Müəssisənin satış məqsədi ilə əldə etdiyi malların hərəkəti haqqında ümumiləşdirilmiş məlumatlar uçotu 205 N-li "Mallar" hesabında aparılır.

Bu hesabdan əsasən təchizat, satış və ticarət, habelə ictimai iaşə müəssisələri istifadə edirlər. Alqı-satqı məqsədilə əldə olunan belə malların dəyərinə müvafiq əlavələr (üstəliklər) edliməklə, onlar həmin müəssisələr tərəfindən mal alanlara təqdim olunur.

Eləcə də, bu hesab məhsul istehsalı məqsədi ilə alınmış, lakin yaranmış müəyyən səbəblərdən asılı olaraq həmin mal-materialların satılması nəticəsində istehsalatla məşğul olan müəssisələr tərəfindən də istifadə edilə bilər.

205 N-li "Mallar" hesabına üzrə aşağıdakı subhesablar açıla bilər:

• 205-1 "Anbarlarda olan mallar"
• 205-2 "Pərakəndə ticarətdə olan mallar"
• 205-3 "Dolu və boş taralar"
• 205-4 "Satınalınan məmulatlar"
• 205-5 "Kirayə əşyaları" və başqaları.