161 "Mənfəət vergisi üzrə təxirə salınmış vergi aktivləri" hesabında “Mənfəət vergisi” adlı 12 No-li Mühasibat Uçotunun Beynəlxalq Standartı əsasən təxirə salınmış vergi aktivləri barədə məlumatların ümumiləşdirilməsi nəzərdə tutulur. Belə aktivlər Mühasibat Uçotunun Beynəlxalq Standartına uyğun olaraq hesablanmış uçot mənfəəti ilə vergi qanunvericiliyi əsasında hesablanmış vergi mənfəəti arasında yaranmış müvəqqəti fərqlər nəticəsində müəyyən edilir.

Təxirə salınmış vergi – cari və keçmiş dövrlərin maliyyə hesabatlarında tanınan əməliyyat və hadisələrin qiymətləndirilmiş gələcək vergi nəticələridir.

Təxirə salınmış vergi aktivləri aşağdakılar ilə əlaqədar olaraq gələcək dövrlərdə əvəzi alınmalı olan mənfəət vergisi məbləğləridir:

• çıxılan müvəqqəti fərqlər;
• gələcək dövrə keçirilən istifadə olunmamış vergi zərərləri; və
• gələcək dövrə keçirilən istifadə olunmamış vergi kreditləri

Bildiyiniz kimi, mühasibat və vergi uçotları fərqli aparıla bilər. Bunun nəticəsi kimi, müəssisənin xərcləri fərqlənə bilər, və nəticədə mənfəət verqisi də fərqli olar. Misal üçün, müəssisəyə məxsus avadanlıqların amortizasiyası mühasibat uçotunda düzxətli metod ilə, vergi uçotunda isə azalan qalıq metodu ilə aparıla bilər. Və nəticədə illik amortizasiya xərcləri fərqli olacaq.

Misaldan gördüyümüz kimi müəssisə vergi uçotunda daha çox mənfəət vergisi (52 500) hesablayıb ödəməlidir. Mühasibat uçotunda isə mənfəət vergisi 50 000-dir, 2 500 manat azdır. Mühasibat uçotu nöqteyi nəzərindən bu mənfəət vergisi üzrə təxirə salınmış vergi aktividir. Yanı, müəssisə mühasibat uçotuna görə mənfəət vergisini artıq ödəyibdir, ona görə də bu təxirə salınmış vergi aktividir.

Əks halda mənfəət vergisi üzrə təxirə salınmış vergi öhdəliyi olacaqdır.