Minimum aylıq əməkhaqqı artdı

2013-08-31 | İqtisadiyyat | 3243

Azərbaycan prezidenti İlham Əliyev minimum aylıq əməkhaqqının artırılması haqqında sərəncam imzalayıb.

Sərəncamda minimum aylıq əməkhaqqının məbləğinin 2013-cü il sentyabrın 1-dən 105 manat müəyyən edildiyi qeyd olunub. Nazirlər Kabinetinə bu sərəncamdan irəli gələn məsələləri həll etmək tapşırılıb.

Bununla da "Minimum aylıq əməkhaqqının artırılması haqqında" Azərbaycan Respublikası Prezidentinin 2011-ci il 1 dekabr tarixli 1866 nömrəli Sərəncamı (3-cü hissə istisna olmaqla) ləğv edilir.

Minimum əməkhaqqı - işçinin əməyinə görə ona ödənilən maaşın ən aşağı pilləsidir.

Son 5 il ərzində orta aylıq minimum əmməkhaqqı 58,5 manat artıb. Qazancım.az saytı 2006-2013-cu illər ərzində Azərbaycanda minimum əməkhaqqının dəyişmə dinamikasını müşahidə edib.

Azərbaycanda minimum əməkhaqqı - qanunvericiliklə ixtisassız əməyə və xidmətə görə aylıq əməkhaqqının ən aşağı səviyyəsini müəyyən edən sosial normativdir.

Azərbaycanda minimum əməkhaqqı ölkə prezidenti tərəfindən təyin olunur.

Cədvəl. 2006-2013-cu illər ərzində Azərbaycanda minimum əməkhaqqının dəyişmə dinamikası.

Tarix	Minimum əməkhaqqının miqdarı (manatla)
2013	93,5
2012	93,5
2011-ci ilin dekabr	93,5
2010-cu ilin sentyabrından	85
2008-ci ilin avqustundan	75
2008-ci ilin yanvarından	60
2007-ci ilin fevralından	50
2006-cı ilin oktyabrından	30

Mənbə: www.apa.az