Vergi qanunvericiliyində edilən dəyişiklik ədalətsiz rəqabətin qarşısını alacaq

2019-12-04 | İqtisadiyyat | 344

Vergilər Nazirliyinin Vergi siyasəti Baş İdarəsinin rəisi Samirə Musayeva bu gün keçirdiyi brifinqdə bildirib ki, ötən il vergi qanunvericiliyinə kifayət qədər köklü dəyişikliklər edilmişdi və qanunvericiliyə yeni dəyişikliklər, əsasən, ötən il başlayan islahatların məntiqi davamıdır. Ölkə başçısının bir sıra sahələrdə qanunvericiliyin təkmilləşdirilməsi ilə bağlı konkret tapşırıqları bina tikintisində vahid vergi rejiminin müəyyən edilməsi, əmtəəsiz əməliyyat, riskli vergi ödəyiciləri ilə mübarizəyə dair təkliflərin verilməsi kimi mühüm istiqamətləri əhatə edir.

Bu il vergi qanunvericiliyinə edilən dəyişikliklərdə əsas məqsəd ədalətli rəqabət mühitinin şərti olan şəffaf fiskal mühitin yaradılmasıdır. Vergi Məcəlləsinə riskli vergi ödəyiciləri, riskli əməliyyatlar, əmtəəsiz əməliyyat, anlayışları əlavə edilib: "Burada əsas məqsəd həmin kateqoriyadan olan sahibkarlıq subyektlərinin apardığı əməliyyatların real iqtisadi əhəmiyyəti olmadığına görə həmin əməliyyatların hüquqi statusunu müəyyən etmək və istər bu növ əməliyyatları aparan sahibkarlıq subyektlərinin, istərsə də onların biznes tərəfdaşlarının əməllərinin vergi inzibatçılığı ilə tənzimlənməsi və zəruri hallarda cəza tədbirlərinin görülməsidir.

Sahibkarlıq subyektlərinin qanunsuz əməlləri ilə mübarizə aparmaq, həmçinin nağdsız hesablaşmaları stimullaşdırmaq üçün ötən il qanunvericiliyə edilən dəyişikliklərdən sonra hələ də pərakəndə ticarət və iaşə obyektlərində POS-terminalların quraşdırılmaması və ya quraşdırıldığı halda istehlakçıya ondan istifadə üçün şərait yaradılmaması hallarına rast gəlirik. Həmin hallara görə sahibkarlıq subyektlərinə maliyyə sanksiyalarının tətbiq edilməsi nəzərdə tutulub. Bu növ maliyyə sanksiyaları nağd hesablaşmalar zamanı nəzarət-kassa aparatlarının quraşdırılmaması və ya çekin təqdim edilməməsinə görə mövcud olan sanksiyalara bərabər tutulur. Təqvim ili ərzində ilk dəfə POS- terminalların quraşdırılmamasına və ya onu təqdim etməkdən imtina halına yol verdikdə sahibkarlıq subyektinə 1.000 manat, ikinci dəfə yol verdikdə 3.000 manat, üçüncü dəfə və daha artıq yol verdikdə 6.000 manat maliyyə sanksiyası tətbiq olunacaq".

S.Musayeva qeyd edib ki, gələn ildən aksiz vergisinin məbləğinin artırılması məqsədlərindən biri də icbari tibbi sığortanın maliyyə mənbəyinin müəyyən bir hissəsinin təmin edilməsi ilə bağlıdır. Beynəlxalq təcrübədə də aksizli mallara tətbiq edilən aksiz vergisinin bir qismi məhz əhalinin sağlamlığının qorunması məqsədlərinə yönəldilir. Vergi Məcəlləsinə edilən yeni dəyişikliyə əsasən, aksizli mallara tətbiq edilən verginin qanunla müəyyən edilən hissəsi tibbi sığorta fonduna köçürüləcək: "Yeri gəlmişkən, gələn ildən bir sıra aksizli malların aksiz dərəcələrinin artırılması, digər malların aksiz dərəcələrinin isə optimallaşdırılması, habelə tündləşdirilməmiş alkoqollu içkilərin aksizli malların siyahısına əlavə edilməsi və aksizli mallar üzərində vergi nəzarətinin təkmilləşdirilməsi ilə bağlı dəyişikliklər də nəzərdə tutulub. 1 litr pivə üçün aksiz vergisi gələn ildən 20 qəpikdən 40 qəpiyə qaldırılacaq. Belə hesab edirik ki, 1 litr üçün aksiz vergisinin 20 qəpik artması nə istehlakçıların alıcılıq qabiliyyətinə, nə də istehsal həcminə mənfi təsir edəcək".

