Müəyyən sahələrdə fərqli ƏDV dərəcələri tətbiq etmək mümkündür

2018-02-16 | Vergilər | 588

"BP-Azərbaycan" şirkətinin vitse-prezidenti Bəxtiyar Aslanbəyli şirkətin əməliyyatçısı olduğu layihələrdə tərəfdaşlarla birlikdə Azərbaycan iqtisadiyyatına 69 milyard dollardan artıq investisiya qoyulduğunu diqqətə çatdırıb: "Azəri-Çıraq-Günəşli" layihəsi üzrə 3,3 milyard barel neft, 32 milyard kubmetr səmt qazı, eləcə də "Şahdəniz" layihəsi üzrə 89 milyard kubmetr qaz hasil olunması birgə əməkdaşlıq sayəsində Azərbaycanın iqtisadi inkişafına öz töhfəsini verir. Neft ölkəsi olmasına baxmayaraq, Azərbaycan dövləti öz iqtisadiyyatını şaxələndirərək neft-qaz amilindən asılılığın azaldılması istiqamətində önəmli addımlar atır".

B.Aslanbəyli biznes sahəsində partnyorluq məsələləri ilə bağlı fikirlərini bölüşərək qeyd edib ki, vergi orqanları və vergi ödəyiciləri arasında partnyor münasibətlər, ilk növbədə, vergi ödəyicilərinin marağına xidmət etməlidir: "Vergi ödəyiciləri bu münasibətlərin ahəng­dar olmasına can atmalıdırlar. Amma praktikada bəzən əks prosesin şahidi oluruq. Əslində, bu münasibətləri yeni formada tənzimləmək mümkündür, bunun üçün stimullaşdırma, həvəsləndirmə olmalıdır".

B.Aslanbəyli qeyd edib ki, gəlir vergisi, əməkhaqqı fondundan tutulan sosial vergilərlə bağlı müəyyən problemlər var və bu sahədə təkmilləşdirilmələr aparılmalıdır. Məsələn, aşağı gəlirlərə daha aşağı vergi qoyulmaqla kiçik biznesin, hətta orta biznesin də maraqlarını təmin etmək olar. Əməkhaqqı ilə bağlı fiskal yükün aşağı salınması sahibkarlıq subyektlərinin vergidən yayınmasının qarşısını alar, əmək münasibətlərinin rəsmiləşdirilməsinə şərait yaradar və nəticədə vergi bazasının artırılması mümkün olar". ƏDV dərəcələrinin diferensiallaşdırılması ilə bağlı fikirlərini də diqqətə çatdıran vitse-prezident qeyd edib ki, müəyyən sahələrdə fərqli ƏDV dərəcələri tətbiq etmək mümkündür: "Bir çox ölkələrdə müxtəlif dövrlərdə ƏDV dərəcələri dəyişdirilir, məsələn, böhran dövrünə uyğun dərəcələr müəyyənləşdirilir. Bu, iqtisadi qanunların, çağırışların tələblərinə uyğun atılan adekvat, çevik addımdır. Müəyyən mərhələdə ölkəmizdə diferensial ƏDV-ni tətbiq etmək olar".

B.Aslanbəyli ƏDV depozit hesabına diqqət çəkərək qeyd edib ki, depozit hesabında yığılan vəsaitin vergi yükü ödənildikdən sonra digər məqsədlər üçün istifadəsi nəzərdən keçirilməlidir: "Artıq ödənilmiş vergilərin geri qaytarılması prosedurlarının daha da sadələşdirilməsi faydalı olardı. Bütün bunların fonunda mühasibatın yeniləşməsinə ehtiyac var, mühasiblik mədəniyyətinin təkmilləşdirilməsi, stimullaşdırılması, həvəsləndirilməsi vacibdir. Hesab edirəm ki, mühasibatın təkmilləşdirilməsi ümumi islahatlar paketinə öz müsbət təsirini göstərə bilər".

Mənbə: http://vergiler.az/art-view/6857/

Müəyyən sahələrdə fərqli ƏDV dərəcələri tətbiq etmək mümkündür

2018-02-16 | Vergilər | 588

"BP-Azərbaycan" şirkətinin vitse-prezidenti Bəxtiyar Aslanbəyli şirkətin əməliyyatçısı olduğu layihələrdə tərəfdaşlarla birlikdə Azərbaycan iqtisadiyyatına 69 milyard dollardan artıq investisiya qoyulduğunu diqqətə çatdırıb: "Azəri-Çıraq-Günəşli" layihəsi üzrə 3,3 milyard barel neft, 32 milyard kubmetr səmt qazı, eləcə də "Şahdəniz" layihəsi üzrə 89 milyard kubmetr qaz hasil olunması birgə əməkdaşlıq sayəsində Azərbaycanın iqtisadi inkişafına öz töhfəsini verir. Neft ölkəsi olmasına baxmayaraq, Azərbaycan dövləti öz iqtisadiyyatını şaxələndirərək neft-qaz amilindən asılılığın azaldılması istiqamətində önəmli addımlar atır".

