Şəffaflığın artması bəhrəsini verir
2019-05-10 | İqtisadiyyat |
2119
Vergi Məcəlləsinə edilmiş dəyişikliklər və bu sahədə həyata keçirilən islahatlar strateji məqsəd daşıyır. Yanvarın 1-dən etibarən sahibkarlara verilən vergi güzəştləri, o cümlədən gəlir vergisinə 7 illik güzəşt sosial paket proqramlarının tətbiqi üçün münbit şərait yaradıb.
İqtisadçı ekspert Vüqar Bayramov vergi sistemindəki dəyişikliklərdən sonrakı üç ayın nəticələrini "vergiler.az"a şərh edib. Onun sözlərinə görə, bu ilin birinci rübündə dövlət büdcəsində nəzərdə tutulduğundan 200 milyon manat əlavə vəsait yığılıb və həmin vəsaitlərin mühüm hissəsi vergi şəklində toplanıb: "İslahatlar özəl biznesin fəaliyyətini stimullaşdırıb, qeyri-rəsmi məşğulluğun aradan qaldırılması üçün geniş imkanlar yaradıb.
İlin əvvəlindən başlanan islahatlar indiyədək mövcud olan, lakin dövlət nəzarəti orqanlarından gizlədilən iş və xidmətlərin bir hissəsinin rəsmiləşdirilməsinə gətirib çıxarıb. Birinci rübün yekunları da göstərdi ki, vergi və gömrükdən daxil olan vəsaitlərin həcmi proqnoz göstəricilərindən çoxdur".
Vüqar Bayramov bu ilin ilk üç ayında əldə edilən nailiyyətləri həm də şəffaflığın və hesabatlılığın genişlənməsi ilə əlaqələndirib. Qeyd edib ki, şəffaflığın gücləndirilməsi, məşğulluğun leqallaşdırılması həm də büdcəyə əlavə vəsaitlərin daxil olmasını təmin edib. Məhz bunun sayəsində mart-aprel aylarından pensiya və sosial müavinətlərin artımını maliyyələşdirmək mümkün olub: "Vergi və gömrük sistemində aparılan islahatlar olmasaydı, məşğulluğun leqallaşdırılması tədbirləri ləngidilsəydi, bu ilin birinci rübündə həyata keçirilən sosial islahat paketini də maliyyələşdirmək çox çətin olardı".
Şəffaflığın artması bəhrəsini verir
2019-05-10 | İqtisadiyyat | 2119
Vergi Məcəlləsinə edilmiş dəyişikliklər və bu sahədə həyata keçirilən islahatlar strateji məqsəd daşıyır. Yanvarın 1-dən etibarən sahibkarlara verilən vergi güzəştləri, o cümlədən gəlir vergisinə 7 illik güzəşt sosial paket proqramlarının tətbiqi üçün münbit şərait yaradıb.
İqtisadçı ekspert Vüqar Bayramov vergi sistemindəki dəyişikliklərdən sonrakı üç ayın nəticələrini "vergiler.az"a şərh edib. Onun sözlərinə görə, bu ilin birinci rübündə dövlət büdcəsində nəzərdə tutulduğundan 200 milyon manat əlavə vəsait yığılıb və həmin vəsaitlərin mühüm hissəsi vergi şəklində toplanıb: "İslahatlar özəl biznesin fəaliyyətini stimullaşdırıb, qeyri-rəsmi məşğulluğun aradan qaldırılması üçün geniş imkanlar yaradıb.
İlin əvvəlindən başlanan islahatlar indiyədək mövcud olan, lakin dövlət nəzarəti orqanlarından gizlədilən iş və xidmətlərin bir hissəsinin rəsmiləşdirilməsinə gətirib çıxarıb. Birinci rübün yekunları da göstərdi ki, vergi və gömrükdən daxil olan vəsaitlərin həcmi proqnoz göstəricilərindən çoxdur".
Vüqar Bayramov bu ilin ilk üç ayında əldə edilən nailiyyətləri həm də şəffaflığın və hesabatlılığın genişlənməsi ilə əlaqələndirib. Qeyd edib ki, şəffaflığın gücləndirilməsi, məşğulluğun leqallaşdırılması həm də büdcəyə əlavə vəsaitlərin daxil olmasını təmin edib. Məhz bunun sayəsində mart-aprel aylarından pensiya və sosial müavinətlərin artımını maliyyələşdirmək mümkün olub: "Vergi və gömrük sistemində aparılan islahatlar olmasaydı, məşğulluğun leqallaşdırılması tədbirləri ləngidilsəydi, bu ilin birinci rübündə həyata keçirilən sosial islahat paketini də maliyyələşdirmək çox çətin olardı".
İqtisadiyyat bölümünün son xəbərləri |