Nazir müavini: Vergidən yayınanlar gec-tez öz qarşısında vergi müfəttişini görməlidir

2018-12-19 | Kadr işi | 444

"Əmək bazarında rəsmi qeydiyyatda olmayan işçilərin olması iqtisadiyyatda ciddi problemlər yaradır".

"Report" xəbər verir ki, bu barədə vergilər nazirinin müavini Sahib Ələkbərov ATV-də yayımlanan "İqtisadi zona" proqramında deyib.

Onun sözlərinə görə, ölkədə əmək qabiliyyətli əhalinin sayı təxminən 4,5 milyon nəfərdir və bunun 1,5 milyon nəfəri muzdlu işlə məşğuldur: "Bəs yerdə qalanlar? Əlbəttə, onların da böyük bir qismi işləyir və müəyyən məbləğdə gəlir əldə edir. Lakin onlar əmək bazarında rəsmi qeydiyyatda olmayan işçi kimi iştirak edirlər. Təbii ki, belə hallar iqtisadiyyatda ciddi problemlər yaradır".

S. Ələkbərov problemin sağlam rəqabət mühitinə mənfi təsir göstərdiyini vurğulayıb: "Təsəvvür edin ki, bir sahibkar fəaliyyətini normal qaydada qurur, şəffaf şəkildə işləyir və qanunun tələblərinə tam əməl edir. Digər sahibkar isə qanuna əməl etmir, işə götürdüyü şəxslərlə əmək müqaviləsi bağlamamaqla həm onların gələcəkdə pensiya təminatı və digər məsələlərlə bağlı hüquqlarını pozur, həm də vergidən yayınır və başqa sahibkarlara nisbətən müəyyən üstünlüklər əldə etmiş olur. Belə bir şəraitdə sağlam rəqabətdən söhbət gedə bilərmi? Ona görə də bu gün dövlət vergi orqanı qarşısında vəzifə qoyur ki, qanunun tələblərinə əməl edən və şəffaf işləyən sahibkarın yanında olsun, ona kömək etsin. Şəffaf fəaliyyət göstərmək istəməyənlər və vergidən yayınanlar isə gec-tez öz qarşısında vergi müfəttişini görməlidir! Məcəlləyə dəyişikliklərdə qanunsuz fəaliyyətlərin qarşısını almaq üçün inzibati cəza mexanizmləri və sanksiyalar da sərtləşdirilib. Lakin bu sanksiyaların qanunlara əməl edən sahibkarlara heç bir aidiyyəti yoxdur və intizamlı vergi ödəyicisi bundan narahat olmamalıdır. Dövlətin qoyduğu qanunları pozan, qanunsuz yollarla öz həmkarlarını çətin vəziyyətə salmağa çalışan hər kəs isə qanunun gücünü öz üzərində hiss etməlidir".

Nazir müavini qeyd edib ki, Vergi Məcəlləsinə edilən dəyişikliyə görə bununla bağlı hər hansı qanun pozuntusu aşkarlanarsa, birinci dəfə həmin vergi ödəyicisinə qarşı sanksiya tətbiq olunmayacaq. "İlk dəfə belə sahibkarlara yalnız yazılı şəkildə xəbərdarlıq ediləcək. İkinci və sonrakı dəfələrdə isə qanun pozuntusuna yol verənlərə qarşı sanksiyalar tətbiq olunacaq", - S.Ələkbərov vurğulayıb.

Mənbə: https://report.az/biznes/nazir-muavini-vergiden-yayinanlar-gec-tez-oz-qarsisinda-vergi-mufettisini-gormelidir/

Nazir müavini: Vergidən yayınanlar gec-tez öz qarşısında vergi müfəttişini görməlidir

2018-12-19 | Kadr işi | 444

"Əmək bazarında rəsmi qeydiyyatda olmayan işçilərin olması iqtisadiyyatda ciddi problemlər yaradır".

"Report" xəbər verir ki, bu barədə vergilər nazirinin müavini Sahib Ələkbərov ATV-də yayımlanan "İqtisadi zona" proqramında deyib.

Onun sözlərinə görə, ölkədə əmək qabiliyyətli əhalinin sayı təxminən 4,5 milyon nəfərdir və bunun 1,5 milyon nəfəri muzdlu işlə məşğuldur: "Bəs yerdə qalanlar? Əlbəttə, onların da böyük bir qismi işləyir və müəyyən məbləğdə gəlir əldə edir. Lakin onlar əmək bazarında rəsmi qeydiyyatda olmayan işçi kimi iştirak edirlər. Təbii ki, belə hallar iqtisadiyyatda ciddi problemlər yaradır".

