191 "Gələcək hesabat dövrlərin xərcləri" hesabı mövcud hesabat dövründə edilmiş, lakin gələcək hesabat dövrlərinə aid olan (12 aydan çox) xərclər haqqında məlumatları ümumiləşdirmək üçün nəzərdə tutulmuşdur.

Bu hesabda əsasən:

• dağ – hazırlıq işləri;
• mövsümü sənaye sahələrində istehsala hazırlıq işləri;
• yeni müəssisə, istehsal, qurğu avadanlıq və aqreqatların mənimsənilməsi;
• torpaqların rekultivasiyası;
• əsas vəsaitlərin il ərzində qeyri-bərabər aparılan təmiri (müəssisədə müvafiq ehtiyat və ya fondlar yarıdılmayan hallarda);
• gələcək dövrlər üçün icarə haqqı ödəmələri və başqaları ilə əlaqədar xərclər əks etdirilə bilər;
• əvvəlcədən ödənilən müxtəlif abunə haqqları.

Misal. Müəssisə internet və IP TV xidmətlərinə abunə olubdur və ilin əvvəlində bu xidmətlərə görə 2 il qabaq 360 manat abunə haqqı ödəyib.