddində müəyyənləşdirilib. Hesablamalara əsasən, 2020-ci ilədək sosial sığorta haqqının dərəcəsi 25% olmaqla, işəgötürənlə, işçi arasında bu məbləğ 15%/10% nisbətində bölünəcək.

Qeyd edək ki, hazırda bu nisbət 22%/3% təşkil edir.

Mənbə: www.apa.az

Azərbaycanda işçilərin ödədiyi sığorta haqqı 10%-dək artırılacaq.

2012-12-03 | Vergilər | 339

Qarşıdakı illərdə Azərbaycan Dövlət Sosial Müdafiə Fondunun (DSMF) maliyyə dayanıqlığının gücləndirilməsi və pensiya sisteminin fəaliyyətinin təkmilləşdirilməsi məqsədilə ölkədə sığorta stajının bir ilinin qiyməti müəyyənləşdiriləcək.

«APA-Economics»in məlumatına görə, bu barədə DSMF-nin sədri Səlim Müslümov bu gün Bakıda keçirilən «Azərbaycan-2020: Gələcəyə baxış» konfransında çıxışında bildirib.

«Hazırda sistemdə belə göstərici olmadığına görə, çox aşağı tariflərlə sosial sığorta haqqı ödəyən böyük bir əhali qrupu sistemdən uzunmüddətli və böyük məbləğli pensiya almaq imkanına malikdir. Bunu nəzərə alaraq sosial sığorta stajının bir ilinin dəyəri müəyyən ediləcək», - deyə DSMF başçısı vurğulayıb.

S.Müslümov həçinin bildirib ki, hesablamalara görə, bu göstərici pensiyanın baza hissəsinin 12 misli qədər olmalıdır.

Tam pensiya hüququ qazanmaq üçün tələb olunan sosial sığorta stajı 30 il, minimum pensiya üçün tələb olunan sığorta stajı isə 12 il həddində müəyyənləşdirilib. Hesablamalara əsasən, 2020-ci ilədək sosial sığorta haqqının dərəcəsi 25% olmaqla, işəgötürənlə, işçi arasında bu məbləğ 15%/10% nisbətində bölünəcək.

Qeyd edək ki, hazırda bu nisbət 22%/3% təşkil edir.

Mənbə: www.apa.az



Vergilər bölümünün son xəbərləri

2019-12-06 | Tikinti şirkətləri üçün vergi şərtləri dəyişdirilib
2019-12-06 | Kameral vergi yoxlaması
2019-12-06 | Mənfəət və gəlir vergisi bəyannamələrinin tərtib edilməsində diqqət yetirilməli məqamlar
2019-12-06 | ƏDV tutulan əməliyyatın vaxtı necə hesablanacaq?
2019-12-05 | Vergitutma məqsədləri üçün istifadə olunan bəzi anlayışların izahı
2019-12-05 | Riskli vergi ödəyicilərinin meyarlarının müəyyən edilməsi ilə bağlı hüquqi baza yaradılır
2019-12-05 | ƏDV-nin kassa metodu əsasında hesablanması mütərəqqi yeniliklərdən biridir
2019-12-05 | Müəyyən olunmuş hədd daxilində yeni nəsil NKA-lara çəkilən xərclər vergi öhdəlikləri ilə əvəzləşdiriləcək
2019-12-05 | Vergi Məcəlləsinə ilk dəfə olaraq Transmilli Şirkətlər Qrupu anlayışı daxil edilib
2019-12-04 | Vergitutma obyektinin müəyyən edilməsi

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!