Müqavilə bağlamayan sahibkarlara qarşı sanksiyalar tətbiq edilib

2019-05-30 | Kadr işi | 3031

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin illik hesabatında bildirilir ki, Əmək Münasibətlərinin Monitorinqi Mərkəzi 2018-ci ildə tikinti obyektlərində əmək münasibətlərinin tənzimlənməsi ilə bağlı 104 monitorinq keçirib və 79 pozuntu halı aşkar edib. Monitorinqlər zamanı 3.990 nəfər yoxlanılıb və onlardan 946 nəfərin əmək və ya xidməti (mülki) müqavilə olmadan çalışdığı müəyyən olunub.

Monitorinq olunan işəgötürənlər üzrə qeyri-rəsmi məşğulluq səviyyəsi 23,7 faiz təşkil edib. Müqavilə ilə çalışan 3.044 işçidən 180 nəfərin işəgötürənlə əmək münasibətinin xidməti (mülki) müqavilə əsasında rəsmiləşdirildiyi aşkar edilib. Səyyar monitorinqlərin keçirilməyə başlanıldığı tarixdən sonra bütün işəgötürənlər üzrə 71 min 461 əmək müqaviləsi imzalanıb ki, bunlardan da 19 min 32-si hazırda qüvvədədir.

Dövlət Agentliyi tərəfindən son bir il ərzində həyata keçirilən nəzarət tədbirləri nəticəsində Bakı şəhərinin tikinti sektorunda əmək münasibətlərinin rəsmiləşdirilməsi sahəsində əhəmiyyətli dərəcədə müsbət dəyişikliklər müşahidə edilməkdədir. Monitorinqlər keçirilməyə başlanıldığı dövrdə çoxmənzilli yaşayış binalarının inşası ilə məşğul olan işçilərin təxminən 45 faizi rəsmi qeydiyyat olmadan çalışırdısa, hazırda bu göstərici 9 faizə qədər azalıb.

Monitorinqlər zamanı əmək və ya xidməti müqavilə olmadan işə cəlbetmə ilə bağlı 84 işəgötürən üzrə pozuntu halı qeydə alınıb və bu faktlar aktlaşdırılaraq baxılması üçün Dövlət Agentliyi tərəfindən Əmək və Əhalinin Sosial Müdafiəsi Nazirliyinə göndərilib. Ümumilikdə 69-u hüquqi, 15-i isə fiziki şəxs olmaqla 84 işəgötürəndən 35 işəgötürən barədə inzibati xəta faktı təsdiq edilib. Bu faktlar üzrə 527 min manat həcmində inzibati cərimə tətbiq olunub. Bundan başqa, əmək və ya xidməti müqavilə olmadan 10 nəfər və daha çox şəxsi işə cəlbetmə ilə bağlı 33 işəgötürən üzrə pozuntu halı qeydə alınıb və bu faktlar aktlaşdırılaraq baxılması üçün Baş Prokurorluğa göndərilib. Ümumilikdə 31-i hüquqi, 2-si isə fiziki şəxs olmaqla 33 işəgötürəndən 6 işəgötürən barədə cinayət işinin başlanılmasına dair qərar qəbul edilib. Baş Prokurorluğa göndərilən digər 27 işəgötürən üzrə aşkar edilən əməldə Cinayət Məcəlləsinin müddəalarına görə cinayət məsuliyyətindən azadetmə üçün əsasların olması ilə əlaqədar cinayət işinin başlanılması rədd edilib. Eyni zamanda, bu işəgötürənlər üzrə dövlət büdcəsinə ödənilməkdən yayındırılmış sosial sığorta haqları büdcəyə ödənilib.

Büdcə ödənişlərinin bərpası ilə yanaşı, vergi sanksiyalarının tətbiqi məqsədilə qeyd edilən 27 işəgötürən üzrə materiallar Vergilər Nazirliyinə göndərilib. Nazirlik onlara 468 min manat həcmində vergi sanksiyası tətbiq edib. Qeydə alınmış pozuntu halları üzrə ümumilikdə 1 milyon 7 min manat məbləğində cərimə və sanksiya tətbiq olunub.

Fərqanə ALLAHVERDİQIZI

Mənbə: https://vergiler.az/news/economy/2376.html

Müqavilə bağlamayan sahibkarlara qarşı sanksiyalar tətbiq edilib

2019-05-30 | Kadr işi | 3031

Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin illik hesabatında bildirilir ki, Əmək Münasibətlərinin Monitorinqi Mərkəzi 2018-ci ildə tikinti obyektlərində əmək münasibətlərinin tənzimlənməsi ilə bağlı 104 monitorinq keçirib və 79 pozuntu halı aşkar edib. Monitorinqlər zamanı 3.990 nəfər yoxlanılıb və onlardan 946 nəfərin əmək və ya xidməti (mülki) müqavilə olmadan çalışdığı müəyyən olunub.

Monitorinq olunan işəgötürənlər üzrə qeyri-rəsmi məşğulluq səviyyəsi 23,7 faiz təşkil edib. Müqavilə ilə çalışan 3.044 işçidən 180 nəfərin işəgötürənlə əmək münasibətinin xidməti (mülki) müqavilə əsasında rəsmiləşdirildiyi aşkar edilib. Səyyar monitorinqlərin keçirilməyə başlanıldığı tarixdən sonra bütün işəgötürənlər üzrə 71 min 461 əmək müqaviləsi imzalanıb ki, bunlardan da 19 min 32-si hazırda qüvvədədir.