B.Aslanbəyli biznes sahəsində partnyorluq məsələləri ilə bağlı fikirlərini bölüşərək qeyd edib ki, vergi orqanları və vergi ödəyiciləri arasında partnyor münasibətlər, ilk növbədə, vergi ödəyicilərinin marağına xidmət etməlidir: "Vergi ödəyiciləri bu münasibətlərin ahəng­dar olmasına can atmalıdırlar. Amma praktikada bəzən əks prosesin şahidi oluruq. Əslində, bu münasibətləri yeni formada tənzimləmək mümkündür, bunun üçün stimullaşdırma, həvəsləndirmə olmalıdır".

B.Aslanbəyli qeyd edib ki, gəlir vergisi, əməkhaqqı fondundan tutulan sosial vergilərlə bağlı müəyyən problemlər var və bu sahədə təkmilləşdirilmələr aparılmalıdır. Məsələn, aşağı gəlirlərə daha aşağı vergi qoyulmaqla kiçik biznesin, hətta orta biznesin də maraqlarını təmin etmək olar. Əməkhaqqı ilə bağlı fiskal yükün aşağı salınması sahibkarlıq subyektlərinin vergidən yayınmasının qarşısını alar, əmək münasibətlərinin rəsmiləşdirilməsinə şərait yaradar və nəticədə vergi bazasının artırılması mümkün olar". ƏDV dərəcələrinin diferensiallaşdırılması ilə bağlı fikirlərini də diqqətə çatdıran vitse-prezident qeyd edib ki, müəyyən sahələrdə fərqli ƏDV dərəcələri tətbiq etmək mümkündür: "Bir çox ölkələrdə müxtəlif dövrlərdə ƏDV dərəcələri dəyişdirilir, məsələn, böhran dövrünə uyğun dərəcələr müəyyənləşdirilir. Bu, iqtisadi qanunların, çağırışların tələblərinə uyğun atılan adekvat, çevik addımdır. Müəyyən mərhələdə ölkəmizdə diferensial ƏDV-ni tətbiq etmək olar".

B.Aslanbəyli ƏDV depozit hesabına diqqət çəkərək qeyd edib ki, depozit hesabında yığılan vəsaitin vergi yükü ödənildikdən sonra digər məqsədlər üçün istifadəsi nəzərdən keçirilməlidir: "Artıq ödənilmiş vergilərin geri qaytarılması prosedurlarının daha da sadələşdirilməsi faydalı olardı. Bütün bunların fonunda mühasibatın yeniləşməsinə ehtiyac var, mühasiblik mədəniyyətinin təkmilləşdirilməsi, stimullaşdırılması, həvəsləndirilməsi vacibdir. Hesab edirəm ki, mühasibatın təkmilləşdirilməsi ümumi islahatlar paketinə öz müsbət təsirini göstərə bilər".

Mənbə: http://vergiler.az/art-view/6857/



Vergilər bölümünün son xəbərləri

2020-08-10 | Bir neçə sahədə çalışan vergi ödəyicisinin vergi öhdəliyinin tənzimlənməsi
2020-07-04 | Zərərlərin növbəti ilin gəlirləri hesabına kompensasiya edilməsi
2020-07-03 | Korporativ sosial məsuliyyət xərclərinin vergidən azadolunma meyarları
2020-07-01 | Transfer qiymətlərinin müəyyən edilməsi və vergidən yayınma hallarına qarşı mübarizə sahəsində vergi orqanlarına dəstək Tvinninq layihəsi başa çatıb
2020-06-22 | Taksi fəaliyyətinə görə ödənilən vergilərdə artım olubmu?
2020-06-22 | Zəruri ərzaq məhsullarının ƏDV-dən azad edilməsi
2020-06-19 | Riskli vergi ödəyicilərinə qarşı yoxlama və nəzarət tədbirləri
2020-06-21 | AR Vergi Məcəlləsində, Qiymətləndirmə fəaliyyəti haqqında və İcra məmurları haqqında AR qanunlarında dəyişiklik edilməsi barədə AR Qanunu
2020-06-16 | Vergi güzəştlərindan faydalanmaq üçün ilkin şərt intizamdır
2020-06-08 | ƏDV qeydiyyatında olan vergi ödəyiciləri üçün daha bir yenilik

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!