221 N-li "Kassa" hesabı müəssisənin kassasındakı pul vəsaitlərinin mövcudluğu və hərəkəti haqqında məlumatları ümumiləşdirmək üçün nəzərdə tutulmuşdur.

Kassa əməliyyatlarının aparılma və rəsmiyyətə salınma qaydaları müvafiq normativ sənədlərlə nizamlanır.

221 N-li "Kassa" hesabının debetində müəssisənin kassasına pul vəsaitlərinin daxil olması, kreditində isə onların kassadan ödənilməsi (verilməsi) əks etdirilir.

Qanunvericilikdə icazə verilən hallarda müəssisə xarici valyuta ilə kassa əməliyyatları apararsa, onda nağd xarici valyutanın hərəkətini ayrıca uçota almaq üçün 221 N-li "Kassa" hesabının tərkibində müvafiq subhesablar açılır.