Azərbaycanda nağd puldan istifadə məhdudlaşdırılacaq

2012-12-05 | Vergilər | 717

Azərbaycanda nağd ödənişlər üçün limitin müəyyənləşdirilməsi zəruridir.
«APA-Economics»in məlumatına görə, bunu Vergilər Nazirliyi Vergi siyasəti və strateji araşdırmalar Baş İdarəsinin rəisi Akif Musayev bildirib.

Onun sözlərinə görə, nağdsız dövriyyənin genişləndirilməsi üçün Vergi Məcəlləsinə ediləcək dəyişikliklərlə bağlı təkliflər artıq Nazirlər Kabinetinə təqdim edilib.

Baş İdarə rəisi bildirib ki, inkişaf etmiş ölkələrdə nağd pul kütləsinin ümumi pul kütləsində xüsusi çəkisi 7-10% arasında olduğu halda, ötən ilin məlumatına əsasən, bu göstərici Azərbaycanda 51% təşkil edib: «Bu da onu göstərir ki, nağdsız ödənişlərin genişləndirilməsi dövlətimizin maliyyə-iqtisadi siyasətinin əsas hədəflərindən biri olaraq qalır».

A.Musayevin sözlərinə görə, ölkədə nağdsız ödənişlərin inkişafını, o cümlədən POS-terminalların tətbiqini təmin edən 10-a yaxın normativ-hüquqi akt qəbul olunub. Bununla belə, nağdsız ödənişlərin genişləndirilməsi üçün elektron ödəniş vasitələrinin tətbiqi heç də problemsiz deyil: «Hələ də bəzi bankın və təsərrüfat subyektlərinin POS-terminalların tətbiqinə az maraq göstərməsi və əhalinin nağd ödənişlərin aparılmasına daha meylli olması müşahidə olunur. Hesab edirəm ki, bu sahədə tarixi təcrübədən, inkişaf etmiş ölkələrdə tətbiq olunan stimullaşdırıcı və məhdudlaşdırıcı tədbirlərdən istifadə etməklə, habelə əhalinin maarifləndirilməsi və məlumatlandırılması yolu ilə göstərilən problemlərin aradan qaldırılmasına nail oluna bilər».

Baş İdarə rəisinin sözlərinə görə, dünya təcrübəsində də nağdsız ödənişlərin həcminin artırılması üçün maarifləndirmə və təbliğat vasitələrindən əlavə, inzibati metodlardan da geniş istifadə olunur. Bir sıra ölkələrin maliyyə və vergi qanunvericiliyində əksini tapmış bu cür tədbirlərdən biri nağdsız ödənişlərin yuxarı həddi üçün limitin müəyyənləşdirilməsi və bu limitdən artıq ödəmələrə görə cərimənin nəzərdə tutulmasıdır. Məsələn, Fransada hüquqi şəxslər arasında bir əqd üzrə nağd qaydada aparılan hesablaşmanın məbləği 1 300 ABŞ dollarından artıq olduqda, artıq məbləğin 5%-i həcmində cərimə tətbiq edilir. Bolqarıstanda nağd qaydada aparılan ödənişlərin maksimal məbləği 3,3 min dollardan artıq olduqda, fiziki şəxslər artıq ödənilmiş məbləğin 25%-i, hüquqi şəxslər isə 50%-i həcmində cərimə olunur. MDB ölkələrindən Qazaxıstanda hüquqi şəxslər arasında bir əqd üzrə nağd qaydada aparılan hesablaşmanın məbləği 26 min dollardan artıq olduqda, ödənişin 5%-i həcmində cərimə tətbiq edilir. Rusiyada hüquqi və fiziki şəxslərin bir əqd üzrə nağd qaydada apardıqları hesablaşmaların məbləği 3,4 min dollardan artıq olduqda, limitdən artıq vəsait ödəyənə qarşı 1,3-1,7 min dollar cərimə tətbiq olunur.

A.Musayev bildirib ki, bir çox ölkələrdə isə vergi sistemi vasitəsilə müəyyən güzəştlər tətbiq edilir və beləliklə, nağdsız dövriyyənin genişləndirilməsi üçün stimullaşdırıcı addımlar atılır: "Azərbaycanda da Vergi Məcəlləsinə dəyişiklikləri nəzərdə tutan təkliflər paket halına salınaraq Nazirlər Kabinetinə təqdim edilib. Bu dəyişikliklərin də bir qismi ölkədə nağdsız dövriyyənin genişləndirilməsinə xidmət edir".

Mənbə: www.apa.az

Azərbaycanda nağd puldan istifadə məhdudlaşdırılacaq

2012-12-05 | Vergilər | 717

Azərbaycanda nağd ödənişlər üçün limitin müəyyənləşdirilməsi zəruridir.
«APA-Economics»in məlumatına görə, bunu Vergilər Nazirliyi Vergi siyasəti və strateji araşdırmalar Baş İdarəsinin rəisi Akif Musayev bildirib.

Onun sözlərinə görə, nağdsız dövriyyənin genişləndirilməsi üçün Vergi Məcəlləsinə ediləcək dəyişikliklərlə bağlı təkliflər artıq Nazirlər Kabinetinə təqdim edilib.