Dövlət Agentliyi tərəfindən son bir il ərzində həyata keçirilən nəzarət tədbirləri nəticəsində Bakı şəhərinin tikinti sektorunda əmək münasibətlərinin rəsmiləşdirilməsi sahəsində əhəmiyyətli dərəcədə müsbət dəyişikliklər müşahidə edilməkdədir. Monitorinqlər keçirilməyə başlanıldığı dövrdə çoxmənzilli yaşayış binalarının inşası ilə məşğul olan işçilərin təxminən 45 faizi rəsmi qeydiyyat olmadan çalışırdısa, hazırda bu göstərici 9 faizə qədər azalıb.

Monitorinqlər zamanı əmək və ya xidməti müqavilə olmadan işə cəlbetmə ilə bağlı 84 işəgötürən üzrə pozuntu halı qeydə alınıb və bu faktlar aktlaşdırılaraq baxılması üçün Dövlət Agentliyi tərəfindən Əmək və Əhalinin Sosial Müdafiəsi Nazirliyinə göndərilib. Ümumilikdə 69-u hüquqi, 15-i isə fiziki şəxs olmaqla 84 işəgötürəndən 35 işəgötürən barədə inzibati xəta faktı təsdiq edilib. Bu faktlar üzrə 527 min manat həcmində inzibati cərimə tətbiq olunub. Bundan başqa, əmək və ya xidməti müqavilə olmadan 10 nəfər və daha çox şəxsi işə cəlbetmə ilə bağlı 33 işəgötürən üzrə pozuntu halı qeydə alınıb və bu faktlar aktlaşdırılaraq baxılması üçün Baş Prokurorluğa göndərilib. Ümumilikdə 31-i hüquqi, 2-si isə fiziki şəxs olmaqla 33 işəgötürəndən 6 işəgötürən barədə cinayət işinin başlanılmasına dair qərar qəbul edilib. Baş Prokurorluğa göndərilən digər 27 işəgötürən üzrə aşkar edilən əməldə Cinayət Məcəlləsinin müddəalarına görə cinayət məsuliyyətindən azadetmə üçün əsasların olması ilə əlaqədar cinayət işinin başlanılması rədd edilib. Eyni zamanda, bu işəgötürənlər üzrə dövlət büdcəsinə ödənilməkdən yayındırılmış sosial sığorta haqları büdcəyə ödənilib.

Büdcə ödənişlərinin bərpası ilə yanaşı, vergi sanksiyalarının tətbiqi məqsədilə qeyd edilən 27 işəgötürən üzrə materiallar Vergilər Nazirliyinə göndərilib. Nazirlik onlara 468 min manat həcmində vergi sanksiyası tətbiq edib. Qeydə alınmış pozuntu halları üzrə ümumilikdə 1 milyon 7 min manat məbləğində cərimə və sanksiya tətbiq olunub.

Fərqanə ALLAHVERDİQIZI

Mənbə: https://vergiler.az/news/economy/2376.html



Kadr işi bölümünün son xəbərləri

2023-12-26 | 2024-cü il üçün istehsalat təqvimi və iş vaxtı norması
2023-10-20 | Noyabrda 5 gün ardıcıl iş olmayacaq
2023-10-12 | Əmək şəraiti zərərli və ağır olan işlərdə çalışanlarla bağlı mühüm yenilik
2022-12-20 | 2023-cü il üçün istehsalat təqvimi və iş vaxtı norması
2021-06-11 | Əmək Məcəlləsinə edilən dəyişikliklər qeyri-rəsmi məşğulluğa qarşı mübarizəni gücləndirəcək
2021-02-22 | İşləməyə davam edən 6300-dək pensiyaçının pensiyası yenidən hesablanaraq artırılıb
2021-01-31 | Ezamiyyə xərclərinin hesabnlanması qaydasında dəyişiklik edildi
2021-01-29 | Dövlət bağçalarında əməkhaqqına görə ayırmalar və uşaqlar üçün ərzaq məhsullarının hesablanması qaydası dəyişib
2021-01-29 | Əmək kitabçaları dövriyyədən çıxarılacaq
2021-01-29 | İcbari tibbi sığortanın tətbiqi mərhələli şəkildə həyata keçirilir

LAYİHƏ HAQQINDA

MUHASIB.AZ saytının əsas məqsədi mühasibat uçotu və maliyyə sahələrində çalışan və gələcəkdə çalışmaq istəyən mütəxəssisləri lazımi məlumatlar ilə təmin etməkdir. Sayt həm tədris, həm də informativ-analitik formatda təşkil edilib.

Müəllif haqqında

MÜƏLLİFLƏRƏ:

Saytda istənilən şəxs mühasibat uçotu, IFRS, vergilər, maliyyə, audit və saytın əhatə etdiyi digər sahələr üzrə məqalələr yerləşdirə bilər. Bunun üçün məqaləni admin@muhasib.az ünvanına göndərmək kifayətdir. Ətraflı

ƏLAQƏ

Bakı, AZ 1004 Mikayıl Müşfiq küç. 2H.

(994)702011258

admin@muhasib.az

Məxfilik strateqiyası





www.muhasib.az. Bütün hüquqlar qorunur © 2010-2024.
Saytdakı materiallardan istifadə etdikdə www.muhasib.az saytına keçid qoymaq vacibdır!