Assosiasiya rəhbəri: Vergilər Nazirliyi mənzillərini kirayə verən şəxslərlə məşğul olmalıdır

2019-04-28 | İqtisadiyyat | 1863

“Apardığımız monitorinqlər nəticəsində məlum olub ki, mərkəzdə yerləşən iri və zəngin otellərin dolum faizi 85-95%-dir. Məkanından asılı olaraq digər seqmentdə, yəni kiçik və orta kateqoriyalı otellərin isə 65-75%-i dolub”.

Bunu “Report”a DAİR Otellər və Restoranlar Assosiasiyası İdarə Heyətinin sədri Samir Dübəndi deyib.

Onun sözlərinə görə, “Formula 1” yarışları həm Azərbaycanı daha çox tanıdır, həm də turizm cəlbinə imkan yaradır: “Ümumiyyətlə, “Formula 1” azarkeşləri heç də kasıb turistlər hesab edilmir, əksinə, daha yüksək rifah halı olan insanlardır. Məhz bu səbəbdən də bahalı-yüksək seqmentdə olan otellərin dolum faizi yüksəkdir. Bu gün TV vasitəsilə “Formula 1” yarışlarını 600 mln.-dan artıq insan izləyir. Ötən ilin rəqəmlərində isə göstərilirdi ki, Bakıda keçirilən yarışları 80 mln.-dan artıq insan izləyib. Bu Azərbaycanı xaricdə tanıtmaq üçün yaxşı vasitədir”.

S.Dübəndi bildirib ki, fərdi mənzillərin də kirayə verilməsi halları artıb: “Ötən il apardığımız monitorinqlər zamanı məlum oldu ki, yalnız şəhərin mərkəzində 1300-dən artıq mənzil turistlərə kirayə verilib. Bu il bu rəqəm dəfələrlə artıb. Yay vaxtı bunları bir daha ölçəcəyik. Təbii ki, buna ehtiyac var. Adətən, bu xərclərinə qənaət etmək istəyən, kiçik qrup şəklində yaxud ailə ilə gələn turistlərdir. Mənzil sahibləri özləri qərar verir ki, onu kirayə versin. Amma burda başqa bir neqativ məsələ var. Belə ki, mənzilləri kirayə verərkən biznes fəaliyyət ortaya çıxır. Bəziləri VÖEN almır, qeydiyyatdan keçmir, bir sözlə, vergidən yayınır, bəziləri kommunal ödənişləri əhali qrupu abunəçilər üçün olan qaydada ödəyir. Bəzən qonşular şikayət edir ki, səs küy olur. Amma turisti də nəzərə almaq lazımdır ki, onlar da bura əylənməyə gəlib. Amma əsas məsələ budur ki, onlar orta və kiçik otelçiliklə rəqabət təşkil edirlər. Məncə Vergilər Nazirliyi onlarla məşğul olmalıdır. Çünki belə rəqabət ədalətsiz mühit yaradır. Kiçik və orta otellərin bəzi xərcləri var, amma mənzillərdə belə bir şey yoxdur”.

Assosiasiya rəsmisi hesab edir ki, mənzillərin kirayə verilməsi ilə bağlı nəzarət mexanizmləri hazırlanarkən xarici təcrübə nəzərə alınmalıdır: “Biz montorinqlər zamanı bir sıra dünya şəhərləri ilə müqayisə apardıq. Məsələn, Amsterdam, Barselona, Paris, Almaniyanın bir sıra şəhərlərində mənzillərin icarə verilməsini dövlət məhdudlaşdırır. Mənzillərin il ərzində maksimum 1-2 ay icarəyə verilməsinə icazə var. Bu da turistlərin ən çox gəldiyi mövsümə düşür. Çünki həmin vaxt turistlər üçün otellərin nömrə fondu çatışmır”.

Mənbə: https://report.az/biznes/assosiasiya-rehberi-vergiler-nazirliyi-menzillerini-kiraye-veren-se/

Assosiasiya rəhbəri: Vergilər Nazirliyi mənzillərini kirayə verən şəxslərlə məşğul olmalıdır

2019-04-28 | İqtisadiyyat | 1863

“Apardığımız monitorinqlər nəticəsində məlum olub ki, mərkəzdə yerləşən iri və zəngin otellərin dolum faizi 85-95%-dir. Məkanından asılı olaraq digər seqmentdə, yəni kiçik və orta kateqoriyalı otellərin isə 65-75%-i dolub”.

Bunu “Report”a DAİR Otellər və Restoranlar Assosiasiyası İdarə Heyətinin sədri Samir Dübəndi deyib.