S.Musayeva bu halın siqaret istehsalına da şamil edildiyini bildirib: "Aksiz vergisinin artırılması daha çox icbari tibbi sığortanın gəlir mənbələrinin formalaşdırılması və bu sahədə ümumi beynəlxalq tövsiyələrin nəzərə alınması ilə bağlıdır. Ölkədə qaçaqmalçılığa qarşı ciddi mübarizə aparılır. Ümid edirik ki, bu sahədə hansısa formada qaçaqmalçılıq artmayacaq. Çünki kifayət qədər ciddi dövlət nəzarəti var".

S.Musayeva ƏDV-nin bir hissəsinin vətəndaşlara qaytarılması barədə qeyd edib ki, pərakəndə ticarət və iaşə obyektlərində ödənilən ƏDV-nin istehlakçılara yeni nəsil nəzarət-kassa aparatlarının təqdim etdiyi çeklər əsasında qaytarılması nəzərə tutulub: "Nazirlər Kabineti yeni nəsil kassa aparatlarının tətbiqi qrafikini müəyyənləşdirib. Belə hesab edirik ki, bu ilin sonuna qədər bu iş yekunlaşdırılacaq".

Bildirilib ki, gələn ildən tikinti şirkətləri üçün vahid vergi rejimi tətbiq ediləcək. Artıq şirkətlər ƏDV ödəyicisi kimi aldıqları bütün mal və xidmətləri rəsmiləşdirərək mənzillərin maya dəyərinin ucuzlaşmasına xidmət edəcəklər: "Mənzillərin qiymətinin formalaşmasında maya dəyərinin elementləri olan tikinti materialları, bir sıra tikinti xidmətləri əldə olunan zaman onların qiymətinə ƏDV də daxildir. Sadələşdirilmiş vergi ödəyiciləri tikinti materiallarının alınması zamanı onlara ödənilən ƏDV-ni əvəzləşdirə bilmədiyinə görə həmin məbləğ maya dəyərində əks olunurdu. Ona görə mənzilin maya dəyəri artırdı. ƏDV rejiminə keçiddən sonra binanın tikilməsi ilə bağlı çəkilən xərclərə görə ödənilən ƏDV əvəzləşdiriləcək, ona görə də maya dəyəri aşağı düşəcək. Bundan sonra isə həmin yaşayış və qeyri-yaşayış sahələri ƏDV tətbiq edilməklə istehlakçılara təqdim olunacaq. Yaşayış və qeyri-yaşayış sahələrinə tətbiq edilən ƏDV-nin bir hissəsi isə vətəndaşa geri qaytarılacaq".

S.Musayeva bildirib ki, vətəndaş aldığı əmlakın dəyərini nağdsız qaydada təqdim etdikdə onun ödədiyi ƏDV-nin 30 faizlik hissəsi dövlət tərəfindən geri qaytarılacaq.

Fərqanə ALLAHVERDİQIZI

Mənbə: https://vergiler.az/news/taxes/5980.html

Vergi qanunvericiliyində edilən dəyişiklik ədalətsiz rəqabətin qarşısını alacaq

2019-12-04 | İqtisadiyyat | 344

Vergilər Nazirliyinin Vergi siyasəti Baş İdarəsinin rəisi Samirə Musayeva bu gün keçirdiyi brifinqdə bildirib ki, ötən il vergi qanunvericiliyinə kifayət qədər köklü dəyişikliklər edilmişdi və qanunvericiliyə yeni dəyişikliklər, əsasən, ötən il başlayan islahatların məntiqi davamıdır. Ölkə başçısının bir sıra sahələrdə qanunvericiliyin təkmilləşdirilməsi ilə bağlı konkret tapşırıqları bina tikintisində vahid vergi rejiminin müəyyən edilməsi, əmtəəsiz əməliyyat, riskli vergi ödəyiciləri ilə mübarizəyə dair təkliflərin verilməsi kimi mühüm istiqamətləri əhatə edir.

