Pandemiya və vergi güzəştləri

2020-09-23 | İqtisadiyyat | 377

Ümumdünya Səhiyyə Təşkilatının sentyabrın 14-də yaydığı məlumatda deyilir ki, bir sutka ərzində bütün dünya üzrə virusa yoluxanların sayı rekord həddə - 307,9 min nəfərə çatıb. Bu fonda dünya iqtisadiyyatında aktivliyin zəifləməsi halları qeydə alınmağa başlayıb. Bəs Azərbaycan hökuməti pandemiya dövrü üçün iqtisadi aktivliyin qorunub saxlanması, biznesin postpandemiya dönəminə daha dayanaqlı bir vəziyyətə gəlib çıxması üçün nələr edir?

İqtisadçı ekspert Fikrət Yusifov mövcud vəziyyəti şərh edərək bildirib ki, pandemiya səbəbindən ölkənin vergi sistemi xüsusi rejimə keçirilib. Bu rejim pandemiyadan zərər çəkmiş sahələrdə fəaliyyət göstərən vergi ödəyicilərinə geniş miqyasda vergi güzəştləri və azadolmalar verib. Pandemiyadan zərər çəkmiş sahibkarlar 2020-ci il üzrə əmlak və torpaq vergilərindən tam azad ediliblər, onların 2020-ci ildə əldə edəcəkləri mənfəət və ya gəlirlərinin 75 faizi miqdarında vergi güzəştləri nəzərdə tutulur. Bundan başqa, daşınmaz əmlakın icarəyə götürülməsinə görə fiziki şəxslərdən ödənilən icarə haqlarından tutulan verginin dərəcəsi 14 faizdən 7 faizə endirilib, sadələşdirilmiş rejimdə fəaliyyət göstərən ictimai iaşə obyektləri üçün vergi dərəcəsi 8 faizdən 4 faizə, 2 faiz dərəcə ilə vergi ödəməklə fəaliyyət göstərən sadələşdirilmiş vergi ödəyiciləri üçün isə bu rəqəm 1 faizə endirilib. Müvəqqəti vergi rejimi müddətində əhalinin sağlamlığı və zəruri ehtiyaclarının təmin edilməsi məqsədilə idxal edilmiş məhsullar ƏDV-dən azad olunub.

Bu qəbildən digər güzəştlərlə yanaşı, sahibkarlar üçün zəruri vergi tətilləri də müəyyən olunub. Hökumətin atdığı bu addımlar pandemiya şəraitində ölkədə biznes mühitinin qorunub saxlanması üçündür. Bütün bunlara baxmayaraq pandemiya dövrü uzandıqca biznesin fəaliyyət imkanları da zəifləyir və bir çox hallarda şirkətlər müflis olmaq həddinə çatır. Belə bir vəziyyətdə vergi güzəştlərinin ortada olması hələ problemin tam həlli demək deyil. Bu reallıq nəzərə alınmaqla yeni, daha önəmli addımlar atmaq zəruridir. Fəaliyyəti dayanacaq müəssisəyə hər hansı güzəştin verilib-verilməməsi praktiki olaraq heç nəyi dəyişmir. Deməli, müəssisələrə verilən maliyyə dəstəyinin miqyası və həcmi genişləndirilməlidir. Bu məqsədlə ölkənin valyuta ehtiyatlarının bir hissəsindən effektli mexanizmlər vasitəsilə istifadə etmək mümkündür.

Fəxriyyə İKRAMQIZI

Mənbə: https://vergiler.az/news/economy/10275.html

Pandemiya və vergi güzəştləri

2020-09-23 | İqtisadiyyat | 377

Ümumdünya Səhiyyə Təşkilatının sentyabrın 14-də yaydığı məlumatda deyilir ki, bir sutka ərzində bütün dünya üzrə virusa yoluxanların sayı rekord həddə - 307,9 min nəfərə çatıb. Bu fonda dünya iqtisadiyyatında aktivliyin zəifləməsi halları qeydə alınmağa başlayıb. Bəs Azərbaycan hökuməti pandemiya dövrü üçün iqtisadi aktivliyin qorunub saxlanması, biznesin postpandemiya dönəminə daha dayanaqlı bir vəziyyətə gəlib çıxması üçün nələr edir?

