Gömrük Komitəsi: Sahibkarlar sənədləri saxtalaşdırmaqdan məhrum oldu

2019-02-18 | İqtisadiyyat | 418

Azərbaycanın gömrük orqanları Vergilər Nazirliyi ilə birlikdə 2018-ci ildən başladıqları islahatları belə dəyərləndirdi: Kölgə iqtisadiyyatına böyük bir zərbə vurduq!

FED.az xəbər verir ki, bu sözləri Dövlət Gömrük Komitəsinin sədri Səfər Mehdiyev deyib. Onun sözlərinə görə, malların və nəqliyyat vasitələrinin düzgün qiymətləndirilməsi nəticəsində büdcəyə 1 milyard 200 milyondan çox vəsait köçürülüb.

Vergiləri vaxtında ödəyən sahibkarlar isə artıq “Yaşıl dəhliz” iştirakçısı olub. Komitə sədri deyir ki, fevralın 1-dən başlayaraq aktivləşən bu xidmət nəticəsində ötən 16-17 gün ərzində 100-dən çox şirkət “Yaşıl dəhliz” iştirakçısı olmaq hüququ qazanıb.

“Müəyyən risklər olmasına baxmayaraq, biz buna getdik, bu il ixracı tam, idxal əməliyyatlarının isə 35-40 faizini "Yaşıl dəhliz"ə keçirmək hədəfini qoymuşuq. Bunun üçün elektron idarəetmə, risklərin idarəetməsi sistemləri mükəmməl olmalıdır. Doqquza yaxın ölkə ilə ticarəti artıq onlayn sistemə qoşmuşuq və bəyannamələri əvvəlcədən elektron şəkildə görə bilirik. Nəticədə, haqsız rəqabətə cəhd edən sahibkarların qarşısı alınır və onlar yolda sənədi saxtalaşdırmaq imkanından məhrum olunub”.

Qeyd edək ki, bu sistem Vergilər Nazirliyinə də inteqrasiya olunacaq. Qurumlar qanuni işləyən sahibkarlara xüsusi kanallar verməklə ticarətin şəffaflaşdırılmasına nail olmağı düşünürlər.

Mənbə: http://www.fed.az/az/news/read/57555

Gömrük Komitəsi: Sahibkarlar sənədləri saxtalaşdırmaqdan məhrum oldu

2019-02-18 | İqtisadiyyat | 418

Azərbaycanın gömrük orqanları Vergilər Nazirliyi ilə birlikdə 2018-ci ildən başladıqları islahatları belə dəyərləndirdi: Kölgə iqtisadiyyatına böyük bir zərbə vurduq!

FED.az xəbər verir ki, bu sözləri Dövlət Gömrük Komitəsinin sədri Səfər Mehdiyev deyib. Onun sözlərinə görə, malların və nəqliyyat vasitələrinin düzgün qiymətləndirilməsi nəticəsində büdcəyə 1 milyard 200 milyondan çox vəsait köçürülüb.

Vergiləri vaxtında ödəyən sahibkarlar isə artıq “Yaşıl dəhliz” iştirakçısı olub. Komitə sədri deyir ki, fevralın 1-dən başlayaraq aktivləşən bu xidmət nəticəsində ötən 16-17 gün ərzində 100-dən çox şirkət “Yaşıl dəhliz” iştirakçısı olmaq hüququ qazanıb.

“Müəyyən risklər olmasına baxmayaraq, biz buna getdik, bu il ixracı tam, idxal əməliyyatlarının isə 35-40 faizini "Yaşıl dəhliz"ə keçirmək hədəfini qoymuşuq. Bunun üçün elektron idarəetmə, risklərin idarəetməsi sistemləri mükəmməl olmalıdır. Doqquza yaxın ölkə ilə ticarəti artıq onlayn sistemə qoşmuşuq və bəyannamələri əvvəlcədən elektron şəkildə görə bilirik. Nəticədə, haqsız rəqabətə cəhd edən sahibkarların qarşısı alınır və onlar yolda sənədi saxtalaşdırmaq imkanından məhrum olunub”.

Qeyd edək ki, bu sistem Vergilər Nazirliyinə də inteqrasiya olunacaq. Qurumlar qanuni işləyən sahibkarlara xüsusi kanallar verməklə ticarətin şəffaflaşdırılmasına nail olmağı düşünürlər.

Mənbə: http://www.fed.az/az/news/read/57555



İqtisadiyyat bölümünün son xəbərləri

2019-08-13 | Hesablama Palatası ilə bağlı vergi və mühasibat qanunvericilik aktlarında dəyişikliklər edilib.
2019-07-31 | Azərbaycana gətirilən avtomobillərə gömrük rüsumunun tətbiqinə dair yeni qayda müəyyənləşib
2019-07-31 | Azərbaycandakı əvvəlki və indiki vergi sistemi arasında kəskin fərq var - EKSPERT RƏYLƏRİ
2019-07-26 | Qaimələrin elektron formada təqdim edilməsi şəffaflığa zəmin yaradır
2019-07-26 | Azərbaycan Mərkəzi Bankı uçot dərəcəsini azaldıb
2019-07-21 | Xarici turistlərin fermer təsərrüfatlarına turları təşkil olunacaq
2019-07-13 | Qoşqular və yarımqoşqular üçün idxal gömrük rüsumunun meyarları dəyişib
2019-07-11 | Azərbaycanda elektron pul kisəsi istifadəyə verilib
2019-07-04 | Fiziki şəxslər üçün aylıq 35 manat sosial ödəniş müəyyənləşdirilməsini təklif edirik
2019-07-04 | Bu mağazalarda yeni nəsil nəzarət-kassa aparatları quraşdırılır - SİYAHI

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!