Baş İdarə rəisi bildirib ki, inkişaf etmiş ölkələrdə nağd pul kütləsinin ümumi pul kütləsində xüsusi çəkisi 7-10% arasında olduğu halda, ötən ilin məlumatına əsasən, bu göstərici Azərbaycanda 51% təşkil edib: «Bu da onu göstərir ki, nağdsız ödənişlərin genişləndirilməsi dövlətimizin maliyyə-iqtisadi siyasətinin əsas hədəflərindən biri olaraq qalır».

A.Musayevin sözlərinə görə, ölkədə nağdsız ödənişlərin inkişafını, o cümlədən POS-terminalların tətbiqini təmin edən 10-a yaxın normativ-hüquqi akt qəbul olunub. Bununla belə, nağdsız ödənişlərin genişləndirilməsi üçün elektron ödəniş vasitələrinin tətbiqi heç də problemsiz deyil: «Hələ də bəzi bankın və təsərrüfat subyektlərinin POS-terminalların tətbiqinə az maraq göstərməsi və əhalinin nağd ödənişlərin aparılmasına daha meylli olması müşahidə olunur. Hesab edirəm ki, bu sahədə tarixi təcrübədən, inkişaf etmiş ölkələrdə tətbiq olunan stimullaşdırıcı və məhdudlaşdırıcı tədbirlərdən istifadə etməklə, habelə əhalinin maarifləndirilməsi və məlumatlandırılması yolu ilə göstərilən problemlərin aradan qaldırılmasına nail oluna bilər».

Baş İdarə rəisinin sözlərinə görə, dünya təcrübəsində də nağdsız ödənişlərin həcminin artırılması üçün maarifləndirmə və təbliğat vasitələrindən əlavə, inzibati metodlardan da geniş istifadə olunur. Bir sıra ölkələrin maliyyə və vergi qanunvericiliyində əksini tapmış bu cür tədbirlərdən biri nağdsız ödənişlərin yuxarı həddi üçün limitin müəyyənləşdirilməsi və bu limitdən artıq ödəmələrə görə cərimənin nəzərdə tutulmasıdır. Məsələn, Fransada hüquqi şəxslər arasında bir əqd üzrə nağd qaydada aparılan hesablaşmanın məbləği 1 300 ABŞ dollarından artıq olduqda, artıq məbləğin 5%-i həcmində cərimə tətbiq edilir. Bolqarıstanda nağd qaydada aparılan ödənişlərin maksimal məbləği 3,3 min dollardan artıq olduqda, fiziki şəxslər artıq ödənilmiş məbləğin 25%-i, hüquqi şəxslər isə 50%-i həcmində cərimə olunur. MDB ölkələrindən Qazaxıstanda hüquqi şəxslər arasında bir əqd üzrə nağd qaydada aparılan hesablaşmanın məbləği 26 min dollardan artıq olduqda, ödənişin 5%-i həcmində cərimə tətbiq edilir. Rusiyada hüquqi və fiziki şəxslərin bir əqd üzrə nağd qaydada apardıqları hesablaşmaların məbləği 3,4 min dollardan artıq olduqda, limitdən artıq vəsait ödəyənə qarşı 1,3-1,7 min dollar cərimə tətbiq olunur.

A.Musayev bildirib ki, bir çox ölkələrdə isə vergi sistemi vasitəsilə müəyyən güzəştlər tətbiq edilir və beləliklə, nağdsız dövriyyənin genişləndirilməsi üçün stimullaşdırıcı addımlar atılır: "Azərbaycanda da Vergi Məcəlləsinə dəyişiklikləri nəzərdə tutan təkliflər paket halına salınaraq Nazirlər Kabinetinə təqdim edilib. Bu dəyişikliklərin də bir qismi ölkədə nağdsız dövriyyənin genişləndirilməsinə xidmət edir".

Mənbə: www.apa.az



Vergilər bölümünün son xəbərləri

2021-01-15 | Fiziki şəxslərə dövlətin maliyyə dəstəyi gəlir sayıla bilərmi?
2021-01-15 | İcbari tibbi sığorta haqlarının yeni büdcə təsnifatı kodları təsdiqlənib
2021-01-13 | Vergi Xidməti DTA-03 və DTA-05 ərizə formaları ilə bağlı izahedici mövqe hazırlayıb
2021-01-05 | Kompensasiyalara görə vergi ödənilməlidirmi?
2021-01-03 | AR Vergi Məcəlləsində dəyişikliklər edilib
2020-12-13 | Xaricdə qeydiyyatda olan avtomobillərdən yol vergisinin tutulması qaydası dəyişir
2020-11-23 | Prezident Vergi Məcəlləsindəki bu dəyişikliyi - Təsdiqlədi
2020-12-11 | Müharibə iştirakçılarına verilən vergi güzəştləri
2020-10-12 | Vəkillərin və mühasiblərin sosial sığorta ödənişləri necə hesablanır?
2020-09-01 | Könüllü və intizamlı vergi ödəyicisi imici qazanmaq üçün vergi uçotu məlumatları diqqətdə saxlanılmalıdır

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!