Torpaq vergisi torpaq mülkiyyətçilərinin və ya torpaqdan icarə və ya digər əsaslarla istifadə edən şəxslərin təsərrüfat fəaliyyətinin nəticələrindən asılı olmayaraq torpaq sahəsinə görə hər il sabit tədiyə şəklində hesablanır.

Rezident və qeyri-rezident fiziki şəxslər, habelə rezident və qeyri-rezident müəssisələr torpaq sahələri barədə özlərinin mülkiyyət və istifadə hüquqlarını təsdiq edən sənədləri aldıqdan sonra fiziki şəxslər və bələdiyyə müəssisələri bələdiyyələrdə, digər müəssisələr isə vergi orqanında 1 ay ərzində uçota durmalıdırlar.

Fiziki şəxslərin torpaq vergisi yerli (bələdiyyə) vergilərinə aiddir, hüquqi şəxslərin torpaq vergisi dövlət vergisinə aiddir, hüquqi şəxslərin Naxçıvan Muxtar Respublikasında ödədikləri torpaq vergisi isə muxtar respublika vergisidir.

Yazı sonuncu dəfə 2023-10-22 tarixində yenilənib.