Onun sözlərinə görə, “Formula 1” yarışları həm Azərbaycanı daha çox tanıdır, həm də turizm cəlbinə imkan yaradır: “Ümumiyyətlə, “Formula 1” azarkeşləri heç də kasıb turistlər hesab edilmir, əksinə, daha yüksək rifah halı olan insanlardır. Məhz bu səbəbdən də bahalı-yüksək seqmentdə olan otellərin dolum faizi yüksəkdir. Bu gün TV vasitəsilə “Formula 1” yarışlarını 600 mln.-dan artıq insan izləyir. Ötən ilin rəqəmlərində isə göstərilirdi ki, Bakıda keçirilən yarışları 80 mln.-dan artıq insan izləyib. Bu Azərbaycanı xaricdə tanıtmaq üçün yaxşı vasitədir”.

S.Dübəndi bildirib ki, fərdi mənzillərin də kirayə verilməsi halları artıb: “Ötən il apardığımız monitorinqlər zamanı məlum oldu ki, yalnız şəhərin mərkəzində 1300-dən artıq mənzil turistlərə kirayə verilib. Bu il bu rəqəm dəfələrlə artıb. Yay vaxtı bunları bir daha ölçəcəyik. Təbii ki, buna ehtiyac var. Adətən, bu xərclərinə qənaət etmək istəyən, kiçik qrup şəklində yaxud ailə ilə gələn turistlərdir. Mənzil sahibləri özləri qərar verir ki, onu kirayə versin. Amma burda başqa bir neqativ məsələ var. Belə ki, mənzilləri kirayə verərkən biznes fəaliyyət ortaya çıxır. Bəziləri VÖEN almır, qeydiyyatdan keçmir, bir sözlə, vergidən yayınır, bəziləri kommunal ödənişləri əhali qrupu abunəçilər üçün olan qaydada ödəyir. Bəzən qonşular şikayət edir ki, səs küy olur. Amma turisti də nəzərə almaq lazımdır ki, onlar da bura əylənməyə gəlib. Amma əsas məsələ budur ki, onlar orta və kiçik otelçiliklə rəqabət təşkil edirlər. Məncə Vergilər Nazirliyi onlarla məşğul olmalıdır. Çünki belə rəqabət ədalətsiz mühit yaradır. Kiçik və orta otellərin bəzi xərcləri var, amma mənzillərdə belə bir şey yoxdur”.

Assosiasiya rəsmisi hesab edir ki, mənzillərin kirayə verilməsi ilə bağlı nəzarət mexanizmləri hazırlanarkən xarici təcrübə nəzərə alınmalıdır: “Biz montorinqlər zamanı bir sıra dünya şəhərləri ilə müqayisə apardıq. Məsələn, Amsterdam, Barselona, Paris, Almaniyanın bir sıra şəhərlərində mənzillərin icarə verilməsini dövlət məhdudlaşdırır. Mənzillərin il ərzində maksimum 1-2 ay icarəyə verilməsinə icazə var. Bu da turistlərin ən çox gəldiyi mövsümə düşür. Çünki həmin vaxt turistlər üçün otellərin nömrə fondu çatışmır”.

Mənbə: https://report.az/biznes/assosiasiya-rehberi-vergiler-nazirliyi-menzillerini-kiraye-veren-se/



İqtisadiyyat bölümünün son xəbərləri

2024-03-19 | Nicat İmanov: Əsas hədəfimiz etibarlı vergi qurumuna çevrilməkdir
2023-11-07 | 2024-cü ildə Azərbaycanda yaşayış minimumunun məbləği məlum oldu
2023-11-03 | Qiymətli daşların və qiymətli metalların alışı hansı halda nağdsız qaydada həyata keçirilməlidir.
2023-10-27 | Mərkəzi Bankın səlahiyyəti artırılır
2022-11-02 | Arzu Hacıyeva: Yol xəritəsinin özəl sektor üçün geniş imkanlar yaradacağına inanıram
2022-10-21 | Azərbaycanın yeni iqtisadi inkişaf strategiyası və vergi islahatları
2021-12-21 | Dəfn üçün müavinət də artırılıb
2021-12-21 | Uşağın anadan olmasına görə müavinət 50 faiz artırıldı
2021-12-18 | 2022-ci il üçün iş vaxtı norması və istehsalat təqvimi təsdiq edilib
2021-10-13 | Kiçik və orta sahibkarlıqla məşğul olan şirkətlər üçün onlayn sertifikatlı təlim keçiriləcək

www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!