İşəgötürən işçinin təhsil haqqını və ya müalicə xərcini ödəyərsə, həmin məbləğ gəlir vergisinə cəlb edilir?

2019-12-15 | Vergilər | 2862

Vergi Məcəlləsinin 102.1.3.1-ci maddəsinə əsasən, təhsil və ya müalicə haqlarını ödəmək üçün maddi yardımın, birdəfəlik müavinətin dəyərinin 1.000 manatadək olan hissəsi gəlir vergisindən azaddır. Vergi Məcəlləsinin tələblərinə görə, xaricdə müalicə haqlarını ödəmək üçün maddi yardımın, birdəfəlik müavinətin dəyərinin 2.000 manatadək olan hissəsi də gəlir vergisindən azad olunur. İqtisadçı ekspert Anar Bayramov mövzu ilə bağlı bildirib ki, təhsil və ya müalicə haqları almış şəxslərə bu güzəşt həmin məbləğlərin təyinatı üzrə ödənildiyini təsdiq edən müvafiq sənədlər təqdim edilmiş olduğu halda verilir.

Maddi yardım istəyən işçinin buna ehtiyacı olmalıdır. İstənilən işçi təşkilat rəhbərliyinə müraciət etməklə maddi yardım ala bilməz. Tutaq ki, işçi ödənişli təhsil müəssisəsində oxuyur və təhsil haqqını ödəməyə maddi imkanı çatmır. Bu zaman işçi tələbə biletinin surətini və ya təhsil müəssisəsində oxuması haqqında arayışı, illik təhsil haqqının ödənilməsi barədə hesab-fakturanı (təhsil müəssisəsinin təqdim etdiyi) və ailə vəziyyətinin yaxşı olmaması haqqında digər sənədləri təqdim etməklə iş yerindən təhsil haqqını ödəmək üçün maddi yardım ala bilər. Təbii ki, ilk növbədə təşkilatın buna razılığı lazımdır.

Analoji hal müalicə haqlarının ödənişi üçün maddi yardımın verilməsi zamanı da tətbiq olunur. İndi isə gəlir vergisindən azadolmalarla bağlı misala baxaq:

Misal.

Tutaq ki, işçinin müalicə olunmaq üçün maddi yardıma ehtiyacı var və əməliyyat xərcləri və ona sonrakı reabilitasiya üçün 1.400 manat vəsait lazım olması barədə müvafiq xəstəxanadan arayış və hesab-faktura gətirib. Əgər təşkilat rəhbərliyi işçinin müəssisə üçün önəmini, məhsuldarlığını nəzərə alaraq müalicə haqqı kimi 1.400 manat maddi yardımı birbaşa xəstəxananın hesabına ödəsə, bu zaman 1.000 manat məbləğ vergidən azad olunur, yerdə qalan 400 manat isə gəlir vergisinin tutulması məqsədilə işçinin əməkhaqqına əlavə olunur.

Fəxriyyə İKRAMQIZI

Mənbə: https://vergiler.az/news/taxes/6166.html

İşəgötürən işçinin təhsil haqqını və ya müalicə xərcini ödəyərsə, həmin məbləğ gəlir vergisinə cəlb edilir?

2019-12-15 | Vergilər | 2862

Vergi Məcəlləsinin 102.1.3.1-ci maddəsinə əsasən, təhsil və ya müalicə haqlarını ödəmək üçün maddi yardımın, birdəfəlik müavinətin dəyərinin 1.000 manatadək olan hissəsi gəlir vergisindən azaddır. Vergi Məcəlləsinin tələblərinə görə, xaricdə müalicə haqlarını ödəmək üçün maddi yardımın, birdəfəlik müavinətin dəyərinin 2.000 manatadək olan hissəsi də gəlir vergisindən azad olunur. İqtisadçı ekspert Anar Bayramov mövzu ilə bağlı bildirib ki, təhsil və ya müalicə haqları almış şəxslərə bu güzəşt həmin məbləğlərin təyinatı üzrə ödənildiyini təsdiq edən müvafiq sənədlər təqdim edilmiş olduğu halda verilir.

Maddi yardım istəyən işçinin buna ehtiyacı olmalıdır. İstənilən işçi təşkilat rəhbərliyinə müraciət etməklə maddi yardım ala bilməz. Tutaq ki, işçi ödənişli təhsil müəssisəsində oxuyur və təhsil haqqını ödəməyə maddi imkanı çatmır. Bu zaman işçi tələbə biletinin surətini və ya təhsil müəssisəsində oxuması haqqında arayışı, illik təhsil haqqının ödənilməsi barədə hesab-fakturanı (təhsil müəssisəsinin təqdim etdiyi) və ailə vəziyyətinin yaxşı olmaması haqqında digər sənədləri təqdim etməklə iş yerindən təhsil haqqını ödəmək üçün maddi yardım ala bilər. Təbii ki, ilk növbədə təşkilatın buna razılığı lazımdır.

Analoji hal müalicə haqlarının ödənişi üçün maddi yardımın verilməsi zamanı da tətbiq olunur. İndi isə gəlir vergisindən azadolmalarla bağlı misala baxaq:

Misal.

Tutaq ki, işçinin müalicə olunmaq üçün maddi yardıma ehtiyacı var və əməliyyat xərcləri və ona sonrakı reabilitasiya üçün 1.400 manat vəsait lazım olması barədə müvafiq xəstəxanadan arayış və hesab-faktura gətirib. Əgər təşkilat rəhbərliyi işçinin müəssisə üçün önəmini, məhsuldarlığını nəzərə alaraq müalicə haqqı kimi 1.400 manat maddi yardımı birbaşa xəstəxananın hesabına ödəsə, bu zaman 1.000 manat məbləğ vergidən azad olunur, yerdə qalan 400 manat isə gəlir vergisinin tutulması məqsədilə işçinin əməkhaqqına əlavə olunur.

Fəxriyyə İKRAMQIZI

Mənbə: https://vergiler.az/news/taxes/6166.html



Vergilər bölümünün son xəbərləri

2024-03-19 | Daxildə yükdaşıma fəaliyyəti göstərən vergi ödəyiciləri ilə bağlı dəyişikliklər
2024-01-25 | Torpaq vergisi bəyannaməsi ilə bağlı yenilik
2023-12-30 | Vergi Məcəlləsində edilən dəyişiklik - TƏSDİQLƏNDİ
2023-12-28 | Regionlardakı hotel və sanatoriyalar üçün vergi azaldılır
2023-12-28 | Dividendlər üzrə vergi dərəcəsi 5 faizə endirilib
2023-11-03 | ƏDV cash-back gəlir vergisindən azad ediləcək
2023-11-01 | Sahibkarların vergi yükü optimallaşdırılacaq
2023-05-23 | Kənd təsərrüfatı məhsullarının istehsalı ilə məşğul olan fiziki və hüquqi şəxslərə tətbiq olunan vergi güzəştləri
2023-04-01 | Azərbaycanda media 3 il müddətinə - VERGİDƏN AZAD EDİLDİ – FƏRMAN
2022-12-19 | Nağdsız alınmış daşınmaz əmlaka görə ƏDV qaytarılması ilə bağlı DVX-nın saytında bölmə yaradılıb

www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!