Azərbaycanda elektron pul kisəsi istifadəyə verilib

2019-07-11 | İqtisadiyyat | 69

Nəqliyyat, Rabitə və Yüksək Texnologiyalar Nazirliyinə məxsus "Azərpoçt" MMC və Məlumat Hesablama Mərkəzi arasında imzalanmış "Birgə Fəaliyyət Haqqında" müqaviləyə əsasən Azərbaycanda "PostPay" adlı yeni elektron pul kisəsi istifadəyə verilib. Yeni sistemin fiziki və virtual daşıyıcılara yerləşdirilməsi, ödəniş sisteminin və istifadəçilər üçün təhlükəsizlik tədbirlərinin aparılması, həmçinin sonrakı mərhələdə texniki dəstəyin göstərilməsi məsələləri razılaşdırılıb.

MHM-dən bildirlib ki, "PostPay" layihəsinin "Azərpoçt"la birgə həyata keçirilməsi bu brendin əhatə dairəsinin sürətlə genişlənməsinə imkan yaradacaq. Belə ki, ölkənin bütün bölgələrində, ucqar kəndlərində mövcud olan poçt məntəqələri "PostPay"i vətəndaşlar üçün daha da əlçatan edəcək. Həmçinin, "Azərpoçt"da aparılan nağd əməliyyatların da bundan sonra "PostPay" üzərindən həyata keçiriləcəyi gözlənilir.

"Postpay" elektron pul kisəsinin "Android" sistemi ilə çalışan qurğuların dəstəklədiyi mobil tətbiqi də vətəndaşların istifadəsinə verilib. Bu tətbiqi "PlayStore"dan yükləmək olar. "PostPay"in əsas menyusu "Balansın artırılması", "Nağdlaşdırma", "Pul köçürmələri", "Ödəmələr", "Mal və xidmətlərin dəyərinin ödənişi (dinamik QR kod)" və "Balans" bölmələrindən ibarətdir. Ondan istifadə son dərəcə sadədir.

"PostPay"istifadəçiləri balanslarını ödəmə terminalları, bank kartları, digər elektron pul kisələri və poçt şöbələri vasitəsilə artıra bilərlər

"PostPay"in digər elektron pul kisələrindən əsaslı fərqi poçt filialları və məntəqələrində həm balans artırma, həm də nağdlaşdırma əməliyyatlarının həyata keçirmək imkanını istifadəçilərinə təqdim etməsidir. Poçt vasitəsi ilə balansı artırmaq üçün istifadəçi "Azərpoçt"un filialına yaxınlaşmalı və əməliyyatçıya "PostPay" hesab nömrəsini təqdim etməlidir. Nağdlaşdırma etmək üçün isə istifadəçi əvvəlcə hesab nömrəsini və istədiyi məbləği əməliyyatçıya təqdim edir. Əməliyatçı proqram təminatı vasitəsi ilə hesabı yoxlayır və PİN kodu tələb edir. Təqdim edilən kod doğru olarsa əməliyyat uğurla həyata keçirilir və istifadəçiyə uğurlu əməliyyat haqqında bildiriş göndərilərək vəsait ödənilir.

"PostPay" vasitəsilə digər "PostPay" istifadəçisinə, başqa elektron pul kisələrindəki hesablara, bank kartlarına, poçt şöbəsində təqdim olunan kod qarşılığında, eləcə də beynəlxalq pul köçürmə sistemləri vasitəsilə istənilən şəxsə pul köçürmələri həyata keçirmək mümkündür.

"PostPay" istifadəçiləri ödəmələr bölməsində geniş xidmətlər siyahısına malikdirlər. Belə ki, mobil operatorlara ödənişlər, komunal xidmət haqları, gömrük rüsumları və s. bir sıra bu tip ödəmələri təhlükəsiz və rahat şəkildə həyata keçirə biləcəklər.

"PostPay", istifadəçilərinin rahatlığını, həmçinin müasir ödəmə funksiyalarından istifadəni təmin etmək məqsədilə QR kodla ödəmə imkanını da yaradır. Belə ki, mağazalarda və ya xarici internet saytlarında alış veriş edən "PostPay" istifadəçisi tətbiqdən QR kod vasitəsilə ödəmə funksiyasını seçərək ödəmələrini həyata keçirə bilər.

"PostPay" istifadəçiləri bu bölmə vasitəsilə istədikləri zaman hesab qalığı, hesabdan çıxarış, link edilmiş kartların qalığı ilə tanış ola, qruplaşdırılmış analiz çıxarışlarını əldə edə bilər.

Mənbə: https://vergiler.az/news/economy/2911.html

Azərbaycanda elektron pul kisəsi istifadəyə verilib

2019-07-11 | İqtisadiyyat | 69

Nəqliyyat, Rabitə və Yüksək Texnologiyalar Nazirliyinə məxsus "Azərpoçt" MMC və Məlumat Hesablama Mərkəzi arasında imzalanmış "Birgə Fəaliyyət Haqqında" müqaviləyə əsasən Azərbaycanda "PostPay" adlı yeni elektron pul kisəsi istifadəyə verilib. Yeni sistemin fiziki və virtual daşıyıcılara yerləşdirilməsi, ödəniş sisteminin və istifadəçilər üçün təhlükəsizlik tədbirlərinin aparılması, həmçinin sonrakı mərhələdə texniki dəstəyin göstərilməsi məsələləri razılaşdırılıb.