S. Ələkbərov problemin sağlam rəqabət mühitinə mənfi təsir göstərdiyini vurğulayıb: "Təsəvvür edin ki, bir sahibkar fəaliyyətini normal qaydada qurur, şəffaf şəkildə işləyir və qanunun tələblərinə tam əməl edir. Digər sahibkar isə qanuna əməl etmir, işə götürdüyü şəxslərlə əmək müqaviləsi bağlamamaqla həm onların gələcəkdə pensiya təminatı və digər məsələlərlə bağlı hüquqlarını pozur, həm də vergidən yayınır və başqa sahibkarlara nisbətən müəyyən üstünlüklər əldə etmiş olur. Belə bir şəraitdə sağlam rəqabətdən söhbət gedə bilərmi? Ona görə də bu gün dövlət vergi orqanı qarşısında vəzifə qoyur ki, qanunun tələblərinə əməl edən və şəffaf işləyən sahibkarın yanında olsun, ona kömək etsin. Şəffaf fəaliyyət göstərmək istəməyənlər və vergidən yayınanlar isə gec-tez öz qarşısında vergi müfəttişini görməlidir! Məcəlləyə dəyişikliklərdə qanunsuz fəaliyyətlərin qarşısını almaq üçün inzibati cəza mexanizmləri və sanksiyalar da sərtləşdirilib. Lakin bu sanksiyaların qanunlara əməl edən sahibkarlara heç bir aidiyyəti yoxdur və intizamlı vergi ödəyicisi bundan narahat olmamalıdır. Dövlətin qoyduğu qanunları pozan, qanunsuz yollarla öz həmkarlarını çətin vəziyyətə salmağa çalışan hər kəs isə qanunun gücünü öz üzərində hiss etməlidir".

Nazir müavini qeyd edib ki, Vergi Məcəlləsinə edilən dəyişikliyə görə bununla bağlı hər hansı qanun pozuntusu aşkarlanarsa, birinci dəfə həmin vergi ödəyicisinə qarşı sanksiya tətbiq olunmayacaq. "İlk dəfə belə sahibkarlara yalnız yazılı şəkildə xəbərdarlıq ediləcək. İkinci və sonrakı dəfələrdə isə qanun pozuntusuna yol verənlərə qarşı sanksiyalar tətbiq olunacaq", - S.Ələkbərov vurğulayıb.

Mənbə: https://report.az/biznes/nazir-muavini-vergiden-yayinanlar-gec-tez-oz-qarsisinda-vergi-mufettisini-gormelidir/



Kadr işi bölümünün son xəbərləri

2020-06-27 | Əmək müqaviləsinin formasında dəyişiklik ediləcək
2020-06-25 | Fəaliyyətinə icazə verilən bəzi sahələrdə işə cəlb olunan işçilərin sayı 50, bəzilərində isə 30 faizdən çox olmamalıdır - SİYAHI
2020-06-25 | Məhdudiyyətlərin səmərəliliyinin artırılması istiqamətində əlavə tədbirlər görüləcək
2020-06-22 | Vergi ödəyicilərinin ezamiyyə xərcinin artırılmasından istifadə etmələri
2020-06-21 | Ezamiyyə vərəqi olmayanlar postlardan buraxılmayacaq
2020-06-18 | İşin daimi olduğu əvvəlcədən məlum olduqda əmək müqaviləsinin müddətli bağlanması halları aradan qaldırılacaq
2020-06-11 | Məşğulluq xidmətləri sahəsində yeni innovativ layihələr hazırlanır
2020-06-10 | Əmək şəraiti zərərli və ağır olan şəxslərin pensiyaya çıxmaq yaşı azaldılır
2020-06-08 | Ödənişli əmək məzuniyyəti ilə bağlı təkliflər hazırlanır
2020-06-04 | Bakı, Sumqayıt, Gəncə, Lənkəran şəhərlərində və Abşeron rayonunda fəaliyyəti dayandırılmayan sahələr açıqlanıb

www.muhasib.az. Bütün hüquqlar qorunur © 2010-2019.
Saytdakı materiallardan istifadə etdikdə www.muhasib.az saytına keçid qoymaq vacibdır!