Şəffaf uçot sisteminin qurulması ilə bağlı məsələlər müzakirə edilib

2019-01-30 | İqtisadiyyat | 193

Bakı Baş Gömrük İdarəsində idxal-ixrac əməliyyatları zamanı gömrük və vergi orqanları ilə münasibətdə şəffaf uçot sisteminin qurulması mövzusunda daşıyıcı şirkətlərin nümayəndələri ilə görüş keçirilib.

Dövlət Gömrük Komitəsindən (DGK) Trend-ə verilən məlumata görə, görüşdə Azərbaycan Prezidenti İlham Əliyevin "Ölkədə idxal-ixrac əməliyyatlarına nəzarət sisteminin təkmilləşdirilməsi ilə bağlı tədbirlər haqqında" 20 aprel 2018-ci il tarixli sərəncamından irəli gələn məsələlərin hazırkı icra vəziyyəti və bununla əlaqədar tətbiq olunacaq yeniliklər müzakirə edilib.

Eyni zamanda, tədbirin müzakirə mövzusu gömrük əməliyyatlarından sonra vergi uçotunun düzgün aparılması, şəffaflaşdırılması və mal dövriyyəsinin sənədləşdirilməsi, dövriyyələrin leqallaşması, gömrük orqanlarına elektron formada qısa idxal bəyannaməsinin təqdim edilməsilə bağlı məsələlər olub.

Görüşdə Komitə sədrinin birinci müavini, gömrük xidməti general-mayoru İsmayıl Hüseynov, DGK sədrinin müavini, gömrük xidməti general-mayoru İqbal Babayev, DGK sədrinin müavini, gömrük xidməti general-mayoru Cavad Qasımov, Komitənin aidiyyəti struktur bölmələrinin nümayəndələri, Vergilər nazirinin müşaviri Abdulla Tağıyev, Vergilər Nazirliyi yanında İdxal-ixrac əməliyyatları üzrə nəzarət departamentinin baş direktoru Azər Məmmədov və daşıyıcı şirkətlərin nümayəndələri iştirak ediblər.

İ.Hüseynov bildirib ki, dövlət başçısının rəhbərliyi ilə həyata keçirilən iqtisadi siyasətin prioritet istiqaməti kimi ölkəmizdə əlverişli biznes və investisiya mühiti yaradılıb. Vurğulanıb ki, gömrük sistemində aparılan islahatlar, gömrük-biznes əməkdaşlığının inkişafı, məmur-vətəndaş təmasının minimuma endirilməsi, idxal-ixrac əməliyyatlarının qısa vaxt ərzində maneəsiz və sürətli şəkildə həyata keçirilməsi, şəffaflığın təmin olunması istiqamətində görülən işlər artıq bəhrəsini verir.

İ.Hüseynov çıxışında həmçinin "Ölkədə idxal-ixrac əməliyyatlarına nəzarət sisteminin təkmilləşdirilməsi ilə bağlı tədbirlər haqqında" Azərbaycan Respublikası Prezidentinin 20 aprel 2018-ci il tarixli sərəncamından irəli gələn məsələlərin həlli, idxal-ixrac əməliyyatları zamanı vergi uçotunun dəqiq aparılması məqsədilə gömrük və vergi orqanları arasında qurulan səmərəli əməkdaşlıqdan, bu sahədə şəffaflığın təmin edilməsində sahibkarların müstəsna rolundan danışıb və daşıyıcı şirkətlərin nümayəndələrinə qanunvericiliyin tələblərinə uyğun şəkildə faəliyyət göstərməyi tövsiyə edib.

Vergilər nazirinin müşaviri Abdulla Tağıyev idxal-ixrac əməliyyatları zamanı vergi uçotunun dəqiq və qanunvericiliyə uyğun şəkildə aparılması məqsədilə gömrük və vergi orqanları arasında səmərəli əlaqələrin qurulması istiqamətində görülən işlərdən, bu sahədə şəffaflığın təmin edilməsində sahibkarların rolundan bəhs edib. Abdulla Tağıyev sahibkarlıq subyektlərinə dövlət tərəfindən münbit şərait yaradıldığını, vergi orqanlarının da bu istiqamətdə təxirəsalınmaz tədbirlər həyata keçirdiyini diqqətə çatdırıb.

Sonra daşıyıcı şirkətlərin nümayəndələrinin sualları cavablandırılıb və görüş qarşılıqlı diskussiya şəraitində davam edib.

Mənbə: https://az.trend.az/business/3010727.html

Şəffaf uçot sisteminin qurulması ilə bağlı məsələlər müzakirə edilib

2019-01-30 | İqtisadiyyat | 193

Bakı Baş Gömrük İdarəsində idxal-ixrac əməliyyatları zamanı gömrük və vergi orqanları ilə münasibətdə şəffaf uçot sisteminin qurulması mövzusunda daşıyıcı şirkətlərin nümayəndələri ilə görüş keçirilib.

