Mikro və kiçik sahibkarlıq subyektləri məcburi auditdən azad edilir

2019-05-26 | Audit | 1004

AR Prezidenti, cənab İlham Əliyevin 3 may 2019-cu il tarixdə imzaladığı, və 24 may 2019-cu il tarixdə dərc edilərək qüvvəyə minən “Azərbaycan Respublikasının Mülki Məcəlləsində, Azərbaycan Respublikasının Vergi Məcəlləsində, Azərbaycan Respublikasının Mənzil Məcəlləsində və Azərbaycan Respublikasının Gömrük Məcəlləsində dəyişiklik edilməsi haqqında” Azərbaycan Respublikasının Qanununun 1.3-cü maddəsinə əsasən, Azərbaycan Respublikasının Mülki Məcəlləsinin 91.4-cü maddəsinin birinci cümləsinə “cəmiyyət” sözündən sonra “(mikro və kiçik sahibkarlıq subyektləri istisna olmaqla)” sözləri əlavə edilmişdir.

AR Mülki Məcəlləsinin 91.4-cü maddəsinin əvvəlki redaksiyasına əsasən isə, məhdud məsuliyyətli cəmiyyət illik maliyyə hesabatının düzgünlüyünü yoxlatmaq üçün hər il müstəqil auditor cəlb etməli idi (kənar audit).

Əks halda bu hal məcburi auditdən yayınma kimi qiymətləndirilərək Azərbaycan Respublikasının İnzibati Xətalar Məcəlləsinin 464-cü maddəsinə əsasən inzibati cəriməyə səbəb olurdu. Belə ki, İXM-nin həmin maddəsinə əsasən, “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər 300 manatdan 600 manatadək məbləğdə, hüquqi şəxslər 1 500 manatdan 2 500 manatadək məbləğdə cərimə edilir.

“Auditor xidməti haqqında” Qanunun 2-ci maddəsinə əsasən isə, qanuna görə öz maliyyə hesabatlarını dərc etdirməli olan təsərrüfat subyektləri üçün, habelə qanunla bilavasitə nəzərdə tutulmuş hallarda həyata keçirilməli olan audit məcburidir.

Bizim halda auditin məcburi edən qanunun norması Mülki Məcəllənin 91.4-cü maddəsidir və bu maddəyə edilmiş yeni dəyişiklik mikro və kiçik sahibkarlıq subyektini bu məcburi auditdən azad edir.

Belə ki, bu gün dərc edilən qanunla məcburi audit tələbi bütün məhdud məsuliyyətli cəmiyyətlərə deyil, yalnız orta və iri sahibkarlıq subyektlərinə şamil ediləcəkdir. Başqa sözlə, mikro və kiçik sahibkarlıq subyektləri yuxarıda qeyd edilən məqsəd üçün hər il məcburi qaydada müstəqil auditor (kənar audit) cəlb etməkdən azad olunurlar.

Mikro və kiçik sahibkarlıq subyektləri hansılardır?

Azərbaycan Respublikasının Nazirlər Kabineti 21 dekabr 2018-ci il tarixli, 556 saylı qərarı ilə mikro, kiçik, orta və iri sahibkarlıq subyektlərinin bölgüsü meyarlarını aşağıdakı qaydada təsdiq etdi:

Sahibkarlıq subyektlərinin ölçüsünə görə kateqoriyaları İşçilərinin orta siyahı sayı(nəfər) İllik gəliri (ig) (min manat)
Mikro sahibkar 1 - 10 ig ≤ 200
Kiçik sahibkar 11 - 50 200 < ig ≤ 3 000
Orta sahibkar 51 - 250 3 000 < ig ≤ 30 000
İri sahibkar 251 və ondan yuxarı 30 000 < ig

Nəzərə alsaq ki, ölkəmizdə sahibkarlıq subyektlərinin böyük əksəriyyəti məhdud məsuliyyətli cəmiyyət formasında mikro və kiçik sahibkarlıq subyektləridir, bu dəyişiklik həmin təsərrüfat subyektləri üçün həm vaxtlarının, həm də maddi vəsaitlərinin qənaətinə gətirib çıxaracaqdır.

Mənbə: http://marja.az/news/42877

Mikro və kiçik sahibkarlıq subyektləri məcburi auditdən azad edilir

2019-05-26 | Audit | 1004

AR Prezidenti, cənab İlham Əliyevin 3 may 2019-cu il tarixdə imzaladığı, və 24 may 2019-cu il tarixdə dərc edilərək qüvvəyə minən “Azərbaycan Respublikasının Mülki Məcəlləsində, Azərbaycan Respublikasının Vergi Məcəlləsində, Azərbaycan Respublikasının Mənzil Məcəlləsində və Azərbaycan Respublikasının Gömrük Məcəlləsində dəyişiklik edilməsi haqqında” Azərbaycan Respublikasının Qanununun 1.3-cü maddəsinə əsasən, Azərbaycan Respublikasının Mülki Məcəlləsinin 91.4-cü maddəsinin birinci cümləsinə “cəmiyyət” sözündən sonra “(mikro və kiçik sahibkarlıq subyektləri istisna olmaqla)” sözləri əlavə edilmişdir.

