Beynəlxalq əmək standartları

2019-07-13 | Kadr işi | 1236

Əmək və Əhalinin Sosial Müdafiəsi Nazirliyi və Beynəlxalq Əmək Təşkilatının (BƏT) birgə təşkilatçılığı, sosial tərəfdaşların iştirakı ilə "Beynəlxalq əmək standartları" mövzusunda konfrans öz işinə başlayıb.

Nazirliyin İctimaiyyətlə əlaqələr və kommunikasiya şöbəsindən verilən məlumata görə, tədbiri giriş sözü ilə açan Əmək və Əhalinin Sosial Müdafiəsi nazirinin müavini Anar Əliyev Prezident İlham Əliyevin uğurlu sosial siyasətinin ölkəmizdə əmək sahəsində də mütərəqqi beynəlxalq yanaşmalara uyğun islahatların uğurla davam etdirilməsinə imkan verdiyini vurğulayıb.

O, 2019-cu ilin sosial sahədə inqilabi addımların atıldığı bir il olduğunu qeyd edərək, dövlət başçısının bu il təqdim etdiyi iki sosial paket nəticəsində ölkəmizdə minimum əməkhaqqının iki dəfəyə yaxın artırıldığını deyib. Qeyd edib ki, bununla da bu il sentyabrın 1-dən ölkəmizdə ilk dəfə olaraq minimum əməkhaqqının məbləği yaşayış minimumunu (180 manat) 40 faiz üstələyəcək. Dövlət büdcəsindən maliyyələşən bütün sahələrdə çalışan işçilərin vəzifə maaşları da sentyabrın 1-dən əhəmiyyətli dərəcədə artırılacaq. Bütün bunlar əhalinin rifahına ciddi dəstək olmaqla, təbii ki, əmək bazarında müsbət meyillərin sürətlənməsinə, əmək münaisbətlərində leqallaşmaya, işçi qüvvəsinin rəqabət qabiliyyətinin artırılmasına müsbət təsir edir. Bu il müavinət və təqaüdlər də orta hesabla 100 faiz artırılıb.

A.Əliyev ölkəmizin BƏT-lə geniş əməkdaşlıq gündəliyinin olduğunu qeyd edib. O bildirib ki, Azərbaycan Respublikası ötən dövrdə BƏT-in 58 Konvensiyasına qoşulub, xüsusilə də həmin sənədlər sırasında BƏT-in 8 fundamental və 4 prioritet Konvensiyasını ratifikasiya etməsi Azərbaycanın əmək sahəsində qabaqcıl beynəlxalq standartların tətbiqi ilə bağlı fəal və məqsədyönlü siyasətə malik olduğunu göstərir. Çünki həmin fundamental və prioritet konvensiyalar təkmil əsaslarda əmək qanunvericiliyi sisteminin formalaşdırılmasında xüsusi əhəmiyyət kəsb edir. Nazir müavini BƏT-lə birgə icra olunan "Azərbaycan Respublikasının 2016 – 2020-ci illər üçün Layiqli Əmək üzrə Ölkə Proqramı" çərçivəsində aparılan işlərin müsbət nəticələrini, BƏT-in dəstəyi ilə yaradılan Sosial və İqtisadi Məsələlər üzrə Üçtərəfli Komissiyanın əmək, məşğulluq, sosial müdafiə sahələrində uğurlu islahatlar proqramının həyata keçirilməsində önəmli rolunu diqqətə çatdırıb. A.Əliyev ölkəmizdə əmək sahəsində BƏT Konvensiyalarına, beynəlxalq əmək standartlarına uyğun islahatların ardıcıl xarakter aldığını, hazırkı konfransın beynəlxalq əmək standartları, onların tətbiqi məsələlərinin müzakirəsinə həsr edildiyini deyib.

Konfransın açılışında Azərbaycan Həmkarlar İttifaqları Konfederasiyasının sədr müavini Cavanşir Alxasov, Azərbaycan Sahibkarlar (İşəgötürənlər) Təşkilatları Milli Konfederasiyasının vitse-prezidenti Jalə Hacıyeva, BƏT-in Azərbaycandakı milli əlaqələndiricisi Yaşar Həmzəyev, BƏT-in Moskva Ofisinin beynəlxalq əmək standartları və əmək hüququ üzrə mütəxəssisi Lejo Sibbel çıxış ediblər.

