Azərbaycanın maliyyə sektorunda işçilərin sayı azalır

2018-02-19 | İqtisadiyyat | 2331

Azərbaycanda maliyyə və sığorta sektorunda muzdla çalışan işçilərin ümumi sayı 2017-ci il ərzində 5,2% və ya 1,3 min nəfər azalaraq 2018-ci il yanvarın 1-nə 23,7 min nəfər təşkil edib.

"Report"un rəsmi statistikaya istinadən verdiyi xəbərə görə, işçilərin 4,5 min nəfəri və ya 19%-i dövlət, 19,2 min nəfəri və ya 81%-i özəl sektorda çalışıb.

Bildirək ki, bu sahədə çalışan işçilərin sayı 2005-ci ildəki 11,8 min nəfərdən 2014-cü ildə 30,9 min nəfərədək yüksəlib, daha sonra azalmağa başlayaraq 2015-ci ildə 30,1 min nəfər, 2016-cı ildə 25 min nəfər olub.

Qeyd edək ki, cari il yanvarın 1-i vəziyyətinə muzdla işləyənlərin sayı ilkin məlumatlara əsasən 1 521,3 min nəfər, o cümlədən iqtisadiyyatın dövlət sektorunda 880,1 min nəfər, qeyri-dövlət sektorunda isə 641,2 min nəfər təşkil edib. İqtisadiyyatın neft sektorunda 33,9 min nəfər, qeyri-neft sektorunda isə 1 487,4 min nəfər çalışıb.

Mənbə: https://report.az/maliyye/azerbaycanin-maliyye-sektorunda-iscilerin-sayi-azalir/