Sahib Ələkbərov: Əvvəllər DGK ilə Vergilər Nazirliyi arasında ciddi problem olmasa da, suallar olurdu - EKSKLÜZİV

2019-05-13 | İqtisadiyyat | 93

“Vergilər Nazirliyi ilə Dövlət Gömrük Komitəsinin (DGK) birləşməsi dövlət idarəetməsinə aid məsələdir. Bu, mənim səlahiyyətimə aid deyil”.

Bunu “Report”a eksklüziv açıqlamasında Vergilər nazirinin müavini Sahib Ələkbərov deyib.

S.Ələkbərovun sözlərinə görə, Vergilər Nazirliyinin qarşısında duran ən böyük məsələ işin koordinasiyalı qurulmasıdır:

“Əsas məsələ və problem ondan ibarət deyil ki, hansı qurum kiminlə birləşəcək və ona kim rəhbərlik edəcək. Bu ikinci dərəcəli məsələdir. Əsas məsələ odur ki, o sistem işləyirmi və bu sistemlər fayda verirmi, səmərəlidirmi?! Bəlkə də, bəziləri bunu bilmir. Amma bizim qarşımızda duran ən böyük məsələ işin koordinasiyalı qurulmasıdır. Bilirsiniz ki, 2006-cı ildə Azərbaycanda ilk dəfə Vergilər Nazirliyi AVİS (Avtomatlaşdırılmış Vergi İnformasiya Sistemi) sistemini işə salıb. Hazırda bu sistem çox səmərəli işləyir. Bizim digər dövlət qurumları ilə sistemlərimizin əlaqəli şəkildə işləməsi, informasiyalarımızın əlçatan olması çox ciddi məsələdir. Hazırda bunun üzərində iş gedir. Qaldı Dövlət Gömrük Komitəsinə, ola bilsin, bəziləri bunu bilmir, amma hazırda heç bir sual, problem yoxdur”.

Nazir müavini “Bu problem və suallar əvvəllər də yox idi, yoxsa son zamanlar yoxa çıxıb?” sualına cavabında deyib ki, əvvəllər ciddi problemlər olmayıb:

“Əvvəl də elə ciddi problem olmayıb, amma suallar olurdu. Suallar da hərənin öz sisteminin olması ilə bağlı idi. Hazırda vergi orqanı ilə gömrük orqanı birgə nəzarəti həyata keçirir. Bizdə yeni bir qurum yaradılıb - İdxal-İxrac Departamenti. Onun çox sayda işçiləri var, mütəxəssislər cəlb olunub. Bizim onların informasiya sisteminə, onların da bizim sistemə əlçatanlığı təmin olunub. İndi bizə lazımdır ki, bu digər sahələrdə də olsun”.

Nazirlik rəsmisi deyib ki, hazırda təmsil etdiyi qurum informasiya mübadiləsini İqtisadiyyat Nazirliyi, Qida Təhlükəsizliyi Agentliyi, Əmlak Məsələləri Dövlət Komitəsi, “Azərkosmos” ASC və başqa qurumlarla davam etdirmək niyyətindədir.

Mənbə: https://report.az/maliyye/dovlet-gomruk-komitesi-ile-hazirda-hec-bir-sual-problem-yoxdur/

Sahib Ələkbərov: Əvvəllər DGK ilə Vergilər Nazirliyi arasında ciddi problem olmasa da, suallar olurdu - EKSKLÜZİV

2019-05-13 | İqtisadiyyat | 93

“Vergilər Nazirliyi ilə Dövlət Gömrük Komitəsinin (DGK) birləşməsi dövlət idarəetməsinə aid məsələdir. Bu, mənim səlahiyyətimə aid deyil”.

Bunu “Report”a eksklüziv açıqlamasında Vergilər nazirinin müavini Sahib Ələkbərov deyib.

