Peşəkar Mühasib Sertifikatı imtahanları çətinləşəcək
2024-03-19 | Sertifikasiyalar |
2943
Peşəkar Mühasib Sertifikatlarının (PMS) alınması üçün imtahanlar çətinləşəcək.
Bunu Dövlət İmtahan Mərkəzinin PMS imtahanları üzrə aparıcı məsləhətçisi Faiq Abdullayev “Vergi və Mühasibatlıq Zirvəsi 2024” platformasındakı çıxışında bəyan edib. Onun sözlərinə görə, hazırkı imtahanlar müəyyən qədər riyaziyyat yönümlüdür. Mühasibat uçotunun daha peşəkar səviyyədə aparılması üçün növbəti imtahanlarda suallar getdikcə çətinləşdiriləcək və tədricən praktikaya uyğunlaşdırılacaq.
F.Abdullayev bəzi statistik məlumatları da açıqlayıb. Belə ki, indiyədək keçirilən PMS imtahanlarının I mərhələsində iştirak edən şəxslərdən 1.689 nəfəri sertifikat alıb. İmtahan iştirakçılarının illər üzrə artdığını deyən F.Abdullayev imtahanın II mərhələsində 3.123 nəfərin müvəffəqiyyət əldə etdiyini vurğulayıb: “Hazırda 2.301 nəfər peşəkar mühasib sertifikatına malikdir. Onlardan 180 nəfəri kiçik sahibkarlıq subyektlərinin əməkdaşlarıdır. 20 nəfərə yaxın pedaqoji fəaliyyətlə məşğul olan şəxslərdir. 200 nəfərdən artıq şəxs isə eyni müəssisənin digər mühasib əməkdaşlarıdır”.
2024-cü ildə gözlənilən yeniliklərə gəlincə, F.Abdullayev bildirib ki, iyul ayında PMS imtahanlarının elektron formada keçirilməsi nəzərdə tutulur. İmtahandan əvvəl isə sınaq imtahanının keçirilməsi planlaşdırılıb. Bu il imtahanlara müəssisənin maliyyə vəziyyəti, eləcə də mənfəət-zərər hesabatlarına dair suallar da daxil ediləcək.
F.Abdullayev onu da deyib ki, gələcəkdə imtahan suallarının sayının azaldılması, cavabların süni intellektlə yoxlanılması kimi məsələlər gündəmdə olacaq. Həmçinin, Peşəkar Mühasib Sertifikatının beynəlxalq miqyasda tanınması üçün müzakirələr aparılır.
Peşəkar Mühasib Sertifikatı imtahanları çətinləşəcək
2024-03-19 | Sertifikasiyalar | 2943
Peşəkar Mühasib Sertifikatlarının (PMS) alınması üçün imtahanlar çətinləşəcək.
Bunu Dövlət İmtahan Mərkəzinin PMS imtahanları üzrə aparıcı məsləhətçisi Faiq Abdullayev “Vergi və Mühasibatlıq Zirvəsi 2024” platformasındakı çıxışında bəyan edib. Onun sözlərinə görə, hazırkı imtahanlar müəyyən qədər riyaziyyat yönümlüdür. Mühasibat uçotunun daha peşəkar səviyyədə aparılması üçün növbəti imtahanlarda suallar getdikcə çətinləşdiriləcək və tədricən praktikaya uyğunlaşdırılacaq.
F.Abdullayev bəzi statistik məlumatları da açıqlayıb. Belə ki, indiyədək keçirilən PMS imtahanlarının I mərhələsində iştirak edən şəxslərdən 1.689 nəfəri sertifikat alıb. İmtahan iştirakçılarının illər üzrə artdığını deyən F.Abdullayev imtahanın II mərhələsində 3.123 nəfərin müvəffəqiyyət əldə etdiyini vurğulayıb: “Hazırda 2.301 nəfər peşəkar mühasib sertifikatına malikdir. Onlardan 180 nəfəri kiçik sahibkarlıq subyektlərinin əməkdaşlarıdır. 20 nəfərə yaxın pedaqoji fəaliyyətlə məşğul olan şəxslərdir. 200 nəfərdən artıq şəxs isə eyni müəssisənin digər mühasib əməkdaşlarıdır”.
2024-cü ildə gözlənilən yeniliklərə gəlincə, F.Abdullayev bildirib ki, iyul ayında PMS imtahanlarının elektron formada keçirilməsi nəzərdə tutulur. İmtahandan əvvəl isə sınaq imtahanının keçirilməsi planlaşdırılıb. Bu il imtahanlara müəssisənin maliyyə vəziyyəti, eləcə də mənfəət-zərər hesabatlarına dair suallar da daxil ediləcək.
F.Abdullayev onu da deyib ki, gələcəkdə imtahan suallarının sayının azaldılması, cavabların süni intellektlə yoxlanılması kimi məsələlər gündəmdə olacaq. Həmçinin, Peşəkar Mühasib Sertifikatının beynəlxalq miqyasda tanınması üçün müzakirələr aparılır.
Sertifikasiyalar bölümünün son xəbərləri |