İqtisadiyyat naziri: Tikinti sektoru iqtisadiyyatın sürətini yenidən yığması üçün aparıcı sektorlardan biri olacaq

2020-03-31 | İqtisadiyyat | 1138

Azərbaycan hökumətinin yerli sahibkarları koronavirusun təsirindən qorumaq üçün hazırladığı proqramlardan biri vergi güzəştləri, tətilləri və imtiyazlarını əhatə edir.

"Report" xəbər verir ki, bu barədə İqtisadiyyat naziri Mikayıl Cabbarov AzTV-nin "Hədəf" verilişində məlumat verib.

O, əlavə edib ki, sabahdan başlayaraq rəhbərlik etdiyi qurum proqramın mahiyyətini ictimaiyyətə açıqlayacaq: "Burada da əsas məntiq ondan ibarətdir ki, biz ən çox mənfi təsir altında olan sahibkarları, sferaları qoruyaq, onların bu gün əlavə likvidliyinə təzyiq yaratmayaq”.

Nazir ölkədə ipoteka kreditləşməsinə də dəstək veriləcəyini qeyd edib: "İpoteka kreditlərinə dəstək proqramı da var. Bilirsiniz ki, ölkəmizdə İpoteka və Kredit Zəmanət Fondu fəaliyyət göstərir. Nəyə görə, ipoteka kreditləşməsi çox vacibdir? Çünki bizim fəaliyyətimizin əsas hədəfi və ölkə prezidentinin qarşımıza qoyduğu vəzifə yalnız qısamüddətli təsirin qiymətləndirilməsi və qısamüddətli addımların atılması deyil, həmçinin ölkənin ortamüddətli yeni iqtisadi çərçivəsinin, bununla bağlı təkliflərin hazırlanmasından ibarətdir. Tamamilə aydındır ki, pandemiyadan sonrakı dövrdə tikinti sektoru bizim iqtisadiyyatımızın sürətinin yenidən yığması üçün aparıcı sektorlardan biri olacaq. Bu sektor əmək tutumluluğu, böyük həcmdə materialların ölkəmizdə istehsalı baxımından vacibdir. Üstəlik onun multiplikativ effekti də yuxarıdır. Bu həm də sosial əhəmiyyətli sahədir. Ölkə vətəndaşlarının yeni mənzillərə sahib olması onların sosial rifahının artması deməkdir. Bilirsiniz ki, ölkədə həm sosial mənzil layihələri uğurla həyata keçirilir, həm də özəl sektorda tikinti uğurla reallaşdırılır. Təbii ki, bu sahənin canlanması bizim üçün çox vacibdir”.

Mənbə: https://report.az/biznes/azerbaycanda-ipoteka-kreditlesmesine-destek-verilecek/

İqtisadiyyat naziri: Tikinti sektoru iqtisadiyyatın sürətini yenidən yığması üçün aparıcı sektorlardan biri olacaq

2020-03-31 | İqtisadiyyat | 1138

Azərbaycan hökumətinin yerli sahibkarları koronavirusun təsirindən qorumaq üçün hazırladığı proqramlardan biri vergi güzəştləri, tətilləri və imtiyazlarını əhatə edir.

"Report" xəbər verir ki, bu barədə İqtisadiyyat naziri Mikayıl Cabbarov AzTV-nin "Hədəf" verilişində məlumat verib.

O, əlavə edib ki, sabahdan başlayaraq rəhbərlik etdiyi qurum proqramın mahiyyətini ictimaiyyətə açıqlayacaq: "Burada da əsas məntiq ondan ibarətdir ki, biz ən çox mənfi təsir altında olan sahibkarları, sferaları qoruyaq, onların bu gün əlavə likvidliyinə təzyiq yaratmayaq”.

Nazir ölkədə ipoteka kreditləşməsinə də dəstək veriləcəyini qeyd edib: "İpoteka kreditlərinə dəstək proqramı da var. Bilirsiniz ki, ölkəmizdə İpoteka və Kredit Zəmanət Fondu fəaliyyət göstərir. Nəyə görə, ipoteka kreditləşməsi çox vacibdir? Çünki bizim fəaliyyətimizin əsas hədəfi və ölkə prezidentinin qarşımıza qoyduğu vəzifə yalnız qısamüddətli təsirin qiymətləndirilməsi və qısamüddətli addımların atılması deyil, həmçinin ölkənin ortamüddətli yeni iqtisadi çərçivəsinin, bununla bağlı təkliflərin hazırlanmasından ibarətdir. Tamamilə aydındır ki, pandemiyadan sonrakı dövrdə tikinti sektoru bizim iqtisadiyyatımızın sürətinin yenidən yığması üçün aparıcı sektorlardan biri olacaq. Bu sektor əmək tutumluluğu, böyük həcmdə materialların ölkəmizdə istehsalı baxımından vacibdir. Üstəlik onun multiplikativ effekti də yuxarıdır. Bu həm də sosial əhəmiyyətli sahədir. Ölkə vətəndaşlarının yeni mənzillərə sahib olması onların sosial rifahının artması deməkdir. Bilirsiniz ki, ölkədə həm sosial mənzil layihələri uğurla həyata keçirilir, həm də özəl sektorda tikinti uğurla reallaşdırılır. Təbii ki, bu sahənin canlanması bizim üçün çox vacibdir”.

Mənbə: https://report.az/biznes/azerbaycanda-ipoteka-kreditlesmesine-destek-verilecek/



İqtisadiyyat bölümünün son xəbərləri

2021-10-13 | Kiçik və orta sahibkarlıqla məşğul olan şirkətlər üçün onlayn sertifikatlı təlim keçiriləcək
2021-10-06 | Azərbaycanda dövlət satınalmaları barədə qaydalar dəyişib
2021-10-05 | Video təlim platforması sahibkarların istifadəsinə verilib
2021-09-17 | Azərbaycanda əməkhaqqı və sosial ödənişlər ARTIRILACAQ
2021-01-30 | Vergi və rüsumlar üzrə güzəşt və azadolmalara dair məlumatlar müəyyənləşəcək
2021-01-23 | ARPA işçilərin icbari sığortası mövzusunda Vebinar keçirdi
2021-01-15 | Mikayıl Cabbarov: İşğaldan azad olunmuş ərazilərə xüsusi güzəştli iqtisadi rejimin tətbiqi təklif olunur
2021-01-03 | Azərbaycanda yaşayış minimumu 196 manat məbləğində müəyyən edilib
2020-12-12 | Sahibkarlıq fəaliyyətindən irəli gələn kommersiya riskləri və onların idarə edilməsi adlı layihənin icrası sona çatdı
2020-12-11 | ARPA-nın yeni korporativ üzvü Azəralüminium MMC

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!