Vergi Məcəlləsində edilmiş dəyişikliklərlə bağlı İKT şirkətləri və startaplar üçün məlumat sessiyası keçiriləcək

2019-02-06 | Vergilər | 288

Fevralın 14-də İnformasiya Texnologiyalarının İnkişafı Dövlət Fondunun (İTİDF) təşəbbüsü, Nəqliyyat, Rabitə və Yüksək Texnologiyalar Nazirliyinin və Vergilər Nazirliyinin dəstəyi ilə Vergi Məcəlləsinə edilən dəyişikliklərlə bağlı İKT şirkətləri və startaplar üçün məlumat sessiyası keçiriləcək.

Bu barədə “Report”a Nəqliyyat, Rabitə və Yüksək Texnologiyalar Nazirliyinin Mətbuat xidmətindən məlumat verilib.

Tədbirin məqsədi Vergi Məcəlləsində edilmiş dəyişikliklərlə bağlı İKT şirkətlərinə və startaplara ətraflı məlumat vermək, mikro və kiçik sahibkarlıq subyektləri üçün yeni vergi güzəştləri və İKT sahəsində fəaliyyət göstərən sahibkarları maraqlandıran digər məsələlər haqqında müzakirə aparmaqdır. Tədbirdə “Vergi Məcəlləsində dəyişiklik edilməsi haqqında” 30 noyabr 2018-ci il tarixli qanunun tətbiqi barədə ölkə prezidentinin ötən il dekabrın 20-də imzaladığı fərman ətraflı şərh olunacaq.

İTİDF-nin əsas məqsədi innovativ sahibkarlıq fəaliyyətini dəstəkləmək, intellektual biznes, innovasiya və elmi-tədqiqat layihələrini stimullaşdırmaq, müasir infrastrukturun inkişafına təkan vermək, kiçik və orta sahibkarlıq subyektlərinə maliyyə dəstəyi göstərmək, bu sahəyə yerli və xarici investisiyaları cəlb etməkdən ibarətdir. Tədbirdə iştirak etmək üçün Fonda müraciət etmək xahiş olunur.

Mənbə: https://report.az/i-kt/i-kt-sirketleri-ve-startaplar-ucun-melumat-sessiyasi-kecirilecek/

Vergi Məcəlləsində edilmiş dəyişikliklərlə bağlı İKT şirkətləri və startaplar üçün məlumat sessiyası keçiriləcək

2019-02-06 | Vergilər | 288

Fevralın 14-də İnformasiya Texnologiyalarının İnkişafı Dövlət Fondunun (İTİDF) təşəbbüsü, Nəqliyyat, Rabitə və Yüksək Texnologiyalar Nazirliyinin və Vergilər Nazirliyinin dəstəyi ilə Vergi Məcəlləsinə edilən dəyişikliklərlə bağlı İKT şirkətləri və startaplar üçün məlumat sessiyası keçiriləcək.

Bu barədə “Report”a Nəqliyyat, Rabitə və Yüksək Texnologiyalar Nazirliyinin Mətbuat xidmətindən məlumat verilib.

Tədbirin məqsədi Vergi Məcəlləsində edilmiş dəyişikliklərlə bağlı İKT şirkətlərinə və startaplara ətraflı məlumat vermək, mikro və kiçik sahibkarlıq subyektləri üçün yeni vergi güzəştləri və İKT sahəsində fəaliyyət göstərən sahibkarları maraqlandıran digər məsələlər haqqında müzakirə aparmaqdır. Tədbirdə “Vergi Məcəlləsində dəyişiklik edilməsi haqqında” 30 noyabr 2018-ci il tarixli qanunun tətbiqi barədə ölkə prezidentinin ötən il dekabrın 20-də imzaladığı fərman ətraflı şərh olunacaq.

İTİDF-nin əsas məqsədi innovativ sahibkarlıq fəaliyyətini dəstəkləmək, intellektual biznes, innovasiya və elmi-tədqiqat layihələrini stimullaşdırmaq, müasir infrastrukturun inkişafına təkan vermək, kiçik və orta sahibkarlıq subyektlərinə maliyyə dəstəyi göstərmək, bu sahəyə yerli və xarici investisiyaları cəlb etməkdən ibarətdir. Tədbirdə iştirak etmək üçün Fonda müraciət etmək xahiş olunur.

Mənbə: https://report.az/i-kt/i-kt-sirketleri-ve-startaplar-ucun-melumat-sessiyasi-kecirilecek/



Vergilər bölümünün son xəbərləri

2019-06-14 | Sahibkarlar elektron qaimə-faktura ilə əməliyyatlar aparmaqda maraqlıdırlar
2019-06-14 | Mikayıl Cabbarov: Vergi qanunvericiliyi üzrə pozuntularla bağlı Vergilər Nazirliyinin mövqeyində sərtləşmə olacaq
2019-06-14 | Elektron qaimə-faktura və vergi hesab-fakturaları birləşdiriləcək
2019-06-14 | Gəlirlərdən xərclərin çıxılması məsələsində əsas şərtlər nədir?
2019-05-30 | Sosial ödənişlərin bölüşdürülməsi avtomatlaşdırılıb
2019-05-29 | Uçotda olmayan mallara görə vergilərin hesablanması
2019-05-26 | Azərbaycanda məcburi sosial sığorta ilə bağlı yeni uçot qaydaları hazırlanır
2019-05-26 | Vergilər nazirinin müavini: “Bulanıq suda balıq tutmaq bir az rahat olur”
2019-05-23 | Torpaq və üzərindəki tikililər ayrılıqda uçota alınmalıdır
2019-05-22 | Vergilər Nazirliyi vergi boşluqlarını qiymətləndirəcək

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!