Bank rəhbəri: "Azərbaycanda iflasla bağlı geniş hüquqi baza yaradılmalıdır"

2019-07-22 | Hüquq | 322

"Azərbaycanın məhkəmə sistemindəki islahatlar və kommersiya məhkəmələrinin yaradılması çərçivəsində iflasla bağlı hüquqi baza da təkmilləşdirilməlidir".

“Report” xəbər verir ki, bunu jurnalistlərə "Bank VTB Azərbaycan" ASC-nin İdarə Heyətinin sədri Evgeniy Kirin deyib.

O, öhdəliklərin yerinə yetirilməməsi ilə bağlı münaqişələri həll etmək üçün müəyyən norma və qaydalara, dünya təcrübəsində rast gəlinən mexanizmə ehtiyac olduğunu qeyd edib.

“Azərbaycanda “Müflisləşmə və iflas haqqında” qanun qəbul olunsa da, işləmir. Bunu məhkəmə işlərinin sənədlərindən də görmək olar. Həmin qanun yalnız kreditorların mənafeyinə dəstək kimi qəbul olunmamalıdır. Müasir iflas qaydaları ilə borcluların da mənafeləri qorunur. Yəni hamının əvvəlcədən bildiyi oyun qaydaları qanunda təsbit olunur və dəqiq işləyir. Problemli borclarla bağlı vəziyyəti araşdırarkən məhz bədniyyətli borcalanlara təsir göstərmək üçün geniş imkanların olduğunu gördük”, – deyən bank rəhbəri kreditorları narahat edən başlıca məsələnin məqsədli, yəni aktivləri gizlətmək məqsədilə həyata keçirilən saxta iflas hallarının üzə çıxarmaq olduğunu diqqətə çatdırıb.

“Bu gün Azərbaycanda məqsədli iflasın qarşısını almaq üçün hüquqi alətlər çatışmır. Yəni ayrı-ayrı rəhbərlərin, səhmdarların bu cür əməllərinə hüquqi qiymət verilməlidir. Halbuki hazırda borclu tərəf şirkətin aktivlərinin qalmadığını, yalnız öhdəliklərinin olduğunu elan edir, belə qərarları kim verdiyini isə izah edən yoxdur. Biz kreditorlar bunu başa düşmürük, suallarımız yaranır, amma mövcud qanunlarla məsələnin həllinə nail ola bilmirik”, – deyən Y.Kirin qeyd edib.

O, sözügedən məsələnin yoluna qoyulmasının ölkədəki işgüzar və sərmayə mühitinə də müsbət təsir göstərəcəyini dilə gətirib: “Azərbaycandakı məhkəmə islahatları nəticəsində bu problemin aradan qalxacağına inanırıq”.

Bank rəhbəri həmçinin mövcud qanunu hüquqi və fiziki şəxslərin iflası məsələlərini tənzimləyən iki yerə ayırmağın zəruri olduğunu, bununla bağlı “VTB Group”un Rusiyada tətbiq etdiyi təctübəni bölüşməyə hazır olduğunu söyləyib.

Mənbə: https://report.az/maliyye/bank-rehberi-azerbaycanda-iflasla-bagli-genis-huquqi-baza-yaradilmalidir/

Bank rəhbəri: "Azərbaycanda iflasla bağlı geniş hüquqi baza yaradılmalıdır"

2019-07-22 | Hüquq | 322

"Azərbaycanın məhkəmə sistemindəki islahatlar və kommersiya məhkəmələrinin yaradılması çərçivəsində iflasla bağlı hüquqi baza da təkmilləşdirilməlidir".

“Report” xəbər verir ki, bunu jurnalistlərə "Bank VTB Azərbaycan" ASC-nin İdarə Heyətinin sədri Evgeniy Kirin deyib.

O, öhdəliklərin yerinə yetirilməməsi ilə bağlı münaqişələri həll etmək üçün müəyyən norma və qaydalara, dünya təcrübəsində rast gəlinən mexanizmə ehtiyac olduğunu qeyd edib.

“Azərbaycanda “Müflisləşmə və iflas haqqında” qanun qəbul olunsa da, işləmir. Bunu məhkəmə işlərinin sənədlərindən də görmək olar. Həmin qanun yalnız kreditorların mənafeyinə dəstək kimi qəbul olunmamalıdır. Müasir iflas qaydaları ilə borcluların da mənafeləri qorunur. Yəni hamının əvvəlcədən bildiyi oyun qaydaları qanunda təsbit olunur və dəqiq işləyir. Problemli borclarla bağlı vəziyyəti araşdırarkən məhz bədniyyətli borcalanlara təsir göstərmək üçün geniş imkanların olduğunu gördük”, – deyən bank rəhbəri kreditorları narahat edən başlıca məsələnin məqsədli, yəni aktivləri gizlətmək məqsədilə həyata keçirilən saxta iflas hallarının üzə çıxarmaq olduğunu diqqətə çatdırıb.

“Bu gün Azərbaycanda məqsədli iflasın qarşısını almaq üçün hüquqi alətlər çatışmır. Yəni ayrı-ayrı rəhbərlərin, səhmdarların bu cür əməllərinə hüquqi qiymət verilməlidir. Halbuki hazırda borclu tərəf şirkətin aktivlərinin qalmadığını, yalnız öhdəliklərinin olduğunu elan edir, belə qərarları kim verdiyini isə izah edən yoxdur. Biz kreditorlar bunu başa düşmürük, suallarımız yaranır, amma mövcud qanunlarla məsələnin həllinə nail ola bilmirik”, – deyən Y.Kirin qeyd edib.

O, sözügedən məsələnin yoluna qoyulmasının ölkədəki işgüzar və sərmayə mühitinə də müsbət təsir göstərəcəyini dilə gətirib: “Azərbaycandakı məhkəmə islahatları nəticəsində bu problemin aradan qalxacağına inanırıq”.

Bank rəhbəri həmçinin mövcud qanunu hüquqi və fiziki şəxslərin iflası məsələlərini tənzimləyən iki yerə ayırmağın zəruri olduğunu, bununla bağlı “VTB Group”un Rusiyada tətbiq etdiyi təctübəni bölüşməyə hazır olduğunu söyləyib.

Mənbə: https://report.az/maliyye/bank-rehberi-azerbaycanda-iflasla-bagli-genis-huquqi-baza-yaradilmalidir/



Hüquq bölümünün son xəbərləri

2019-11-30 | Hüquqi şəxsin təsisçisinin dəyişilmə proseduru
2019-11-30 | Vergi ödəyiciləri fəaliyyətlərini müvəqqəti dayandırarkən atmalı olduqları addımlar
2019-11-30 | MMC-nin adının dəyişdirilməsi
2019-11-20 | Təsisçisi və direktoru eyni şəxs olan və heç bir fəaliyyət göstərməyən MMC-nin başqa şəxsə satılma və ya bağışlanma prosesi
2019-11-13 | Publik hüquqi şəxslərə dövlət nəzarətinin tətbiq edilməsi və gəlirlərinin mənfəət vergisinə cəlb olunması təklif edilir
2019-11-07 | Yalan əqd üzərindən əməliyyat aparanlar üçün qanun sərtləşdiriləcək
2019-10-15 | Azərbaycanda böyük şirkət parçalanır – AÇIQLAMA
2019-09-11 | Mülki və iqtisadi mübahisələrin barışıq yolu ilə həlli qaydası müəyyənləşib
2019-09-10 | Vergi ödəyicisinin fəaliyyətinin dayandırılması qaydası
2019-08-27 | Valyuta tənzimi qaydalarının pozulmasına görə cərimələndi.

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!