S.Ələkbərovun sözlərinə görə, Vergilər Nazirliyinin qarşısında duran ən böyük məsələ işin koordinasiyalı qurulmasıdır:

“Əsas məsələ və problem ondan ibarət deyil ki, hansı qurum kiminlə birləşəcək və ona kim rəhbərlik edəcək. Bu ikinci dərəcəli məsələdir. Əsas məsələ odur ki, o sistem işləyirmi və bu sistemlər fayda verirmi, səmərəlidirmi?! Bəlkə də, bəziləri bunu bilmir. Amma bizim qarşımızda duran ən böyük məsələ işin koordinasiyalı qurulmasıdır. Bilirsiniz ki, 2006-cı ildə Azərbaycanda ilk dəfə Vergilər Nazirliyi AVİS (Avtomatlaşdırılmış Vergi İnformasiya Sistemi) sistemini işə salıb. Hazırda bu sistem çox səmərəli işləyir. Bizim digər dövlət qurumları ilə sistemlərimizin əlaqəli şəkildə işləməsi, informasiyalarımızın əlçatan olması çox ciddi məsələdir. Hazırda bunun üzərində iş gedir. Qaldı Dövlət Gömrük Komitəsinə, ola bilsin, bəziləri bunu bilmir, amma hazırda heç bir sual, problem yoxdur”.

Nazir müavini “Bu problem və suallar əvvəllər də yox idi, yoxsa son zamanlar yoxa çıxıb?” sualına cavabında deyib ki, əvvəllər ciddi problemlər olmayıb:

“Əvvəl də elə ciddi problem olmayıb, amma suallar olurdu. Suallar da hərənin öz sisteminin olması ilə bağlı idi. Hazırda vergi orqanı ilə gömrük orqanı birgə nəzarəti həyata keçirir. Bizdə yeni bir qurum yaradılıb - İdxal-İxrac Departamenti. Onun çox sayda işçiləri var, mütəxəssislər cəlb olunub. Bizim onların informasiya sisteminə, onların da bizim sistemə əlçatanlığı təmin olunub. İndi bizə lazımdır ki, bu digər sahələrdə də olsun”.

Nazirlik rəsmisi deyib ki, hazırda təmsil etdiyi qurum informasiya mübadiləsini İqtisadiyyat Nazirliyi, Qida Təhlükəsizliyi Agentliyi, Əmlak Məsələləri Dövlət Komitəsi, “Azərkosmos” ASC və başqa qurumlarla davam etdirmək niyyətindədir.

Mənbə: https://report.az/maliyye/dovlet-gomruk-komitesi-ile-hazirda-hec-bir-sual-problem-yoxdur/



İqtisadiyyat bölümünün son xəbərləri

2019-05-21 | Vergi sistemində dəyişikliklər zəruri və labüd idi
2019-05-21 | İdxal əməliyyatlarının rəsmiləşdirilməsində yenilik
2019-05-17 | Biznes sahibləri şüurlu şəkildə "kölgəyə çəkilməyə" üstünlük veriblər
2019-05-16 | Vergilər Nazirliyinə yeni səlahiyyətlər verildi
2019-05-13 | Sahib Ələkbərov: Əvvəllər DGK ilə Vergilər Nazirliyi arasında ciddi problem olmasa da, suallar olurdu - EKSKLÜZİV
2019-05-10 | Şəffaflığın artması bəhrəsini verir
2019-05-10 | Mikayıl Cabbarov vergi daxilolmalarının artım səbəblərini açıqlayıb
2019-05-07 | Sahib Ələkbərov: “Sirr təşkil edən informasiyaların sayının azaldılmasına ehtiyac var” - EKSKLÜZİV
2019-05-02 | Vergi Məcəlləsinə edilən son dəyişikliklər bazara müsbət təsir edir.
2019-04-28 | Ekspert: “Otelçilik biznesi üçün xüsusi vergi rejimi tətbiq olunması prosesə təsir edər”

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!