Konfransda sessiyalar çərçivəsində L.Sibbel tərəfindən beynəlxalq əmək standartlarına dair təqdimat ediləcək və həmin standartların rolu üzrə sosial tərəfdaşlarla birgə panel müzakirələr aparılacaq.

Həmçinin tədbirin gündəliyinə BƏT-in eksperti Aleksandr Yafayevin "Məcburi əmək və uşaq əməyi üzrə beynəlxalq əmək standartları", L. Sibbelin "Ayrı-seçkilik və bərabərlik üzrə beynəlxalq əmək standartları" mövzularında təqdimatları, "Beynəlxalq əmək standartlarının tətbiqi vasitəsilə BMT-nin Dayanıqlı İnkişaf Məqsədlərinə nail olunması" və "Beynəlxalq əmək standartlarının tətbiqi vasitəsilə qeyri-formal iqtisadiyyatdan formal iqtisadiyyata keçidin asanlaşdırılması" mövzularında müzakirələrin aparılması daxildir.

Konfrans iki gün davam edəcək.

Mənbə: https://vergiler.az/news/economy/3009.html

Beynəlxalq əmək standartları

2019-07-13 | Kadr işi | 1236

Əmək və Əhalinin Sosial Müdafiəsi Nazirliyi və Beynəlxalq Əmək Təşkilatının (BƏT) birgə təşkilatçılığı, sosial tərəfdaşların iştirakı ilə "Beynəlxalq əmək standartları" mövzusunda konfrans öz işinə başlayıb.

Nazirliyin İctimaiyyətlə əlaqələr və kommunikasiya şöbəsindən verilən məlumata görə, tədbiri giriş sözü ilə açan Əmək və Əhalinin Sosial Müdafiəsi nazirinin müavini Anar Əliyev Prezident İlham Əliyevin uğurlu sosial siyasətinin ölkəmizdə əmək sahəsində də mütərəqqi beynəlxalq yanaşmalara uyğun islahatların uğurla davam etdirilməsinə imkan verdiyini vurğulayıb.

O, 2019-cu ilin sosial sahədə inqilabi addımların atıldığı bir il olduğunu qeyd edərək, dövlət başçısının bu il təqdim etdiyi iki sosial paket nəticəsində ölkəmizdə minimum əməkhaqqının iki dəfəyə yaxın artırıldığını deyib. Qeyd edib ki, bununla da bu il sentyabrın 1-dən ölkəmizdə ilk dəfə olaraq minimum əməkhaqqının məbləği yaşayış minimumunu (180 manat) 40 faiz üstələyəcək. Dövlət büdcəsindən maliyyələşən bütün sahələrdə çalışan işçilərin vəzifə maaşları da sentyabrın 1-dən əhəmiyyətli dərəcədə artırılacaq. Bütün bunlar əhalinin rifahına ciddi dəstək olmaqla, təbii ki, əmək bazarında müsbət meyillərin sürətlənməsinə, əmək münaisbətlərində leqallaşmaya, işçi qüvvəsinin rəqabət qabiliyyətinin artırılmasına müsbət təsir edir. Bu il müavinət və təqaüdlər də orta hesabla 100 faiz artırılıb.