Dövlət Gömrük Komitəsindən (DGK) Trend-ə verilən məlumata görə, görüşdə Azərbaycan Prezidenti İlham Əliyevin "Ölkədə idxal-ixrac əməliyyatlarına nəzarət sisteminin təkmilləşdirilməsi ilə bağlı tədbirlər haqqında" 20 aprel 2018-ci il tarixli sərəncamından irəli gələn məsələlərin hazırkı icra vəziyyəti və bununla əlaqədar tətbiq olunacaq yeniliklər müzakirə edilib.

Eyni zamanda, tədbirin müzakirə mövzusu gömrük əməliyyatlarından sonra vergi uçotunun düzgün aparılması, şəffaflaşdırılması və mal dövriyyəsinin sənədləşdirilməsi, dövriyyələrin leqallaşması, gömrük orqanlarına elektron formada qısa idxal bəyannaməsinin təqdim edilməsilə bağlı məsələlər olub.

Görüşdə Komitə sədrinin birinci müavini, gömrük xidməti general-mayoru İsmayıl Hüseynov, DGK sədrinin müavini, gömrük xidməti general-mayoru İqbal Babayev, DGK sədrinin müavini, gömrük xidməti general-mayoru Cavad Qasımov, Komitənin aidiyyəti struktur bölmələrinin nümayəndələri, Vergilər nazirinin müşaviri Abdulla Tağıyev, Vergilər Nazirliyi yanında İdxal-ixrac əməliyyatları üzrə nəzarət departamentinin baş direktoru Azər Məmmədov və daşıyıcı şirkətlərin nümayəndələri iştirak ediblər.

İ.Hüseynov bildirib ki, dövlət başçısının rəhbərliyi ilə həyata keçirilən iqtisadi siyasətin prioritet istiqaməti kimi ölkəmizdə əlverişli biznes və investisiya mühiti yaradılıb. Vurğulanıb ki, gömrük sistemində aparılan islahatlar, gömrük-biznes əməkdaşlığının inkişafı, məmur-vətəndaş təmasının minimuma endirilməsi, idxal-ixrac əməliyyatlarının qısa vaxt ərzində maneəsiz və sürətli şəkildə həyata keçirilməsi, şəffaflığın təmin olunması istiqamətində görülən işlər artıq bəhrəsini verir.

İ.Hüseynov çıxışında həmçinin "Ölkədə idxal-ixrac əməliyyatlarına nəzarət sisteminin təkmilləşdirilməsi ilə bağlı tədbirlər haqqında" Azərbaycan Respublikası Prezidentinin 20 aprel 2018-ci il tarixli sərəncamından irəli gələn məsələlərin həlli, idxal-ixrac əməliyyatları zamanı vergi uçotunun dəqiq aparılması məqsədilə gömrük və vergi orqanları arasında qurulan səmərəli əməkdaşlıqdan, bu sahədə şəffaflığın təmin edilməsində sahibkarların müstəsna rolundan danışıb və daşıyıcı şirkətlərin nümayəndələrinə qanunvericiliyin tələblərinə uyğun şəkildə faəliyyət göstərməyi tövsiyə edib.

Vergilər nazirinin müşaviri Abdulla Tağıyev idxal-ixrac əməliyyatları zamanı vergi uçotunun dəqiq və qanunvericiliyə uyğun şəkildə aparılması məqsədilə gömrük və vergi orqanları arasında səmərəli əlaqələrin qurulması istiqamətində görülən işlərdən, bu sahədə şəffaflığın təmin edilməsində sahibkarların rolundan bəhs edib. Abdulla Tağıyev sahibkarlıq subyektlərinə dövlət tərəfindən münbit şərait yaradıldığını, vergi orqanlarının da bu istiqamətdə təxirəsalınmaz tədbirlər həyata keçirdiyini diqqətə çatdırıb.

Sonra daşıyıcı şirkətlərin nümayəndələrinin sualları cavablandırılıb və görüş qarşılıqlı diskussiya şəraitində davam edib.

Mənbə: https://az.trend.az/business/3010727.html



İqtisadiyyat bölümünün son xəbərləri

2019-04-19 | Mühasibatlığın şəffaflaşdırılması mühüm əhəmiyyət daşıyır
2019-04-18 | Yapışdırılmış pullların qəbul edilməməsi ilə bağlı - MƏRKƏZİ BANKDAN AÇIQLAMA
2019-04-16 | Azərbaycanda vergi ödəyiciləri “Asan İmza”nı bir mobil nömrədən digərinə keçirə bilərlər
2019-04-16 | İqbal Babayev: Gömrük-sahibkar təması tam ləğv ediləcək - MÜSAHİBƏ
2019-04-09 | Yeni struktur sahibkarların vergi problemlərinin həllinə ciddi yardım göstərəcək
2019-04-05 | Vergilər nazirinin müavini: "Azərbaycanda markalanmış məhsulların izlənməsi mümkün olacaq" - EKSKLÜZİV
2019-03-29 | Mikayıl Cabbarov: "Azərbaycana sərmayə qoymaq çox asandır"
2019-03-09 | İcbari tibbi sığorta belə işləyəcək - MÜSAHİBƏ
2019-02-25 | Sosial müavinətlər artırılır - AR Prezidentinin Sərəncamı
2019-02-18 | Gömrük Komitəsi: Sahibkarlar sənədləri saxtalaşdırmaqdan məhrum oldu

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!