Bu il vergi qanunvericiliyinə edilən dəyişikliklərdə əsas məqsəd ədalətli rəqabət mühitinin şərti olan şəffaf fiskal mühitin yaradılmasıdır. Vergi Məcəlləsinə riskli vergi ödəyiciləri, riskli əməliyyatlar, əmtəəsiz əməliyyat, anlayışları əlavə edilib: "Burada əsas məqsəd həmin kateqoriyadan olan sahibkarlıq subyektlərinin apardığı əməliyyatların real iqtisadi əhəmiyyəti olmadığına görə həmin əməliyyatların hüquqi statusunu müəyyən etmək və istər bu növ əməliyyatları aparan sahibkarlıq subyektlərinin, istərsə də onların biznes tərəfdaşlarının əməllərinin vergi inzibatçılığı ilə tənzimlənməsi və zəruri hallarda cəza tədbirlərinin görülməsidir.

Sahibkarlıq subyektlərinin qanunsuz əməlləri ilə mübarizə aparmaq, həmçinin nağdsız hesablaşmaları stimullaşdırmaq üçün ötən il qanunvericiliyə edilən dəyişikliklərdən sonra hələ də pərakəndə ticarət və iaşə obyektlərində POS-terminalların quraşdırılmaması və ya quraşdırıldığı halda istehlakçıya ondan istifadə üçün şərait yaradılmaması hallarına rast gəlirik. Həmin hallara görə sahibkarlıq subyektlərinə maliyyə sanksiyalarının tətbiq edilməsi nəzərdə tutulub. Bu növ maliyyə sanksiyaları nağd hesablaşmalar zamanı nəzarət-kassa aparatlarının quraşdırılmaması və ya çekin təqdim edilməməsinə görə mövcud olan sanksiyalara bərabər tutulur. Təqvim ili ərzində ilk dəfə POS- terminalların quraşdırılmamasına və ya onu təqdim etməkdən imtina halına yol verdikdə sahibkarlıq subyektinə 1.000 manat, ikinci dəfə yol verdikdə 3.000 manat, üçüncü dəfə və daha artıq yol verdikdə 6.000 manat maliyyə sanksiyası tətbiq olunacaq".

S.Musayeva qeyd edib ki, gələn ildən aksiz vergisinin məbləğinin artırılması məqsədlərindən biri də icbari tibbi sığortanın maliyyə mənbəyinin müəyyən bir hissəsinin təmin edilməsi ilə bağlıdır. Beynəlxalq təcrübədə də aksizli mallara tətbiq edilən aksiz vergisinin bir qismi məhz əhalinin sağlamlığının qorunması məqsədlərinə yönəldilir. Vergi Məcəlləsinə edilən yeni dəyişikliyə əsasən, aksizli mallara tətbiq edilən verginin qanunla müəyyən edilən hissəsi tibbi sığorta fonduna köçürüləcək: "Yeri gəlmişkən, gələn ildən bir sıra aksizli malların aksiz dərəcələrinin artırılması, digər malların aksiz dərəcələrinin isə optimallaşdırılması, habelə tündləşdirilməmiş alkoqollu içkilərin aksizli malların siyahısına əlavə edilməsi və aksizli mallar üzərində vergi nəzarətinin təkmilləşdirilməsi ilə bağlı dəyişikliklər də nəzərdə tutulub. 1 litr pivə üçün aksiz vergisi gələn ildən 20 qəpikdən 40 qəpiyə qaldırılacaq. Belə hesab edirik ki, 1 litr üçün aksiz vergisinin 20 qəpik artması nə istehlakçıların alıcılıq qabiliyyətinə, nə də istehsal həcminə mənfi təsir edəcək".

S.Musayeva bu halın siqaret istehsalına da şamil edildiyini bildirib: "Aksiz vergisinin artırılması daha çox icbari tibbi sığortanın gəlir mənbələrinin formalaşdırılması və bu sahədə ümumi beynəlxalq tövsiyələrin nəzərə alınması ilə bağlıdır. Ölkədə qaçaqmalçılığa qarşı ciddi mübarizə aparılır. Ümid edirik ki, bu sahədə hansısa formada qaçaqmalçılıq artmayacaq. Çünki kifayət qədər ciddi dövlət nəzarəti var".

S.Musayeva ƏDV-nin bir hissəsinin vətəndaşlara qaytarılması barədə qeyd edib ki, pərakəndə ticarət və iaşə obyektlərində ödənilən ƏDV-nin istehlakçılara yeni nəsil nəzarət-kassa aparatlarının təqdim etdiyi çeklər əsasında qaytarılması nəzərə tutulub: "Nazirlər Kabineti yeni nəsil kassa aparatlarının tətbiqi qrafikini müəyyənləşdirib. Belə hesab edirik ki, bu ilin sonuna qədər bu iş yekunlaşdırılacaq".