AR Mülki Məcəlləsinin 91.4-cü maddəsinin əvvəlki redaksiyasına əsasən isə, məhdud məsuliyyətli cəmiyyət illik maliyyə hesabatının düzgünlüyünü yoxlatmaq üçün hər il müstəqil auditor cəlb etməli idi (kənar audit).

Əks halda bu hal məcburi auditdən yayınma kimi qiymətləndirilərək Azərbaycan Respublikasının İnzibati Xətalar Məcəlləsinin 464-cü maddəsinə əsasən inzibati cəriməyə səbəb olurdu. Belə ki, İXM-nin həmin maddəsinə əsasən, “Auditor xidməti haqqında” Azərbaycan Respublikasının Qanunu ilə nəzərdə tutulmuş hallarda həyata keçirilməli olan məcburi auditdən yayınmağa görə vəzifəli şəxslər 300 manatdan 600 manatadək məbləğdə, hüquqi şəxslər 1 500 manatdan 2 500 manatadək məbləğdə cərimə edilir.

“Auditor xidməti haqqında” Qanunun 2-ci maddəsinə əsasən isə, qanuna görə öz maliyyə hesabatlarını dərc etdirməli olan təsərrüfat subyektləri üçün, habelə qanunla bilavasitə nəzərdə tutulmuş hallarda həyata keçirilməli olan audit məcburidir.

Bizim halda auditin məcburi edən qanunun norması Mülki Məcəllənin 91.4-cü maddəsidir və bu maddəyə edilmiş yeni dəyişiklik mikro və kiçik sahibkarlıq subyektini bu məcburi auditdən azad edir.

Belə ki, bu gün dərc edilən qanunla məcburi audit tələbi bütün məhdud məsuliyyətli cəmiyyətlərə deyil, yalnız orta və iri sahibkarlıq subyektlərinə şamil ediləcəkdir. Başqa sözlə, mikro və kiçik sahibkarlıq subyektləri yuxarıda qeyd edilən məqsəd üçün hər il məcburi qaydada müstəqil auditor (kənar audit) cəlb etməkdən azad olunurlar.

Mikro və kiçik sahibkarlıq subyektləri hansılardır?

Azərbaycan Respublikasının Nazirlər Kabineti 21 dekabr 2018-ci il tarixli, 556 saylı qərarı ilə mikro, kiçik, orta və iri sahibkarlıq subyektlərinin bölgüsü meyarlarını aşağıdakı qaydada təsdiq etdi:

Sahibkarlıq subyektlərinin ölçüsünə görə kateqoriyaları İşçilərinin orta siyahı sayı(nəfər) İllik gəliri (ig) (min manat)
Mikro sahibkar 1 - 10 ig ≤ 200
Kiçik sahibkar 11 - 50 200 < ig ≤ 3 000
Orta sahibkar 51 - 250 3 000 < ig ≤ 30 000
İri sahibkar 251 və ondan yuxarı 30 000 < ig

Nəzərə alsaq ki, ölkəmizdə sahibkarlıq subyektlərinin böyük əksəriyyəti məhdud məsuliyyətli cəmiyyət formasında mikro və kiçik sahibkarlıq subyektləridir, bu dəyişiklik həmin təsərrüfat subyektləri üçün həm vaxtlarının, həm də maddi vəsaitlərinin qənaətinə gətirib çıxaracaqdır.

Mənbə: http://marja.az/news/42877



Audit bölümünün son xəbərləri

2019-09-18 | Vahid Novruzov: Azərbaycanda audit sahəsinin liberallaşdırılması ilə bağlı təkliflər hazırlanır
2019-09-18 | Azərbaycanda audit sistemində innovasiyaların tətbiqi ilə bağlı konsepsiya hazırlanır
2019-07-21 | Maliyyə hesabatlarının hazırlanması və təqdim edilməsi sahəsinin mütəxəssislərinə sertifikatlar təqdim edilib
2019-07-12 | Auditorların reytinqi
2019-05-26 | Mikro və kiçik sahibkarlıq subyektləri məcburi auditdən azad edilir
2019-02-22 | Uçot və hesabatlılıq lazımi səviyyədə olmayan yerdə maliyyə nəzarətinin, o cümlədən auditin rolundan və əhəmiyyətindən danışmaq çətindir
2019-02-19 | Hesablama Palatası “Uyğunluq auditinə dair Təlimat”ı təsdiqləyib
2019-01-31 | Auditorlar Palatası Vəkillər Kollegiyası ilə əməkdaşlıq edəcək
2019-01-17 | Auditorlar Palatası iqtisadi subyektləri müstəqil auditor cəlb etməyə çağırıb
2018-12-23 | Auditorlar Palatası iqtisadi subyektləri kənar auditor cəlbinə çağırır

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!