A.Əliyev ölkəmizin BƏT-lə geniş əməkdaşlıq gündəliyinin olduğunu qeyd edib. O bildirib ki, Azərbaycan Respublikası ötən dövrdə BƏT-in 58 Konvensiyasına qoşulub, xüsusilə də həmin sənədlər sırasında BƏT-in 8 fundamental və 4 prioritet Konvensiyasını ratifikasiya etməsi Azərbaycanın əmək sahəsində qabaqcıl beynəlxalq standartların tətbiqi ilə bağlı fəal və məqsədyönlü siyasətə malik olduğunu göstərir. Çünki həmin fundamental və prioritet konvensiyalar təkmil əsaslarda əmək qanunvericiliyi sisteminin formalaşdırılmasında xüsusi əhəmiyyət kəsb edir. Nazir müavini BƏT-lə birgə icra olunan "Azərbaycan Respublikasının 2016 – 2020-ci illər üçün Layiqli Əmək üzrə Ölkə Proqramı" çərçivəsində aparılan işlərin müsbət nəticələrini, BƏT-in dəstəyi ilə yaradılan Sosial və İqtisadi Məsələlər üzrə Üçtərəfli Komissiyanın əmək, məşğulluq, sosial müdafiə sahələrində uğurlu islahatlar proqramının həyata keçirilməsində önəmli rolunu diqqətə çatdırıb. A.Əliyev ölkəmizdə əmək sahəsində BƏT Konvensiyalarına, beynəlxalq əmək standartlarına uyğun islahatların ardıcıl xarakter aldığını, hazırkı konfransın beynəlxalq əmək standartları, onların tətbiqi məsələlərinin müzakirəsinə həsr edildiyini deyib.

Konfransın açılışında Azərbaycan Həmkarlar İttifaqları Konfederasiyasının sədr müavini Cavanşir Alxasov, Azərbaycan Sahibkarlar (İşəgötürənlər) Təşkilatları Milli Konfederasiyasının vitse-prezidenti Jalə Hacıyeva, BƏT-in Azərbaycandakı milli əlaqələndiricisi Yaşar Həmzəyev, BƏT-in Moskva Ofisinin beynəlxalq əmək standartları və əmək hüququ üzrə mütəxəssisi Lejo Sibbel çıxış ediblər.

Konfransda sessiyalar çərçivəsində L.Sibbel tərəfindən beynəlxalq əmək standartlarına dair təqdimat ediləcək və həmin standartların rolu üzrə sosial tərəfdaşlarla birgə panel müzakirələr aparılacaq.

Həmçinin tədbirin gündəliyinə BƏT-in eksperti Aleksandr Yafayevin "Məcburi əmək və uşaq əməyi üzrə beynəlxalq əmək standartları", L. Sibbelin "Ayrı-seçkilik və bərabərlik üzrə beynəlxalq əmək standartları" mövzularında təqdimatları, "Beynəlxalq əmək standartlarının tətbiqi vasitəsilə BMT-nin Dayanıqlı İnkişaf Məqsədlərinə nail olunması" və "Beynəlxalq əmək standartlarının tətbiqi vasitəsilə qeyri-formal iqtisadiyyatdan formal iqtisadiyyata keçidin asanlaşdırılması" mövzularında müzakirələrin aparılması daxildir.

Konfrans iki gün davam edəcək.

Mənbə: https://vergiler.az/news/economy/3009.html



Kadr işi bölümünün son xəbərləri

2021-06-11 | Əmək Məcəlləsinə edilən dəyişikliklər qeyri-rəsmi məşğulluğa qarşı mübarizəni gücləndirəcək
2021-02-22 | İşləməyə davam edən 6300-dək pensiyaçının pensiyası yenidən hesablanaraq artırılıb
2021-01-31 | Ezamiyyə xərclərinin hesabnlanması qaydasında dəyişiklik edildi
2021-01-29 | Dövlət bağçalarında əməkhaqqına görə ayırmalar və uşaqlar üçün ərzaq məhsullarının hesablanması qaydası dəyişib
2021-01-29 | Əmək kitabçaları dövriyyədən çıxarılacaq
2021-01-29 | İcbari tibbi sığortanın tətbiqi mərhələli şəkildə həyata keçirilir
2021-01-23 | Məzuniyyət haqqı hesablanarkən hansı gəlirlər nəzərə alınmır?
0021-12-20 | İŞÇİLƏRİN İCBARİ SIĞORTASI MÖVZUSUNDA VEBİNAR
2020-12-27 | Karantin dövründə boşdayanmaya görə işçiyə ödəniş edilirmi?
2020-12-25 | Qısa müddətdə işləmiş işçilərin işdən azad olunması zamanı əmək məzuniyyətinin kompensasiyası

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!