Bildirilib ki, gələn ildən tikinti şirkətləri üçün vahid vergi rejimi tətbiq ediləcək. Artıq şirkətlər ƏDV ödəyicisi kimi aldıqları bütün mal və xidmətləri rəsmiləşdirərək mənzillərin maya dəyərinin ucuzlaşmasına xidmət edəcəklər: "Mənzillərin qiymətinin formalaşmasında maya dəyərinin elementləri olan tikinti materialları, bir sıra tikinti xidmətləri əldə olunan zaman onların qiymətinə ƏDV də daxildir. Sadələşdirilmiş vergi ödəyiciləri tikinti materiallarının alınması zamanı onlara ödənilən ƏDV-ni əvəzləşdirə bilmədiyinə görə həmin məbləğ maya dəyərində əks olunurdu. Ona görə mənzilin maya dəyəri artırdı. ƏDV rejiminə keçiddən sonra binanın tikilməsi ilə bağlı çəkilən xərclərə görə ödənilən ƏDV əvəzləşdiriləcək, ona görə də maya dəyəri aşağı düşəcək. Bundan sonra isə həmin yaşayış və qeyri-yaşayış sahələri ƏDV tətbiq edilməklə istehlakçılara təqdim olunacaq. Yaşayış və qeyri-yaşayış sahələrinə tətbiq edilən ƏDV-nin bir hissəsi isə vətəndaşa geri qaytarılacaq".

S.Musayeva bildirib ki, vətəndaş aldığı əmlakın dəyərini nağdsız qaydada təqdim etdikdə onun ödədiyi ƏDV-nin 30 faizlik hissəsi dövlət tərəfindən geri qaytarılacaq.

Fərqanə ALLAHVERDİQIZI

Mənbə: https://vergiler.az/news/taxes/5980.html



İqtisadiyyat bölümünün son xəbərləri

2020-07-04 | Şahmar Mövsümov: Pandemiya ilə əlaqədar zərərçəkən sektorlara müvafiq dəstək nəzərdə tutulub, iş gedir
2020-07-04 | Sahibkarlıq subyektləri xüsusi karantin rejimində necə işləməlidirlər…
2020-07-04 | Xüsusi karantin rejiminin tələbləri ilə bağlı sahibkarlıq subyektlərinin üzərinə düşən vəzifə və öhdəliklər
2020-07-04 | Ticarət obyektlərində karantin qaydalarına əməl olunmasına nəzarət gücləndirilir
2020-07-03 | COVİD-19 PANDEMİYASI DÖVRÜNDƏ ŞİRKƏTLƏRDƏ RİSKLƏRİN İDARƏ EDİLMƏSİ VƏ DAXİLİ NƏZARƏT MÖVZUSUNDA VEBİNAR
2020-06-23 | Ünvanlı yardım və işsizlikdən sığorta ödənişinin müddəti uzadılıb
2020-06-23 | Birdəfəlik ödəmə vətəndaşların banklar tərəfindən təqdim edilmiş kartlarına köçürüləcək
2020-06-23 | 190 manatlıq birdəfəlik ödəmənin verilməsi qərara alınıb
2020-06-21 | Azərbaycan Mərkəzi Bankı uçot dərəcəsini azaldıb
2020-06-18 | Vergi tətilləri biznes mühitini qorumaq üçündür

LAYİHƏ HAQQINDA

MUHASIB.AZ saytının əsas məqsədi mühasibat uçotu və maliyyə sahələrində çalışan və gələcəkdə çalışmaq istəyən mütəxəssisləri lazımi məlumatlar ilə təmin etməkdir. Sayt həm tədris, həm də informativ-analitik formatda təşkil edilib.

Müəllif haqqında

MÜƏLLİFLƏRƏ:

Saytda istənilən şəxs mühasibat uçotu, IFRS, vergilər, maliyyə, audit və saytın əhatə etdiyi digər sahələr üzrə məqalələr yerləşdirə bilər. Bunun üçün məqaləni admin@muhasib.az ünvanına göndərmək kifayətdir. Ətraflı

ƏLAQƏ

Bakı, AZ 1004 Mikayıl Müşfiq küç. 2H.

(994)702011258

admin@muhasib.az

Məxfilik strateqiyası





www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!