İqtisadçı ekspert Fikrət Yusifov mövcud vəziyyəti şərh edərək bildirib ki, pandemiya səbəbindən ölkənin vergi sistemi xüsusi rejimə keçirilib. Bu rejim pandemiyadan zərər çəkmiş sahələrdə fəaliyyət göstərən vergi ödəyicilərinə geniş miqyasda vergi güzəştləri və azadolmalar verib. Pandemiyadan zərər çəkmiş sahibkarlar 2020-ci il üzrə əmlak və torpaq vergilərindən tam azad ediliblər, onların 2020-ci ildə əldə edəcəkləri mənfəət və ya gəlirlərinin 75 faizi miqdarında vergi güzəştləri nəzərdə tutulur. Bundan başqa, daşınmaz əmlakın icarəyə götürülməsinə görə fiziki şəxslərdən ödənilən icarə haqlarından tutulan verginin dərəcəsi 14 faizdən 7 faizə endirilib, sadələşdirilmiş rejimdə fəaliyyət göstərən ictimai iaşə obyektləri üçün vergi dərəcəsi 8 faizdən 4 faizə, 2 faiz dərəcə ilə vergi ödəməklə fəaliyyət göstərən sadələşdirilmiş vergi ödəyiciləri üçün isə bu rəqəm 1 faizə endirilib. Müvəqqəti vergi rejimi müddətində əhalinin sağlamlığı və zəruri ehtiyaclarının təmin edilməsi məqsədilə idxal edilmiş məhsullar ƏDV-dən azad olunub.

Bu qəbildən digər güzəştlərlə yanaşı, sahibkarlar üçün zəruri vergi tətilləri də müəyyən olunub. Hökumətin atdığı bu addımlar pandemiya şəraitində ölkədə biznes mühitinin qorunub saxlanması üçündür. Bütün bunlara baxmayaraq pandemiya dövrü uzandıqca biznesin fəaliyyət imkanları da zəifləyir və bir çox hallarda şirkətlər müflis olmaq həddinə çatır. Belə bir vəziyyətdə vergi güzəştlərinin ortada olması hələ problemin tam həlli demək deyil. Bu reallıq nəzərə alınmaqla yeni, daha önəmli addımlar atmaq zəruridir. Fəaliyyəti dayanacaq müəssisəyə hər hansı güzəştin verilib-verilməməsi praktiki olaraq heç nəyi dəyişmir. Deməli, müəssisələrə verilən maliyyə dəstəyinin miqyası və həcmi genişləndirilməlidir. Bu məqsədlə ölkənin valyuta ehtiyatlarının bir hissəsindən effektli mexanizmlər vasitəsilə istifadə etmək mümkündür.

Fəxriyyə İKRAMQIZI

Mənbə: https://vergiler.az/news/economy/10275.html



İqtisadiyyat bölümünün son xəbərləri

2020-10-12 | Sahibkarlıq fəaliyyətindən irəli gələn kommersiya riskləri və onların idarə edilməsi adlı layihədə iştirak üçün qeydiyyat başlamışdır.
2020-09-23 | Pandemiya və vergi güzəştləri
2020-08-31 | Ölkənin turizm sektorunun tənəzzüldən çıxarılması üçün təklif
2020-08-28 | Vergi Məcəlləsində edilmiş dəyişikliklər çərçivəsində görülən tədbirlər
2020-08-19 | ARPA qrant müsabiqəsinin qalibi oldu
2020-08-10 | Bəzi istehsal, ticarət və xidmət sahələrinin fəaliyyətinə icazə verildi
2020-08-09 | Pandemiya dövründə mehmanxanaların fəaliyyəti açıqlandı
2020-08-07 | Sərtləşdirilmiş xüsusi karantin rejiminin tətbiq olunduğu 13 şəhər və rayon üzrə 190 manat birdəfəlik ödəmələrin verilməsi yaxın günlərdə təmin ediləcək
2020-08-07 | Milli Məclisin növbədənkənar sessiyasının iclasında 2020-ci ilin dövlət büdcəsinə dəyişikliklər qəbul edilib
2020-07-18 | Şəffaf vergi sistemi müdafiə qabiliyyətimizin dayağıdır

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!