MHM-dən bildirlib ki, "PostPay" layihəsinin "Azərpoçt"la birgə həyata keçirilməsi bu brendin əhatə dairəsinin sürətlə genişlənməsinə imkan yaradacaq. Belə ki, ölkənin bütün bölgələrində, ucqar kəndlərində mövcud olan poçt məntəqələri "PostPay"i vətəndaşlar üçün daha da əlçatan edəcək. Həmçinin, "Azərpoçt"da aparılan nağd əməliyyatların da bundan sonra "PostPay" üzərindən həyata keçiriləcəyi gözlənilir.

"Postpay" elektron pul kisəsinin "Android" sistemi ilə çalışan qurğuların dəstəklədiyi mobil tətbiqi də vətəndaşların istifadəsinə verilib. Bu tətbiqi "PlayStore"dan yükləmək olar. "PostPay"in əsas menyusu "Balansın artırılması", "Nağdlaşdırma", "Pul köçürmələri", "Ödəmələr", "Mal və xidmətlərin dəyərinin ödənişi (dinamik QR kod)" və "Balans" bölmələrindən ibarətdir. Ondan istifadə son dərəcə sadədir.

"PostPay"istifadəçiləri balanslarını ödəmə terminalları, bank kartları, digər elektron pul kisələri və poçt şöbələri vasitəsilə artıra bilərlər

"PostPay"in digər elektron pul kisələrindən əsaslı fərqi poçt filialları və məntəqələrində həm balans artırma, həm də nağdlaşdırma əməliyyatlarının həyata keçirmək imkanını istifadəçilərinə təqdim etməsidir. Poçt vasitəsi ilə balansı artırmaq üçün istifadəçi "Azərpoçt"un filialına yaxınlaşmalı və əməliyyatçıya "PostPay" hesab nömrəsini təqdim etməlidir. Nağdlaşdırma etmək üçün isə istifadəçi əvvəlcə hesab nömrəsini və istədiyi məbləği əməliyyatçıya təqdim edir. Əməliyatçı proqram təminatı vasitəsi ilə hesabı yoxlayır və PİN kodu tələb edir. Təqdim edilən kod doğru olarsa əməliyyat uğurla həyata keçirilir və istifadəçiyə uğurlu əməliyyat haqqında bildiriş göndərilərək vəsait ödənilir.

"PostPay" vasitəsilə digər "PostPay" istifadəçisinə, başqa elektron pul kisələrindəki hesablara, bank kartlarına, poçt şöbəsində təqdim olunan kod qarşılığında, eləcə də beynəlxalq pul köçürmə sistemləri vasitəsilə istənilən şəxsə pul köçürmələri həyata keçirmək mümkündür.

"PostPay" istifadəçiləri ödəmələr bölməsində geniş xidmətlər siyahısına malikdirlər. Belə ki, mobil operatorlara ödənişlər, komunal xidmət haqları, gömrük rüsumları və s. bir sıra bu tip ödəmələri təhlükəsiz və rahat şəkildə həyata keçirə biləcəklər.

"PostPay", istifadəçilərinin rahatlığını, həmçinin müasir ödəmə funksiyalarından istifadəni təmin etmək məqsədilə QR kodla ödəmə imkanını da yaradır. Belə ki, mağazalarda və ya xarici internet saytlarında alış veriş edən "PostPay" istifadəçisi tətbiqdən QR kod vasitəsilə ödəmə funksiyasını seçərək ödəmələrini həyata keçirə bilər.

"PostPay" istifadəçiləri bu bölmə vasitəsilə istədikləri zaman hesab qalığı, hesabdan çıxarış, link edilmiş kartların qalığı ilə tanış ola, qruplaşdırılmış analiz çıxarışlarını əldə edə bilər.

Mənbə: https://vergiler.az/news/economy/2911.html



İqtisadiyyat bölümünün son xəbərləri

2019-07-13 | Qoşqular və yarımqoşqular üçün idxal gömrük rüsumunun meyarları dəyişib
2019-07-11 | Azərbaycanda elektron pul kisəsi istifadəyə verilib
2019-07-04 | Fiziki şəxslər üçün aylıq 35 manat sosial ödəniş müəyyənləşdirilməsini təklif edirik
2019-07-04 | Bu mağazalarda yeni nəsil nəzarət-kassa aparatları quraşdırılır - SİYAHI
2019-07-01 | İqtisadi fəaliyyət növlərinin vergi münasibətləri üzrə vahid standartları açıqlanıb
2019-06-21 | Azərbaycanın üç şəhərində yeni nəsil kassa aparatlarına keçidin ilk mərhələsi başa çatdırılır
2019-06-19 | Pensiyalar da artırılır - MƏBLƏĞ- PREZİDENTDƏN YENİ TƏŞƏBBÜS
2019-06-18 | Minimum aylıq əməkhaqqı artırıldı
2019-06-14 | Vergilər Nazirliyi: Ticarət mərkəzlərində dövriyyənin şəffaflaşdırılması həyata keçirilir
2019-06-10 | Azərbaycan Mərkəzi Bankı uçot dərəcəsini endirib

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!